Македонија

Извршен вонреден инспекциски надзор во кумановската болница

Државниот санитарен и здравствен инспекторат, вчера извршил вонреден инспекциски надзор во кумановската општа болница за случајот со починатата родилка, соопшти денеска в.д. директорот на ДЗСИ, Кирил Лазов. 

Состојбата со новороденчето е непромената, информираа од Детска клиника. Од Јавното обвинителтво на Македонија ги чекаат потребните анализи од надлежните институции за утврдување на фактичката состојба.

Триесет и едногодишната родилка која почина во кумановската болница при породување била во добра здравствена состојба, редовно се прегледувала кај матичен гинеколог покажа вонредниот инспекциски надзор што вчера го спровеле инспекторите од Државниот здравствен и санитарен инспекторат. Надзорот кај матичниот гинеколог покажал дека родилката навремено се јавувала во текот на бременоста, правела редовни контроли, пациентката била во добра здравствена состојба при втора уредно контролирана бременост и немало отстапувања. Инспекторите извршиле и вонреден надзор и во болницата.

- Ден по приемот, на 27 септември поставена е индикација за породување и околу 15.00 часот отпочнало аплицирањето терапија за отпочнување на породувањето. Истата терапија повторно е дадена во 19:30 часот кога дошло до нагло влошување на здравствената состојба на родилката (во 19.40) после кое била итно спроведена во операциска сала и извршен царски од страна на дежурниот тим лекари (специјалист по гинекологија и акушерство, специјализант по гинекологија и акушерство и специјалист анестезиолог). Во 20 ч 30 миннути изваден е плодот а во 20 часот и 45 минути е констатирана смрт на родилката од страна на анестезиолог, се вели во извештајот на Државниот здравствен и санитарен инспекторат.

Лекарите од Детска клиника сè уште ја следат состојбата на новороденчето.

- Состојбата на новороденото е непроменета, лекарите ја следат здравствената состојба. Новороденчето е на одделот за интензивна нега и терапија и е на механичка вентилација и ја добива потребната здравствена нега, изјави директорот Клиниката за детски болести, Реџеп Мемеди.

Од ЈОРМ ги чекаат анализите од надлежните институции за утврдување на фактичката состојба и евентуалната одговорност за случајот со младата кумановка.

Шоу биз

Бритни Спирс си ја запалила косата по инцидент со камин: Лицето ми беше во пламен (ВИДЕО)

Само четири години откако ја запалила својата домашна теретана, Бритни Спирс повторно се соочи со оган и раскажа како доживеала страшна несреќа со камин.

Поп принцезата им порача на своите следбеници на Инстаграм дека „навистина опасниот“ инцидент се случил пред шест месеци, пренесе Пејџ Сикс.

- Бев во соба, го палев огнот и наеднаш ми експлодира во лице - се присетува пејачката (42) додека „зборува со британски акцент“: - Бидејќи мојот камин го правеше тоа претходно, ќе го замоли обезбедувањето да дојде и да го запали. Но, овој пат, само ја фрлив целата работа и буквално ми се разнесе во лице.

Спирс вели дека пламенот бил толку силен што „личноста со која била во тој момент - се разбудила“.

- Моите трепки, веѓи и – ги гледате овие бебешки шишки? Ова е од... ми гореше цела коса - опиша таа.

Добитничката на Греми била загрижена дека има изгореници од втор или трет степен и мислела дека ќе треба да оди во блница бидејќи лицето и било „како пламен“.

- Ме болеше да се допирам кога го држев телефонот. Ме болеше кога ставав мраз на лицето. Сè што допрев ме болеше. Ова се случуваше околу шест или седум часа. … Болката не престана. Беше толку, толку, толку лошо - изјави Спирс.

Конечно, таа земала три лекови против болки за да може да заспие.

– Сега сѐ е во ред – заклучила таа.

Минатата година музичарката случајно ја запалила својата домашна теретана со свеќи, а потоа изгорените останки ги покажала на Инстаграм.

- Ја поминав вратата од салата и пламенот, БУМ !!!!!! - напиша Спирс во декември 2023 година: - По Божја милост, алармот се вклучи после тоа и, „ипи ура“, никој не беше повреден. За жал, сега ми останаа само две парчиња опрема и еднострано огледало за теретана! Но, можеше да биде многу полошо, па затоа сум благодарна. Ама пст, сепак преферирам да вежбам надвор.

Македонија

Хаџи-Јанев: Иран покажа заби, Израел со своите операции ги надмина иранските црвени линии

По иранскиот ракетен напад врз Израел растат стравувањата од проширување на конфликтот на Блискиот Исток.

Според безбедносниот аналитичар Методи Хаџи Јанев извесен е регионален конфликт, а предупредува и дека ситуацијата може да ескалира и на глобално ниво. Со него разговараше Дејан Трајкоски.

Свет

Се огласи данската полиција по експлозиите пред израелската амбасада, уапсени 3 лица

Две експлозии што се случија рано утрово во близина на израелската амбасада во Копенхаген најверојатно биле предизвикани од рачни гранати, соопшти данската полиција.

„Две експлозии се случија во 3:20 часот во близина на израелската амбасада. Нашата прелиминарна проценка е дека тие биле предизвикани од две рачни бомби“, изјави на прес-конференција Јенс Јесперсен од полицијата во Копенхаген, додавајќи дека тројца млади Швеѓани се уапсени, пишува Тајмс оф Израел.

притисни ентер