Во средата, по повод годишнината од битката кај Ел Аламеин во Египет во 1942 година, Министерството за одбрана на социјалните мрежи објави дека конфликтот меѓу силите на Оската и сојузниците е „херојски и трагичен“, оддавајќи им почит на италијанските војници кои, како што беше наведено, ги „жртвуваа своите животи за нашата слобода“.

Во таа битка, италијанските фашистички и германските нацистички сили, предводени од германскиот генерал Ервин Ромел, се соочиле со британската армија и сојузниците предводени од генералот Бернард Монтгомери.

Паола Киеза, шефица на делегацијата на Браќа на Италија, партијата на премиерката Џорџа Мелони, во парламентарната комисија за одбрана, на Фејсбук напиша дека „срцето на нашата нација денес е во Ел Аламеин“.

Двете објави беа критикувани од опозициските политичари и членовите на научната заедница.

„Како Ел Аламеин може да се поврзе со 'борбата за нашата слобода' е несфатливо за мене“, вели Матија Гуиди, политиколог од Универзитетот во Сиена.

Претставниците на левичарското Движење пет ѕвезди, втората по големина опозициска партија, рекоа дека италијанските војници иако храбро се бореле, „непримерно“ е да им се оддаде почит како борци за слобода.

Тие беа „жртви на италијанскиот колонијалистички и фашистички режим“, се наведува во соопштението.

Браќа на Италија потекнуваат од Италијанското социјално движење (МСИ), основано во 1946 година како директен наследник на Црните кошули на Мусолини.

Како што пренесуваат агенциите, Мелони, откако ја презеде власта пред две години, мораше неколку пати да се брани од обвинувањата за носталгија за времињата на фашизмот меѓу членовите на нејзината партија.

Таа ги осуди сите форми на тоталитаризам и зборуваше против фашизмот, но, како што е наведено, избегнува да се дефинира себеси како „антифашист“./МИА

Макрон рече дека „што поскоро е потребна огромна помош за либанското население и за стотиците илјади луѓе раселени за време на војната, како и за заедниците што ги прифаќаат бегалците“.

Во Франција денеска се одржува меѓународна конференција за Либан за да се собере воена и хуманитарна помош за земјата во која во војната меѓу Хезболах и Израел се раселија милион луѓе и загинаа над 2.500.

Организаторите се надеваат дека ќе соберат 426 милиони долари хуманитарна помош за која Обединетите нации велат дека е итно потребна.

Париз, исто така, се обидува да помогне во обновувањето на суверенитетот на Либан и да ги зајакне неговите институции./МИА

Ние имаме јасна цел, а тоа е да се отвори кластерот фундаментални вредности што е можно поскоро. Речиси сме таму, треба да поминат уставните промени на кои вашата држава се согласи дека ќе ги направи. Со заеднички дијалог се надевам дека сите политички сили ќе се здружат во земјата и ќе направат потребните заеднички чекори за напредок и уверена сум исто како и вас дека можеме да ги надминеме пречките кои постојат, рече претседателката на ЕК Урсула Фон Дер Лајен на заедничката прес-конфернција со премиерот Христијан Мицкоски.

- Драг Христијан, бидете сигурен дека проширувањето ќе остане врвен пориоритет на Европската комисија во следните пет години. Сега ги имаме сите потребни алатки и инструменти за да го овозможиме тоа, рече таа.

Претседателката на ЕК посочи дека Македонија постигна многу и дека покажа одлучност во преземањето на секој чекор.

- И навистина сакам да ја пофалам Македонија и да одадам почит на луѓето. Сега работата навистина мора да продолжи, рече Фон Дер Лајен.

Премиерот Мицкоски истакна дека Владата високо ја цени заложбата на претседателката на ЕК за нашиот евроинтеграциски пат и дека очекува ЕУ заедно со нас да помогне како да го продолжиме тој пат мпочитувајќи го ставот на граѓаните. Мицкоски изрази убеденост дека заедно може да се надминат овие пречки.