И ДУИ и Тетовскиот Универзитет сите се дистанцираат од криминалецот и бегалец Артан Груби, сите освен СДС.

СДС покрај ДУИ се највеќе виновни зошто на Македонија воопшто и се случи Груби. Да не беше нивната желба за власт по секоја цена или ќе воведоа постапка против Груби, или воопшто немаше да дозволат да дојде до тоа.

Нема амнестија за СДС во случајот Груби. СДС знаеле од прв ден што прави Груби. Не може за влада која ја воделе заедно и која заради ДУИ опстојуваше СДС да не знае што се случувало.

СДС доколку сериозно размислува како партија која сака да биде чинител во општеството, треба да се извини зошто го толерирале Груби и што не повеле постапка пред органите во нивно време. А веднаш потоа да ги повикаат на одговорност и сите нивни функционери кои тоа го овозможиле.

Всушност заради вакви како Груби и многу други од нивните редови СДС и ДУИ ги протуркаа законските измени во Кривичниот законик. Спасувајќи голем број криминалци, но очигледно за среќа на државата и сите нас не можеле да ги спасат сите.

Бране Петрушевски, пратеник на ВМРО-ДПМНЕ

Со почит,

Центар за комуникации на ВМРО-ДПМНЕ

Лиза Кудроу попзната како Фиби Буфе од „Пријатели“, во „Емисијата на Дру Баримор“, откри дека неодамна пронашла белешка којашто нејзиниот покоен колега Метју Пери ѝ ја дал на снимањето на финалето. Тоа писмо досега било скриено во подарената тегла за колачиња.

- Метју ми ја даде на крајот од нашата последна епизода. А неодамна најдов и порака во тој сад, што тој ми ја наменил мене. Ја немав отворено теглата, ниту пак, погледнав внатре. Но, да - внатре имаше порака, и јас сум заборавила на тоа. За сè има вистински миг, вели ѕвездата на „Пријатели“.

Пери кој го глумеше Чендлер Бинг во американската хумористична хит-серија, почина лани во октомври, од „акутни ефекти од злоупотреба на 'Кетамин'“, на 54-годишна возраст. По неговата смрт, другите ѕвезди од „Пријатели“ - Џенифер Анистон, Кортни Кокс, Мет Лебланк, Дејвид Швимер и Лиза Кудроу објавија заедничка изјава.

Нивната главна порака гласеше: „Ние сме семејство“.

Во 2021 година, екипата имаше повторен собир во ТВ-документарецот, првпат откако серијата ја прослави својата 10-годишнина во 2004 година, а воедно и крајот на приказната.

Во врска со смртта на Пери, пет лица беа обвинети. Следно, основана е и фондација на негово име, со цел да им се помогне на лицата кои се борат со зависности.

Министерството за внатрешни работи сооппшти дека Секторот за компјутерски криминал активно презема мерки за истрага и справување со телефонските измами кои се вршат преку техники на пренасочување на телефонски броеви и лажирање на Caller ID.

Овие измами, кои во последно време се сѐ почести, имаат за цел манипулирање на граѓаните и стекнување на доверливи податоци или финансиски средства. Измамниците најчесто се претставуваат како претставници на банки, јавни институции или компании со цел да ги измамат жртвите.

- Секторот за компјутерски криминал изврши проверки во врска со телефонските измами и утврди дека за манипулација со повици можат да се користат повеќе алатки како што се:

1. VoIP Услуги: Услугите за глас преку интернет протокол (VoIP) овозможуваат корисниците да вршат повици преку интернет. Многу провајдери на VoIP нудат функции како пренасочување на повици, маскирање и рутирање преку виртуелни броеви.

2. Апликација за лажирање: Софтвер и апликации, како “SpoofCard” или слични алатки, овозможуваат корисниците да го изменат Caller ID што се прикажува. Овие алатки се често промовирани за приватни или деловни цели, но може да бидат злоупотребени.

3. PBX Системи (Приватни Разменувачки Мрежи): Бизнисите користат PBX системи за управување со дојдовни и излезни повици. Овие системи можат да пренасочуваат повици преку различни броеви и да го изменат Caller ID за професионални цели.

4. SIM Замена: Се однесува на измамнички техники каде што напаѓачите го пренесуваат бројот на жртвата на друга SIM картичка за да пресретнат повици и пораки, наведуваат од МВР.

Секторот за компјутерски криминал при МВР апелира до граѓаните да бидат претпазливи при примање на телефонски повици од непознати броеви или од броеви кои се претставуваат како доверливи институции, никогаш да не споделуваа лични податоци, банкарски информации или лозинки преку телефон, а доколку се сомневаат дека се жртва на ваква измама, веднаш да го пријават во најблиската полициска станица.