Актерката Кетрин Зета Џонс на 25-ти септември наполни 55 години. Таа глумеше многубројни улоги кои ја истакнуваа нејзината сексапилност, меѓу кои акциониот филм „Маската на Зоро“ и филмот „Стапица“ (Entrapment). Исто така, таа се истакна со улогите во филмовите „Traffic“ додека во филмот „Чикаго“ глумеше пејачка убиец. Таа има играно и во неколку комедии. По некое време пауза, таа се врати на сцената со помали улоги.
За својот роденден таа одлучила да објави роденденска фотографија на својот Инстаграм профил со што ги израдува своите фанови. На фотографијата таа е целосно гола.
- Во мојот роденденски костум! По повеќе од 25 години славење родендени со мојот сопруг, немам идеи за подароци! Ова е подарок опција 2, топчињата за голф се прва опција... секако“ – напишала актерката во духовитиот опис.
Под нејзината фотографија многу корисници на социјалната мрежа Инстаграм ѝ посакале најубави желби.
- Среќен роденден, убавице!
- Силна, убава и интелигентна жена. Те сакаме!
– Среќен роденден, инспиративна дамо! - напишале под нејзината фотографија.
Потсетуваме, Кетрин Зета Џонс е во брак со Мајкл Даглас. Љубовта ја започнаа во далечната 1999 година. Тие се венчаа само по една година, а интересно е што овој пар одлучил да потпише предбрачен договор за да си обезбеди стабилност во случај на развод. Актерскиот ветеран Мајкл Даглас зад себе веќе има еден развод кој го чинеше околу 45 милиони долари.
Поучен од тоа искуство, решил да постави јасни финансиски граници со Кетрин, особено што убавицата е дури 25 години помлада од него.
Според британскиот весник „Гардијан“, преговорите за предбрачниот договор не биле без предизвици. Кетрин барала импресивни услови: повеќе од три милиони евра за секоја година брак, како и сопствена куќа. Во еден момент, Даглас наводно размислувал да се повлече од договорот, но парот на крајот постигнал компромис кој на актерката ѝ гарантирал значителна финансиска заштита. Во случај на развод, Мајкл Даглас ќе мора да ѝ плати на Кетрин 2,8 милиони долари за секоја година од бракот. Меѓутоа, доколку ја изневери, таа ќе има право на дополнителни 5 милиони долари. Имајќи предвид дека нето вредноста на Даглас се проценува на околу 350 милиони долари, овие бројки претставуваат значителна сума, дури и за еден холивудски великан.