Свет

ИДФ открива каде ќе бидат нивните цели: Копнената операција ќе трае што е можно пократко

Портпаролот на израелските безбедносни сили (ИДФ) Даниел Хагари денеска изјави дека војниците на ИДФ нема да влезат во Бејрут или во некои поголеми градови во Либан и дека копнената операција на Израел во таа земја ќе биде „што е можно пократка“.

Како што објави „Тајмс оф Израел“, Хагари им рече на новинарите дека израелските војници „не одат во Бејрут“.

„Не одиме во градовите во јужен Либан. Фокусирани сме на зоната на овие села, на областа долж нашата граница. Ќе направиме сѐ што е потребно во таа зона за да ја разбиеме и уништиме инфраструктурата на Хезболах“, рече Хагари.

На прашањето колку ќе трае копнената операција во Либан, која започна во текот на ноќта, Хагари одговори дека „нема да му открие на непријателот“.

„Ќе трае што е можно пократко, денови, недели... Ќе го направиме она што е потребно, ограничена и локална операција каква што ја спроведуваме сега“, рече тој.

Хагари рече дека ИДФ презела копнена акција за да им овозможи на сите 60.000 Израелци „безбедно да се вратат во своите домови во северен Израел“ и дека веќе биле извршени ограничени прекугранични интервенции за таа цел во изминатите неколку месеци.

„Нашите војници влегоа во подземната инфраструктура на Хезболах“, рече Хагари, кој додаде дека скриените складишта за оружје на Хезболах биле пронајдени и уништени, „вклучувајќи напредно иранско оружје“.

„Сè на сè, војниците на ИДФ пронајдоа и онеспособија повеќе од 700 терористички средства на Хезболах за време на овие операции и има уште многу работа да се заврши“, рече Хагари.

Портпаролот на ИДФ истакна дека „Хезболах ја гради, подготвува и опремува таа инфраструктура многу години, подготвувајќи се за денот кога би можел да изврши инвазија на северен Израел“, во план сличен на оној во кој членовите на Хамас го извршија масакрот. на 7 октомври минатата година.

Македонија

Петрушевски: Исполнети многу ветувања кон граѓаните и покрај тешкотиите наследени од СДС и ДУИ

Во вечерашната емисија „Само Вистина“ на Канал 5 Телевизија гостуваше пратеникот од ВМРО-ДПМНЕ Бране Петрушевски кој што истакна дека владата има успешен старт во првите 100 дена .

Во вечерашната емисија „Само Вистина“ на Канал 5 Телевизија гостуваше пратеникот од ВМРО-ДПМНЕ Бране Петрушевски кој што истакна дека владата има успешен старт во првите 100 дена и исполни многу ветувања кон граѓаните и покрај тешкотии кои ги наследи од минатата власт СДС и ДУИ и празна државна каса.

„Да им честитам на сите 330 илјади пензионери кои што денес на своите трансакциски сметки ги добија своите 2,500 денари зголемување, 2,500 денари ќе бидат додадени и во мартовската пензија. Во нашата програма по која што функционираме и на која што сме ги добиле изборите и довербата од граѓаните на страна 146 детално пишува за зголемувањето на пензиите 5000 денари во првата година од мандатот. Ние ова го направивме за помалку веќе за 9 месец ако земеме дека во март следната го дина линеарно ќе бидат зголемени пензиите за 2500 денари“ истакна Петрушевски и додаде:

„Исто така мора да имаме во предвид дека ние не наследивме држава која што успешно ја раководеле буџет кој што бил ликвиден, процеси кои што биле адекватни вклучително и во меѓународните односи па за сега да зборуваме за некакво уназадување на тие процеси. Напротив наследивме изолирана држава затворена држава затоа што од самиот старт како го прифатија францускиот предлог им укажавме и зборувавме со години дека вака на ваков начин не водат во ќорсокак во делот на интеграциските процесии„ нагласи Петрушевски.

Петрушевски потенцираше дека минатата власт на СДС и ДУИ ја оставиле државната каса празна и заборавиле многу категории на граѓани.

„Наследивме буџет комплетно потрошен, неисплатени плати на многу јавни претпријатија, мораме во 21 век да зборуваме за неисплатени плати но замислете 4-5 месеци луѓе не земаа плати, најдовме средства за нив, наследивме буџет каде немаше К-15 иако е обврска на државата. Вакви дупки во буџетот може да набројуваме многу еве ќе ги споменам спортистите кои што беа заборавени, беа укинати ваучерите немаше средства во буџетот за поддршка за околу 10 милиони на спортистите така што од таа стартна точка имавме успешни 100 дена влада“ потенцираше Петрушевски.

Свет

Израелски функционер по ракетниот напад: Иран ќе плати висока цена (ВИДЕО)

Откако конфликтот на Блискиот Исток доби уште пострашни размери, бидејќи Иран истрела проектили кон Израел, израелски функционер испрати сериозна порака, пишува haaretz.com.

Тој зборуваше по ракетниот напад и рече: „Иран ќе плати висока цена“.

Првата снимка од експлозии кои одекнуваат над Тел Авив се појавија на социјалните мрежи додека израелската противвоздушна одбрана пресретна над 200 ирански балистички ракети.

На снимката се гледаат и фрагменти или делови од ракети кои паѓаат врз градот.

Засега нема извештаи од Израел за повредени или материјална штета.

Свет

Речиси 200 проектили се лансирани кон Израел од Иран

Речиси 200 проектили се истрелани од Иран кон Израел, јавува Армиското радио.

Сирените се активираа низ целата земја бидејќи се лансирани проектили-пресретнувачи за да ги соборат, објави Скај Њуз.

Израелските одбранбени сили (ИДФ) во соопштение пред неколку минути рекоа дека нападот продолжува и побарале од цивилите „да останат во заштитен простор до понатамошно известување“.

Во меѓувреме, израелското армиско радио исто така известува дека полетувањата и слетувањата се суспендирани на главниот меѓународен аеродром Бен Гурион.

Привремено е затворен и воздушниот простор на соседниот Јордан, јавуваат државните медиуми.

притисни ентер