По повод Светскиот ден на Брајовото писмо – 4 јануари, градоначалникот на Општина Кисела Вода, Орце Ѓорѓиевски, го посети Државното училиште за рехабилитација на деца и младинци со оштетен вид – "Димитар Влахов", каде донираше нови наслови напишани со Брајово писмо. Овојпат, учениците ќе имаат можност да уживаат во македонски класици, меѓу кои: „Приказни за Зоки Поки“ од Оливера Николова, „Сказна за детето Вилен“ од Глигор Поповски и „Белото циганче“ од Видое Подгорец.

Покрај оваа донација, градоначалникот Ѓорѓиевски ја посети и донираше наслови со Брајово писмо и во библиотеката лоцирана во Домот на културата во Кисела Вода. Оваа иницијатива е дел од заложбите на општината за намалување на маргинализацијата на лицата со оштетен вид и создавање на еднакви можности за нив.

-Од самиот почеток на мојот мандат како градоначалник на Кисела Вода, воспоставивме традиција секоја година да ја надополнуваме библиотеката на ДУРМДОВ "Димитар Влахов" со книги напишани на Брајово писмо. Овие книги се исклучително скапи и тешко достапни, бидејќи ги нема во слободна продажба. Оваа година дониравме три популарни дела од македонски автори, кои ќе го збогатат фондот на библиотеката и ќе овозможат учениците да уживаат во литература која е дел од нашето културно наследство. Брајовото писмо веќе 200 години е прозорец во светот за слепите и слабовидните лица. Затоа, ваквите донации не само што го олеснуваат нивното читање, туку значат и поддршка за нивната едукација, интеграција и личен развој. Дополнително, со нашата донација на вакви книги и во библиотеката во Домот на култура во Кисела Вода, овозможуваме овие книги да бидат достапни и за пошироката заедница, што претставува нов чекор во овозможувањето еднакви можности за сите.

Грижата за лицата со намален вид е приоритет во нашата општина. Во Кисела Вода се наоѓа првото целосно инклузивно основно училиште, каде што во дворот се поставени тактилни патеки за нивна полесна ориентација. Тактилни патеки поставивме и во општинската зграда, а натписите се напишани и со Брајова азбука. Сето ова е дел од нашите напори за намалување на маргинализацијата и овозможување еднакви можности за сите жители на Кисела Вода-изјави градоначалникот Ѓорѓиевски.

Книгите се во издаваштво на "Алдебаран“ од Струга, единствената издавачка куќа во Македонија што во рамките на својата дејност има сегмент за издавање публикации на Брајово писмо, соопштуваат од Општината.

Денеска сум особено среќен и горд што го гледаме овој проект завршен и граѓаните од утре ќе може да го користат.

Овој регион беше регион којшто беше најмногу запоставен од државата и вие граѓаните тоа многу добро го знаете, но знаете и како се боревме за реализација на овој проект.

Во 2017 година Владата преку план за поддршка на североисточниот регион, реализираше огромен број на проекти, меѓу кои целосно рехабилитирање и обнова на целата патна инфраструктура од Скопје до Деве Баир, се реализираа многу проекти за обнова на сите регионални патишта но во Крива Палнка се инвестираше и во други сегменти.

Од 2018 година започна и реализацијата на овој нов капитален проект, за изградба на новиот експресен пат. До крајот на мандатот преку многу состаноци, многу труд, енергија, координации на сите институции, успеавме да завршиме над 90% од работите на овој значаен проект за граѓаните од целиот регион.

Додека ние правевме се да ја забрзаме работата опозициската ВМРО-ДПМНЕ во Собранието го блокираше токму изградбата на овој значаен проект за граѓаните. Во оваа прилика сакам да се заблагодарам на сите оние кои учествуваа и даваа поддршка, од владата, министрите, на сите коишто даваа поддршка, директори на јавни претпријатија, градоначалници, инженери, изведувачи, до сите работници коишто деноноќно работеа на реализација на овој значаен проект за граѓаните.

Ова е проект којшто ќе влијае токму на економскиот развој на целиот регион, но особено значајно што ќе влијае на економскиот развој на Крива Паланка.

Да се радуваме на уште многу нови проекти, рече Љупчо Николовски, пратеник на СДСМ.

По повод трагедијата во Цетиње, кога на 1 јануари во крвавиот напад на 45-годишен напаѓач загинаа 12 лица, премиерот на Црна Гора свика вонредна седница на Советот за национална безбедност.

Според соопштението, советот се фокусирал на клучните предизвици во откривањето и одземањето на нелегалното оружје и предложил низа мерки насочени кон борба против криминалот и заштита на граѓаните.

„Ова беше најтешкиот Совет за национална безбедност поради темата и проблемите што нè снајдоа. Мислам дека е првенствено важно да се обединиме како народ во вакви ситуации“, рече Спајиќ.

Посочувајќи дека злосторството во Цетиње го извршил „медицински феномен, човек со психијатриски проблеми“, Спајиќ рече дека овој случај нема врска со верски или национални елементи.

Тој ги пофали црногорските медиуми, здравствените институции и полицијата за нивниот професионален одговор.

„По анализата на ситуацијата имавме неколку заклучоци што треба да се направи во наредниот период“, рече Спајиќ и додаде дека тоа пред сѐ се однесува на поседувањето оружје во Црна Гора.

„Секој кој поседува пиштол ќе мора да помине низ најригорозните проверки во Европа за да го задржи својот пиштол. Тоа важи и за сите ловечки друштва, кои мора да ги обноват лиценците“.

Тој додаде дека смета дека треба да се затворат сите приватни стрелачки спортски клубови. „Што се однесува до нелегалното оружје, веќе имаме кампања „Почитувај го животот – врати го оружјето“. Но, доколку не го предадат нелегалното оружје во рок од два месеца, најстрого ќе бидат казнети“, истакна Спајиќ.

Тој рече дека по тој рок треба да стапи во сила нов Закон за оружје, според кој секое недозволено носење или поседување оружје ќе се казнува со највисоки казни.

„Нема да има милост за тие луѓе“, рече Спајиќ.

Тој рече дека за една и пол година повеќе од илјада лица од полициските сили се пензионирани и додаде дека по итна постапка ќе примат 200 полицајци, а потоа ќе продолжат да работат на решавање на проблемот со недостатокот на полициски службеници.

Тој нагласи дека црногорската полиција има недостиг од работна сила, односно недоволен број на оперативни полицајци на терен и дека тоа мора да се промени.

Најави и измени на законот за да се овозможи враќање на веќе пензионираните полицајци.

„Секогаш треба да имаме еден вод специјалци, кој се планира преку систематизација, а кој постојано би бил достапен и со хеликоптер ќе пристигнува на местото на настанот низ цела Црна Гора“, рече Спајиќ.

Да потсетиме, Ацо Мартиновиќ на 1 јануари попладнето во Цетиње застрела и уби 12 лица, меѓу кои две деца, при што тешко рани четири лица. По неколкучасовното бегство, Мартиновиќ се самоуби. По повод трагедијата во Цетиње, Владата на Црна Гора прогласи денови на жалост на 2, 3 и 4 јануари.