Во живо

последно ажурирање пред 5 месеци

Свет

Инцидент при слетувањето на хеликоптерот со кој патуваше претседателот на Иран, Раиси

Европската комисија ја активираше услугата за сателитско мапирање за да помогне во лоцирањето на хеликоптерот на иранскиот претседател.

пред 5 месеци20:40

ЕК го активира „Коперник“, а Русија понуди помош за Иран

Европската комисија ја активираше услугата за сателитско мапирање за да помогне во лоцирањето на хеликоптерот на иранскиот претседател.

- Услугата е активирана на барање на Иран за помош, објави европскиот комесар за управување со кризи Јанез Ленарчич.

Службата за управување со итни случаи „Коперник“ на ЕК обезбедува услуги за мапирање врз основа на сателитски снимки.

Во меѓувреме портпаролката на руското Министерство за надворешни работи, Марија Захарова изјави дека Русија е подготвена да помогне во потрагата по хеликоптерот.

- Внимателно ги следиме новите информации за судбината на патниците од третиот хеликоптер, меѓу кои има и високи ирански претставници, вклучително и претседателот Раиси. Искрено се надеваме дека се живи и дека нивните животи и здравје не се во опасност. Русија е подготвена да ја обезбеди сета потребна помош во потрагата по исчезнатиот хеликоптер и во истрагата за причините за несреќата, наведе Захарова.

Претходно помош во спасувачките операции понудија Ирак и Азербејџан.

Конвој од три хеликоптери превезуваше ирански владини претставници од Азербејџан, каде присуствуваа на отворање на брана. Еден од хеликоптерите, во кој беше претседателот на Иран, Ебрахим Раис се урна во иранската покраина Источен Азербејџан. Според ИРНА во хеликоптерот бил и министерот за надворешни работи Хосеин Амирабдолахиан, гувернерот на покраината и главен имам во регионот.

Два хеликоптери слетаа безбедно во Табрис, во северозападен Иран.

пред 5 месеци19:42

САД и ЕУ внимателно ги следат информациите за Раиси

По веста дека хеликоптерот со кој се превезувале претседателот на Иран, Ебрахим Раиси и министерот за надворешни работи Хосеин Амирабдулахиан, принудно слетал во планинската област во провинцијата Источен Азербејџан, американскиот Стејт департмент соопшти дека внимателно ги следи информациите.

- Во овој момент немаме друг коментар, истакна портпаролот на Стејт департментот.

Тој додаде дека за тоа е информиран и претседателот на САД, Џо Бајден.

И Европска Унија соопшти дека внимателно ги следи информациите за Раиси.

- Нашето срце е со иранската нација како пријател и брат. Го молиме Бога за милост и грижа за претседателот, министерот за надворешни работи и нивните придружници, изјави портпаролот на Хамас, Изат ал Ришек.

Иранската државна телевизија повтори дека сè уште нема информации за судбината на патниците во урнатиот хеликоптер и оти не може да потврди дали има загинати или повредени лица.

Додека ИРНА јави дека сè уште не е локализирано точното место на инцидентот со хеликоптерот.

Во меѓувреме иранскиот духовен лидер, ајатолахот Али Хамнеи одржа итен состанок на Советот за безбедност на Иран.

Началникот на Генералштабот на иранската армија нареди користење на сите воени ресурси за помош во операциите за пребарување и спасување.

Сè уште не е лоциран хеликоптерот, а во областа паѓа ноќ. Воздушната потрага е прекината поради лошите временски услови, а сите спасувачки операции во моментов се изведуваат од земја, јави Иранската државна телевизија. /МИА

пред 5 месеци19:35

Ирак и Азербејџан му понудија помош на Иран

Ирак му понуди помош на Иран во пребарувањето на хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан.

Владата на Ирак им даде инструкции на Министерството за внатрешни работи, Црвената полумесечина и другите релевантни органи да помогнат во потрагата во иранската провинција Источен Азербејџан.

И претседателот на Азербејџан Илхам Алиев му понуди помош на Иран во пребарување на теренот.

Алиев истакна дека се моли за Раиси и оти е длабоко шокиран од веста за хеликоптерската несреќа, по нивната денешна средба.

Во меѓувреме, иранските медиуми објавија дека исчезнале тројца спасувачи кои трагаа по урнатиот хеликоптер.

Додека Иранската државна телевизија јави дека сè уште не е лоциран хеликоптерот, а во областа паѓа ноќ. Воздушната потрага е прекината поради лошите временски услови, а сите спасувачки операции во моментов се изведуваат од земја.

пред 5 месеци18:27

ИРНА: Сè уште се трага по хеликоптерот

Државната Иранска новинска агенција (ИРНА) објави дека во тек е опсежна операција за пребарување и спасување откако хеликоптерот со иранскиот претседател Ебрахим Раиси беше принуден да изврши „тврдо слетување“ во планинскиот регион во северозападниот дел на Иран.

Инцидентот се случи денеска во шумата Дизмар помеѓу градовите Варзакан и Џолфа во иранската провинција Источен Азербејџан. Раиси се враќаше од Азербејџан, каде присуствуваше на отворање на брана со азербејџанскиот Илхам Алиев.

Неименуван ирански претставник за западните медиуми изјави дека хеликоптерот со кој се превезуваа иранскиот претседател Ебрахим Раиси и министерот за надворешни работи Хосеин Амирабдулахиан се урна додека летал над планинска област во иранската провинција Источен Азербејџан, изјави.

Тој истакна дека „животите на Раиси и Амирабдолахиан „се загрозени по хеликоптерската несреќа“.

- Сè уште се надеваме, но информациите кои ни доаѓаат од местото на несреќата се многу загрижувачки, наведе неименуваниот ирански претставник.

Како што јави ИРНА, повеќе од дваесет целосно опремени тимови за пребарување и спасување, вклучително беспилотни летала и кучиња трагачи, се испратени во областа. Иранските вооружени сили распоредија командоси и специјални сили за да помогнат во операцијата за пребарување.

Поради нерамниот терен на регионот и тешките временски услови, особено густата магла во областа, операцијата за пребарување и спасување би можела да потрае некое време.

Портпаролот на Иранската служба за итни случаи изјави дека осум амбулантни возила се испратени во регионот.

пред 5 месеци17:20

Иранска новинска агенција (ИРНА) на англиски јазик објави дека се случила несреќа односно хеликоптерот се урнал. Иранската државна телевизија, како и ИРНА не јавија дали Раиси или други лица се повредени.

Претходно иранската новинската агенција Мехр објави дека операцијата за пребарување и спасување ќе потрае извесно време поради непроодноста на теренот, планинските и шумските услови, како и неповолните временски услови, особено густата магла.

Дел од иранските медиуми објавија дека некои од придружниците на претседателот во хеликоптерот успеале да стапат во контакт со централните власти, истакнувајќи оти тоа надеж дека нема жртви во инцидентот.

Конвојот на претседателот се состоеше од три хеликоптери. Во другите две летала се превезувале други ирански функционери, меѓу кои и министерот за надворешни работи Хосеин Амирабдолахиан и гувернерот на иранската провинција Источен Азербејџан.

Раиси патувал во Источен Азербејџан, а инцидентот се случи во близина на градот Џолф, во близина на границата со Азербејџан, на околу 600 километри северозападно од главниот град на Иран, Техеран.

Раиси на претседателската функција стапи во август 2021 година.

На социјалните мрежи се појави и видео од насобрани луѓе кои се молат за здравјето на Раиси.

Живот

Отишла во Турција да ги оперира очните капаци, но раните не зараснувале

Поради она што ѝ се случило не можела да излезе на улица...

Иркинката Анита Бордерс решила да се почести за својот 50-ти роденден со интервенција која на крајот ја чинела 10-пати повеќе и речиси ѝ го загрозила животот.

Таканаречениот „медицински туризам“ во Турција бележи голем раст, но не е секогаш без ризици. На ова предупредува и Анита Бродерс (51) од Ирска, која поминала низ трауматично искуство откако отпатувала во Истанбул на операција за подигнување на очните капаци. За да ги избегне високите цени за оваа услуга во Британија, оваа жена се одлучила за значително поевтина естетска процедура во Турција. Тоа требало да биде мал роденденски подарок за нејзиниот 50-ти роденден.

-Почнав да истражувам шест месеци однапред и наидов на една клиника во Турција. Сè чинеше дека клиниката е во ред. За операцијата потрошив 1.000 евра, надевајќи се на брза и успешна процедура. Меѓутоа, набргу по операцијата на очните капаци, сфатив дека нешто не е во ред. Раните не зараснуваа. Ги извадив завоите и ништо не изгледаше како што треба. Иако контактирав со клиниката, ми беше кажано дека тоа е „дел од процесот на закрепнување“, изјавила таа за „Кенеди Њуз ен Медиа“, а „People“ пишуваше за тоа.

Нејзиниот проблем се влошувал, и долните очни капаци почнале да паѓаат, откривајќи ја внатрешната слузокожа од окото и правејќи ја да изгледа морничаво. Анита се вратила во Турција каде ѝ била направена уште една операција, но проблемите се повториле.

- Ова ми го уништи 50-тиот роденден. Ја немав планираната прослава како што требаше. Тоа беше поразително. Живеев со тоа цела година. Пропуштив многу работи поради тоа. Моето семејство беше шокирано. Се чувствував нагрдено и изгледав деформирано. Не одев никаде освен на работа во мојот бар. Се чувствував како да не можам да излезам – додала таа.

Откако нејзините проблеми со очите продолжиле и по втората операција, Алиса изгубила надеж дека ќе добие помош од клиниката во Истанбул.

- Хирургот никогаш не презеде одговорност за своите постапки. Ми рекоа дека секоја постапка е ризик и дека јас сум ги потпишала документите. На крајот ми понудија отштета од 2.000 фунти (2.390 евра), што јас го нарекувам навреда. Оттогаш се немам слушнато со нив. Се чувствувам толку изневерено. Се каам што отидов во Турција на операција. Во Турција потпишувате документи, а немате поим што потпишувате. Тоа е опасно. Не сакам ова да му се случи на некој друг – истакнала таа.

По ваквото разочарување, после една година, Алиса отпатува во Канада на трета операција за да ги поправи нејзините очни капаци. Она што првично требало да биде евтина процедура, на крајот ја чинело речиси 11.000 долари.

Живот

Бизарен тренд меѓу тинејџерите: Се маскираат во животни и касаат луѓе на улица (ВИДЕО)

Невообичаениот тренд меѓу тинејџерите, наречен „квадробајк“, ги вознемири властите во Украина, Русија и некои нејзини поранешни републики.

Се претпоставува дека тинејџерите имитираат животни - носат маски, одат на сите четири, ржат или мјаукаат. Сепак, се тврди дека имало и случаи да напаѓаат случајни минувачи.

Наводно, полицијата во Узбекистан трага по најмалку еден тинејџер кој каснал лице на улица со кучешка маска, пренесува британски Телеграф.

На мрежите кружат видеа и фотографии од љубители на овој тренд, додека локалното МВР предупредува дека во случај на недолично однесување, нивните родители ќе бидат казнети.

„Експертите веруваат дека „квадробајк“ може да доведе до тоа децата да преземат агресивно однесување на животните, да се повредуваат себеси и другите. Тоа може да доведе и до промена на свеста на децата и нивна изолација од општеството“, се наведува.

Се верува дека „ квадробајк “ е инспириран од јапонски спринтер, односно неговиот рекорд во трчање на сите четири.

Се чини дека трендот се пресели од Јапонија и Северна Америка во Русија, Казахстан, Узбекистан и Украина.

Руската сенаторка Наталија Косихина предложи забрана за квадробајк.

„Мораме да се погрижиме децата да бидат повеќе заинтересирани за спортски и едукативни активности, кои нема да им наштетат на психата и здравјето на другите“, рече таа.

Од друга страна, некои психолози сметаат дека тоа е безопасна забава и детска игра.

Свет

Маж на сопственичка на градинка е осуден на 45 години затвор, откако бебе умрело од фентанил

Сопругот на сопственичка на градинка во Бронкс, Њујорк, Феликс Херера Гарсија, каде бебето починало од фентанил минатата година, е осуден пред федералниот суд на 45 години затвор за складирање на повеќе од 11 килограми фентанил и хероин во градинката.

Херера Гарсија е осуден вчера и се изјаснил за виновен за федералните обвиненија за трговија со дрога, објави ABC News.

Обвинителите изјавија дека Херера Гарсија побегнал од градинката, носејќи две големи торби за пазарење додека децата биле под дејство на дрога, во септември минатата година.

Едногодишниот Николас Доминичи починал, а уште три мали деца на возраст од осум месеци до две години биле хоспитализирани поради дејството на фентанил, соопшти полицијата.

Херера Гарсија по смртта на бебето побегнал во Мексико и бил уапсена по еднонеделна потера.

Заедно со криминалната група, тој чувал повеќе од 11 килограми фентанил и хероин во тајни прегради сместени под подните плочки во игротеката каде децата играле, јаделе и спиеле секој ден, соопштија обвинителите, укажувајќи дека на тој начин несовесно го ставал бебиња изложени на ризик од изложеност на фентанил.

притисни ентер