ФДА објави дека одлуката за намалување на старосната граница вклучува милиони деца на возраст од 12 до 15 години во програмата за вакцинација.
Вакцината Pfizer / BioNTech е првата вакцина одобрена во САД за итна употреба за оваа возрасна група, што се смета за важен чекор кон безбедно враќање на децата на училиште. Американскиот претседател Џо Бајден побара од сојузните држави веднаш да обезбедат вакцини за младите.
„Денешната одлука овозможува заштита на помладата популација од инфекција со коронавирус, приближувајќи се кон враќање на нормалноста и крајот на пандемијата“, рече вршителот на должноста претседател на ФДА, Џенет Вудкок.
„Родителите и старателите на децата можат да бидат сигурни дека агенцијата спроведе ригорозна и детална проверка на сите достапни податоци, како што тоа го сторивме во случаи на други одобренија за итна употреба на вакцината против ковид-19“, рече таа.
Повеќето деца кои се инфицираат со коронавирус развиваат благи симптоми или воопшто немаат. Сепак, децата не се целосно изложени на ризик да се разболат сериозно ,можат да ја рашират инфекцијата.
До недела, скоро 46 проценти од населението во САД биле вакцинирани со најмалку една доза на вакцината против коронавирус. Сепак, стапката на вакцинација е забавена откако во средината на април е забележан најголемиот број на употребени повеќе од 3,3 милиони дози неделно, што се намали на 2,1 милиони на почетокот на мај.
Досега, во САД е одобрена итна употреба на вакцините за лица постари од 16 години, а производителите започнаа процес на целосно одобрување на употребата за тие возрасни групи.