Според соопштенеито, од почетокот на годинава се пријавени два смртни случаи предизвикани од голема кашлица кај невакцинирани деца на возраст од два и пол и три месеци.

Најголем број заболени се пријавени во јануари, а од март е регистрирано намалување на бројот на заболени.

Најголем број случаи се регистрирани кај возрасните групи на лица постари од 20 години, односно на возраст од 10 до 14 години, додека највисока возраст на специфична стапка на инциденца е забележана во возрасната група на доенчиња помали од 12 месеци и кај децата на возраст од 10 до 14 години.

Од вкупниот број пријавени случаи, 140 (9,4 отсто) се хоспитализирани, од кои најголем број хоспитализирани се во возрасната група помлади од 12 месеци (101 случај или 72,1 отсто од хоспитализираните).

Најголем број случаи на голема кашлица во однос на местото на живеење се пријавени од територијата на Јужнобачкиот округ и градот Белград, каде што се регистрирани и највисоки стапки на инциденца.

Состојбата со новороденчето е непромената, информираа од Детска клиника. Од Јавното обвинителтво на Македонија ги чекаат потребните анализи од надлежните институции за утврдување на фактичката состојба.

Триесет и едногодишната родилка која почина во кумановската болница при породување била во добра здравствена состојба, редовно се прегледувала кај матичен гинеколог покажа вонредниот инспекциски надзор што вчера го спровеле инспекторите од Државниот здравствен и санитарен инспекторат. Надзорот кај матичниот гинеколог покажал дека родилката навремено се јавувала во текот на бременоста, правела редовни контроли, пациентката била во добра здравствена состојба при втора уредно контролирана бременост и немало отстапувања. Инспекторите извршиле и вонреден надзор и во болницата.

- Ден по приемот, на 27 септември поставена е индикација за породување и околу 15.00 часот отпочнало аплицирањето терапија за отпочнување на породувањето. Истата терапија повторно е дадена во 19:30 часот кога дошло до нагло влошување на здравствената состојба на родилката (во 19.40) после кое била итно спроведена во операциска сала и извршен царски од страна на дежурниот тим лекари (специјалист по гинекологија и акушерство, специјализант по гинекологија и акушерство и специјалист анестезиолог). Во 20 ч 30 миннути изваден е плодот а во 20 часот и 45 минути е констатирана смрт на родилката од страна на анестезиолог, се вели во извештајот на Државниот здравствен и санитарен инспекторат.

Лекарите од Детска клиника сè уште ја следат состојбата на новороденчето.

- Состојбата на новороденото е непроменета, лекарите ја следат здравствената состојба. Новороденчето е на одделот за интензивна нега и терапија и е на механичка вентилација и ја добива потребната здравствена нега, изјави директорот Клиниката за детски болести, Реџеп Мемеди.

Од ЈОРМ ги чекаат анализите од надлежните институции за утврдување на фактичката состојба и евентуалната одговорност за случајот со младата кумановка.

- Ученици немаат ниту минимални елементарни услови за следење на наставно-воспитниот процес. Објектот во кој следат настава, кој нема ниту влезна врата, прозорци, е отстапен од жител на селото и се наоѓа во горниот дел на ова населено место, што претставува дополнителна грижа на родителите, бидејќи до него се стигнува низ бујна вегетација, па постои опасност и од диви животни, објави телевизија Булќиза.

И самите ученици, за телевизијата велат дека мака мачат додека стигнат до „училиштето“, кое е далеку од селото, нема пат, одат по дожд и снег, дека не ретко гледаат и диви животни, волци и мечки.

-Точно е дека нашите деца, Македончиња од село Смолник, настава следат во катастрофални услови. Побарано е настава да се одржува во објект внатре во селото, барем така децата ќе бидат безбедни. Нашата област е планинска, а селото е на повисок предел, па нема можност тие да учат во друго населено место, зашто немаат ни соодветна патна инфраструктура, рече за МИА, Едмонд Османи, администратор на административната единица Требиште и потпретседател на Македонска алијанса за европска интеграција, МАЕИ.

Од Управата за образование во општина Булќиза, каде територијално потпаѓа дел од областа Голо Брдо, за телевизијата, потврдиле дека се запознати со овој проблем, дека се „бара решение и оти очекуваат истиот да се надмине, со тоа што прават напори објект во центарот на селото ќе биде достапен за учениците и наставниците“./МИА