Шоу биз

„Оејзис“ со концерти и во Канада, САД и Мексико

Британскиот поп-состав „Оејзис“ минатиот месец објави продолжување на работата, со што браќата Лијам и Ноел Галагер, кои го сочинуваат дуото, ставија крај на и долгогодишната кавга меѓу нив и 15-годишната пауза. 

По објавените настапи ширум Велика Британија, вчера бендот соопшти дека ќе имаат концерти и во Северна Америка летото следнава 2025 година.

„Америка. ‘Оејзис’ доаѓа. Имате една последна можност да докажете дека сте нè сакале цело ова време“, соопшти „бритпоп“-групата.

Концертите ќе се одржат на стадиони во пет градови во Канада, САД и Мексико. Во август и септември дуото ќе настапи во Торонто, Чикаго, Њујорк, Лос Анџелес и Мексико Сити, а како предгрупа на отворањето ќе свири американскиот рок-состав „Кејџ ди елефант“ (Cage the Elephant).

Билетите за Северна Америка се пуштени во продажба. /МИА

Свет

Израелски функционер по ракетниот напад: Иран ќе плати висока цена (ВИДЕО)

Откако конфликтот на Блискиот Исток доби уште пострашни размери, бидејќи Иран истрела проектили кон Израел, израелски функционер испрати сериозна порака, пишува haaretz.com.

Тој зборуваше по ракетниот напад и рече: „Иран ќе плати висока цена“.

Првата снимка од експлозии кои одекнуваат над Тел Авив се појавија на социјалните мрежи додека израелската противвоздушна одбрана пресретна над 200 ирански балистички ракети.

На снимката се гледаат и фрагменти или делови од ракети кои паѓаат врз градот.

Засега нема извештаи од Израел за повредени или материјална штета.

Свет

Речиси 200 проектили се лансирани кон Израел од Иран

Речиси 200 проектили се истрелани од Иран кон Израел, јавува Армиското радио.

Сирените се активираа низ целата земја бидејќи се лансирани проектили-пресретнувачи за да ги соборат, објави Скај Њуз.

Израелските одбранбени сили (ИДФ) во соопштение пред неколку минути рекоа дека нападот продолжува и побарале од цивилите „да останат во заштитен простор до понатамошно известување“.

Во меѓувреме, израелското армиско радио исто така известува дека полетувањата и слетувањата се суспендирани на главниот меѓународен аеродром Бен Гурион.

Привремено е затворен и воздушниот простор на соседниот Јордан, јавуваат државните медиуми.

Свет

Тела по улиците на Тел Авив во експлозија пред иранскиот напад (Вознемирувачко видео)

Конфликтот на Блискиот Исток се вжешти. Иран истрела ракети кон Израел!

Како што е објавено на социјалните мрежи, со многу вознемирувачко видео, среде овој конфликт, наводно се случил масовен терористички напад на Јафа во Тел Авив, објави Скај Њуз.

Пријавени се најмалку 10 жртви, се јавува на мрежите.

притисни ентер