Истражувањата беа изведени во соработка помеѓу Дамјан Донев од ЈНУ Институт за национална историја и Анита Василкова-Мидовска од ЛУ Народен музеј-Велес, а беа подржани од Министерството за култура во рамки на Програмата за подршка на проекти од национален интерес од областа на културата за 2024 година.

Беа отворени неколку контролни сонди во рамки на претпоставените некрополи на оваа античка населба, при што беа откриени нови детали околу планот, густината и местоположбата на западната некропола. Овие истражувања кои со прекини траат од 2013 година, ќе продолжат и во иднина во соработка со домашни и странски партнери.

Шолц синоќа за телевизијата ЗДФ изјави дека земја во воена состојба дефинитивно не може да стане членка на НАТО и дека, како што наведе, сите се согласуваат со тој став.

Според Шолц, во моментов се разговара за „безбедносните гаранции“ по завршувањето на војната во Украина.

Шолц истакна дека руското кршење на меѓународното право бара посебни дејствија.

Според него, од една страна треба да се поддржи способноста на Украина да се брани, а од друга да се спречи војната да прерасне во конфликт од поголеми размери, односно во војна меѓу Русија и НАТО.

-Ова е моја одговорност и тоа е нешто што јасно го разбирам. И нема да ја променам мојата позиција, нема да дозволам да ме поколебаат, рече Шолц.

Во овој контекст, тој повтори дека не се согласува со префрлање во Украина на германски крстосувачки ракети „Таурус“ и друго оружје што може да придонесе за ескалација на конфликтот.

Шолц оцени дека е дојден моментот, вклучително и на бојното поле, кога е неопходно да се погледне како да се стави крај на војната и да се создадат перспективи за праведен мир за Украина што е можно поскоро./МИА

Причината за смртта официјално не е позната, а мароканските медиуми објавија дека Барада доживеал срцев удар.

Мароканската федерација изрази сочувство на социјалните мрежи, опишувајќи ја неговата смрт како „голема трагедија и голема загуба“.

Роден во Франција, поранешниот марокански репрезентативец ја почна кариерата во вториот тим на ПСЖ по што настапуваше за повеќе екипи во Шпанија, Турција, Франција, ОАЕ и Катар.

Кариерата ја заврши во 2021 година во францускиот нисколигаш.

За мароканската репрезентација Барада одигра 26 натпревари и настапи на Олимписките игри во Лондон 2012 година.