Резултатот покажува дека многу компании го гледаат потенцијалот во вештачката интелигенција, коментира шефот на истражувањето од Институтот, Клаус Волрабе.

Според него, сите компании ќе треба да размислат дали и како можат да користат вештачка интелигенција во својата работа.

Германските компании очекуваат нивната продуктивност во следните пет години да се зголеми во просек за осум до 16 отсто благодарение на вештачката интелигенција.

Особено високи очекувања имаат давателите на услуги, кои прогнозираат дека нивната продуктивност ќе се зголеми за 10,2 до 20,9 проценти во следните пет години поради вештачката интелигенција, како и во трговијата - за 9,1 до 23 проценти.

Најмали очекувања има во градежништвото, каде што очекуваат раст на продуктивноста од 8,2 до 14,8 отсто, што е во согласност со релативно скромното користење на вештачката интелигенција во тој сектор.

Опсегот на овие очекувања покажува дека компаниите не се сигурни како точно вештачката интелигенција ќе влијае на нивниот бизнис, заклучува Волрабе./МИА

На состанокот стана збор за системот за пензиско осигурување, плановите за наредниот период и решенијата за подобро функционирање на истиот.

Шефот на Мисијата, Анет Кјобе рече дека во фокусот на нивното интересирање во оваа посета на земјата се плановите за наредната 2025 година, буџетот, среднорочната стратегија, како и интервенциите во пензискиот систем.

Директорот Мемов, ги запозна челновите на мисијата како функционира пензискиот систем и начинот на кој се врши усогласувањето на пензиите, а се задржа и на последната мерка на владата за зголемување на пензиите од 2500 денари сега и следната година кога ќе се исплати мартовската пензија. Тој рече дека во тек се повеќе активности за подобрување на функционалноста на Фондот, за што се работи и на проект со Светска банка.

Мемов потенцира дека во наредниот период ќе биде изготвена анализа за причините за дефицитот во буџетот на Фондот за исплата на пензиите, а до владата ќе бидат доставени краткорочни и среднорочни стратешки мерки за зголемување на приходите. Тој рече дека тоа е во функција на обезбедување на социјалната сигурност на корисниците на пензии, но и на сите осигуреници.

Шефот на мисијата на Меѓународниот монетарен фонд во земјава, Кјобе рече дека тие во извештајот што ќе го подготват во февруари следната година ќе ги дадат своите препораки и сугестии, меѓу кои и оние за пензискиот систем.

На крајот од средбата беше изразено задоволството од остварената средба и надеж дека соработката ќе биде на задоволство на двете страни, се наведува во сооштението.

Како што објави „Тајмс оф Израел“, Хагари им рече на новинарите дека израелските војници „не одат во Бејрут“.

„Не одиме во градовите во јужен Либан. Фокусирани сме на зоната на овие села, на областа долж нашата граница. Ќе направиме сѐ што е потребно во таа зона за да ја разбиеме и уништиме инфраструктурата на Хезболах“, рече Хагари.

На прашањето колку ќе трае копнената операција во Либан, која започна во текот на ноќта, Хагари одговори дека „нема да му открие на непријателот“.

„Ќе трае што е можно пократко, денови, недели... Ќе го направиме она што е потребно, ограничена и локална операција каква што ја спроведуваме сега“, рече тој.

Хагари рече дека ИДФ презела копнена акција за да им овозможи на сите 60.000 Израелци „безбедно да се вратат во своите домови во северен Израел“ и дека веќе биле извршени ограничени прекугранични интервенции за таа цел во изминатите неколку месеци.

„Нашите војници влегоа во подземната инфраструктура на Хезболах“, рече Хагари, кој додаде дека скриените складишта за оружје на Хезболах биле пронајдени и уништени, „вклучувајќи напредно иранско оружје“.

„Сè на сè, војниците на ИДФ пронајдоа и онеспособија повеќе од 700 терористички средства на Хезболах за време на овие операции и има уште многу работа да се заврши“, рече Хагари.

Портпаролот на ИДФ истакна дека „Хезболах ја гради, подготвува и опремува таа инфраструктура многу години, подготвувајќи се за денот кога би можел да изврши инвазија на северен Израел“, во план сличен на оној во кој членовите на Хамас го извршија масакрот. на 7 октомври минатата година.