Ниските температури предизвикаа затворање на училишта, ограничувања во јавниот транспорт и откажување на здравствени услуги.

Ирската електродистрибуција (ESB) соопшти дека 41.000 корисници се без електрична енергија и дека може да бидат потребни денови за целосно обновување на снабдувањето. Ирската водоводна служба информира дека приближно ист број лица немаат вода поради обилните снежни врнежи во југозападниот дел на земјата.

Метеоролозите најавуваат уште поладни ноќи со температури до -8°C, а метео-алармот за ниски температури е во сила до четврток./МИА

Од болницата соопштија дека 95-годишниот поглавар на Албанската православна црква е во критична состојба.

Во текот на вчерашниот ден, пред да му се влоши состојбата, грчкиот премиер Кирјакос Мицотакис и поглаварот на Грчката православна црква Јеронимос ја посетија болницата за да се информираат за здравствената состојба на архиепископот.

Јеронимос имал кус разговор со Анастасиос и му посакал поскоро закрепнување.

Поглаварот на Албанската православна црква, минатиот понеделникот на 30 декември бил превентивно примен во болница во Тирана со сезонски вирус, меѓутоа ситуацијата се влошила, па во петокот вечерта 95-годишниот архиепископ со авион на грчкото воено воздухопловство, итно беше пренесен во болница во Атина. /МИА

Министерството за внатрешни работи денеска соопшти дека 20-годишниот А.И. од скопското село Огњанци и малолетникот од селото Палатица, општина Желино, во возило „фолксваген голф“ со тетовски таблички превезувале тројца мигранти од кои двајца од Кина и еден од Индија.

Полициските службеници со употреба на дрон ги забележале мигрантите како влегуваат во возилото, а по преземени мерки возилото било запрено, а лицата биле лишени од слобода.

По целосно документирање на случајот, против нив ќе биде поднесена соодветна пријава.

Мигрантите ее сместени во Прифатен центар за странци во Скопје за понатамошна постапка.