Државниот санитарен и здравствен инспекторат излезе со информација за спроведен вонреден инспекциски надзор во ЈЗУ ОБ Куманово и во ПЗУ Гинолабор – ординација по гинекологија и акушерство -Куманово во врска со почината родилка М.С.

На ден 30.09.2024 година од страна на Државниот санитарен и здравствен инспекторат, спроведен е вонреден инспекциски надзор во ЈЗУ ОБ Куманово по Налог на директорот на Инспекторатот и Наредба од министерот за здравство од 30.09.2024 година а во врска со третманот и лекувањето на починатаат родилка М.С.

Изршен е и вонреден инспекциски надзор кај матичниот гинеколог на родилката , при што од увидот во здравствената евиденција и документација а согласно надлежностите на Инспекторатот констатирана е следната фактичка состојба:

Родилката се јавила на акушерското одделение на ден 26.09.2024 о 12,46 кога е извршен гинеколошки преглед од страна на специјалист гинеколог- акушер и поставена дијагноза – Z 34.8 -„Надзор на друга нормална бременост„.

Пациентката на прием била во добра здравствена состојба. Напревени се ЕХО, ЦТГ креиран запис за прием на акушерското одделение заради раѓање.

Родилката се јавувала редовно на преглед кај лекарот кој ја примил во повеќе наврати во период од 12.09.2024 до денот на прием 26.09.2024 година .

Ден по приемот , на 27.09.2024 година е поставена индикација за породување и околу 15.00 часот се отпочнало со аплицирање терапија за отпочнување на породувањето.

Истата терапија е повторно дадена во 19,30 часот кога дошло до нагло влошување на здравствената состојба на родилката (во 19.40) после кое била итно спроведена во операциона сала и извршен царски од страна на дежурниот тим лекари (специјалист по гиенекологија и акушерство, специјализант по гинекологија и акушерство и специјалист анестезиолог ).

Во 20ч 30 мин направена е итна екстракција на жив машки плод а во во 20ч 45 минути е констатирана смрт на родилката од страна на анестезиолог.

Од увидот во медицинската евиденција и документација во ПЗУ Гинолабор – ординација по гинекологија и акушерство -Куманово , каде починатата родилка била прикрепена како матичен пациент, е констатирано дека станува збор за втора уредно контролирана бременост на здрава трудница. Биле редовно вршени прегледи ( лабораториски анализи, ЕХО прегледи и упатувана на останати потребни иследувања) при што немало отстапување од нормалните параметри .

Со оглед дека телото е предадено на судско – медицинска обдукција а од страна на министерот за здравство ќе се формира комисија за стручен надзор со цел да се утврди дали има пропусти во третманот и начинот на лекување на починатата родилка , дополнително треба да се добијат податоци за причината за смрт.

В.Д Директор,

Д-р Кирил Лазов

Холандскиот амбасадор во Либан, Френк Молен, најави дека Холандија се уште нема да организира лет за евакуација, но ги советува граѓаните „да одат додека можат“.

„Летовите за евакуација се навистина последна опција, тоа ќе го направиме само ако навистина не можеме да направиме ништо друго“, изјави тој за Политико.

Германија, Италија и Англија организираа летови од Бејрут и апелираа до граѓаните што поскоро да го напуштат Либан.

Италијанскиот министер за надворешни работи Антонио Тајани ги повика вчера вечерта сите италијански граѓани да го напуштат Либан користејќи комерцијални летови од Бејрут до Милано или Рим, пишува Politico.

Сепак, сметаме дека е потребно да ја информираме јавноста околу фактичката состојба и инволвираноста на државата во предметниот проект.

Претходната Влада како покровител на потпишаните Меморандуми за ЛНГ терминалот и за гасната електрана Александрополис, влегува без претходна стратегија и разработен бизнис план. Во моментов, согласно достапната документација, АД ЕСМ во проектот Александрополис има закупено само капацитет од 1,8TWh годишно односно 4,95GWh/ден, за период од 15 години. Имено, поранешното раководство на АД ЕСМ преку ЕСМ Продажба закупило само половичен преносен капацитет за гасната година 2023-2024, но без можност за влез на гасот во Македонија, затоа што интерконективната точка Ќустендил – Жидилово, не била закупена за оваа година. Токму затоа, домашната компанија ќе забележи загуби од околу три милиони евра.

Прво и основно, во земјава сè уште нема гасна инфраструктура. Единствената интерконективна точка од која може да се донесе природен гас во земјава Ќустендил- Жидилово, Република Бугарија, е со ограничен расположлив капацитет од околу 5,1 GWh дневно, и притоа е изложен на огромна конкуренција. Од друга страна, интерконекторот Грција-Македонија сè уште не е изграден, како ни дистрибутивната мрежа во границите на Македонија.

Според фактите и моменталниот статус на проектот и информациите со кои располага ЕСМ, би сакале да ја информираме јавноста дека НОМАГАС сè уште нема стекнато 10% учество во сопственоста на ЛНГ терминалот Александрополис, ниту пак АД ЕСМ има сопственост од 25% во тамошната гасна централа, како што пренесуваат дел од медиумите.

АД ЕСМ