Пилот-проектот најпрво ќе започне да се реализира со 100 возила во општините Аеродром, Гази Баба и Чаир. Станува збор за инвестиција вредна 30 милиони евра од приватна странска команија, од каде објаснуваат дека во понудата ќе има различен тип на возила - од помали градски автомобили, до луксузни и транспортни. Овие возила на граѓаните ќе им бидат достапни за изнајмување во секој период од денот преку мобилна апликација со која возилото се лоцира, отклучува и електронски се наплаќа услугата по измината минута и километар. Финалната цна на услугата ќе биде позната во февруари, а како пример беше наведена цена на превоз од центарот на градот до Скопскиот аеродром која би чинела најмногу 15тина евра.

-Сите други трошоци за осигурување, одржување на возилото, гориво веќе се вклучени во цената. Паркинг простор секогаш има достапен, не мора да плаќате паркинг, не мора да барате паркинг, едноставно ја наоѓате локацијата која што е најблиску до вашата дестинација и немате апсолутно никаков проблем.- Матеј Чер – Авант кар

За министерот за животна средина Изет Меџити и министерката за енергетика Сања Божиновска, проектот е чекор напред кон намалување на долгогодишниот проблем со загаениот воздух и сообраќајниот метеж во главниот град.

- Нашиот град долго време се соочува со последиците од урбаното загадување, затоа целта е на овој начин директно да влијаеме на co2 и загадувањето, што е наш приоритет како министерство.

- Енергијата во овие полначи ќе биде исклучително од обновителни извори, за нас тоа е навистина важно а исто така апликацијата ќе може да се употреби ако се оди на аеродром со ова возило и се патува до Љубљана или Загреб со истата апликација таму може да се користат тие возила. - Сања Божиновска

Ваквиот тип на транспорт е присутен во 4 други европски земји, во кои значително се намалила зависноста од користење на фосилни горива. Проценките се дека по целосната интеграција на проектот, бројот на возила во Скопје ќе се намали за околу 15 илјади и значително ќе се зголеми и бројот на слободни паркинг места.

Пулмолозите велат дека како прва заштита на секој граѓанин треба да е носење на масака или шал преку носот и устата. На клиниката за пулмологија е зголемен бројот на пациенти кои имаат проблеми со дишењето и без да имаат некои хронични заболувања, вели Зафировски.

Декември е месец со најмноуг пациенти и секоја година на клиниката за пулмолгија традиционално пред нова година се доделува награда и признание за најдобар хигиеничар, медицинска сестра, болничар,административен техничар и доктор.

Бараат одговорност за несреќата во Нови Сад каде животот го загубија 15 лица и процесуирање на лицата за кои тие велат дека вршат насилство врз нив. Протестот започна од плоштадот Славија, со 15 минутен молк за загинатите, а потоа половина час врева.

-Студентите бараат да се објави целата документација, сметаат дека процесот не бил транспарентен, дека тоа се јавни проекти и дека тоа треба да биде објавено, исто така се бара да прекине насилството кон студентите и учесниците на протестите, исто така да се процесуираат и тие кои го вршат насилството. / Тоа што ние го бараме е да се исполнат барањата, барањата мислам дека се јасни до сега и дека е јасно дека не се исполнети.

Властите во Белград пак тврдат дека сите барања на демонстрантите се исполнети, а ден по протестот, премиерот Вучевиќ во гостување за Пинк порача дека барањата од политичка природа како што кажа, за преодна влада во Србија не се прифатливи, а неговата партија нема никогаш да гласа за таква влада. Иако проценките на дел медиумите и на архивот на јавни собири се дека во Белград имало над 100 илјади луѓе, српската полиција официјално соопшти дека според нив бројката била барем три пати помала, односно најмногу 30 илјади.

-Се одржа и голем собир. Голем собир во Белград. Полицијата вели дека имало 28.000 до 29.000 луѓе. Исклучително голем број. Тие луѓе се ориентирани кон опозицијата и секогаш бев подготвен да слушнам што мислат, како мислат и што мислат дека е важно да се направи за нашата земја. Верувам дека многу повеќе луѓе размислуваат поинаку, па мораме да се слушаме едно со други. / Мене денеска ми беше малку напорен ден, сега со пријателите од претседателството завршив и со китење на оваа елка и утре не чека уште потежок ден. - Александар Вучиќ – Претседател на Србија

Србија изминатите неколку години речиси постојано е со протести, кои сепак нема да доведат до крај на владењето на Вучиќ, но јасна е фрустрацијата кај граѓаните – вели за Канал 5 реномираниот професор и експерт за Балканот Флоријан Бибер, (кој зборуваше и на неколку други теми, а чие интервју ќе го емитуваме деновиве)

-Секако, овие протести очигледно нема да резултират со крај на неговата влада, тој (Вучиќ- преживеал многу протести. Но, граѓани протестираат во Србија, секоја година од 2018 година, за разни причини, ни главната цел е секогаш иста, авторитарно не демократско владеење. И мислам дека е прашање на време и околности кога ова ќе вроди со плод. Дали сега е таква приликата прерано е да се каже, но мислам дека чувството на фрустрација и исто така по насилниот авторитарен одговор на владата сугерира дека трпението на граѓаните е при крај во Србија. - Флоријан Бибер – Професор и експерт за Балканот

Студентските протести во Србија, едни од најголемите изминатите две децении започнаа со блокадата на факултетот за драмски уметности во Белград, а потоа се проширија на повеќе од 50 факултетити ширум земјата. Главна причина за нив беше трагичната несреќа во Нови Сад и барањето за политичка и кривична одговорност.