Поранешната врховна судијка Милка Ристова е новата претседателката на Комисијата за помилување,откако претходниот состав си поднесе колективна оставка поради последните помилувања на осуденици. Освен Ристова дел од шест члената Комисија за помилување се и професорот од Факултетот за безбедност Оливер Бачановиќ, неговата колешка Драгана Батиќ доктор по психолошки науки, професорката од Правен Александра Груевска Дракулевски, нејзиниот колега од тетовскиот превен факултет Афет Мамути, професорката по казнено право од Југоисточниот универизитет Блерта Ахмеди Арифи и магистер Доан Сулејманоски, информираат од Кабинетот на престедателката Силјановска-Давкова.

Изборот на новиот состав на Комисијата за помилуавње доаѓа по колективна оставка која претходниот состав ја поденесе пред точно еден месец. Тогашните членови и претседателот на Комсијата се повлекоа по острите реакции во јавноста откако по повод Денот на Македонската револуционерна борба 23 Октомври претседателката Силјановска помилува десет осуденици, меѓу кои беше и Акиф Равмановски, припадник на нарко кланот „Барон“. Meѓу помилуваните беа и поранешниот битолски градоначалник Владимир Талевски обвинет во случајот Транспортер и Маријан Ефремов првоосомничен во аферата Шпион.

Комисијата за помилување е постојано работно тело во служба на претседателот на државата. Следното помилување на осуденци треба да се случи за новогодишните празници.

Откако социјалдемократите на вчерашниот Конгрес и ја дадоа довербата, таа во обраќањето пред делегатите во работниот дел, кој беше затворен за медиумите, посочила дека за неа клучно ќе биде враќањето на довербата на слободоумните граѓани, соопштија од СДСМ. Во ова според неа се поривот и подготвеноста да ја прифати функцијата.

-Имајќи ги предвид сите предивизици, а особено, оној, за мене клучен и суштински, а тоа е враќањето на довербата кон СДСМ од страна на слободоумните граѓани на кои вредносната оска на социјалдемократијата им е блиска, а кои во изминатиот период се разочараа од СДСМ и се чувствуваат изневерено. Нив мора да ги вратиме! - - Фани Каранфилова-Пановска – нов заменик претседател на СДСМ.

Коментирајќи го вчерашниот избор на СДСМ, премиерот Мицкоски изрази разочараност од новото раководство, а во новите лица кажа дека не гледа конструктивна опозиција. Претстојните локални избори според Мицкоски ќе бидат тест за новото раководство на СДСМ.

-Членовите на Конгресот или на општинските организации на СДСМ си избраа раководство какво што заслужуваат. Ние не можеме да кажеме какво раководство треба да има СДСМ. Тие одлучиле дека такво раководство заслужуваат. На локалните избори за околу десетина месеци ќе видиме дали ова ново раководство ќе понуди или нема да понуди нешто ново на тие избори. Би сакал да бидат конструктивен партнер на политичката сцена. За жал, морам да констатирам дека не сум импресиониран од кадровската понуда, изјави Мицкоски.

Каранфилова-Пановска беше избрана на предлог на партискиот лидер Венко Филипче, а доаѓа на местото на актуелната пратеничка Сања Лукаревска. Таа долги години е активна во граѓанскиот сектор, а беше и директорка на Фондацијата Отворено општество-Македонија.

Покрај заменичка на претседателот, социјалдемократите на 30-тиот Конгрес ги избраа и новите Централен и Надзорен одбор, а до крајот на неделава се очекува да биде избрано целото ново раководство на партијата.

Покрај оние на ЈСП, на улиците се вратија и автобусите на приватниците, па граѓаните велат полека се подобрува состојбата. Сепак сметаат, таа е далеку од идеална, бидејќи метежите во автобусите се и натаму проблем, па велат, на Скопје му требаат многу повеќе автобуси за да има јавен превоз како што доликува.

-Сега е добро, и приватните почнаа да возат, јас во Волково живеам, веќе се чуствува.

-По стабилизирана е состојба со ЈСП во Скопје, има гужва, во текот на целиот ден, само навечер е полабаво. Повеќе автобуси дефинитивно, премалку се./ Да, да, секако има, се чуствува разлика од претходно кога немаше.

-Сигурно треба повеќе, со вклучувањето на приватните ќе се реши барем 80% од проблемот.

-Каснат многу, плус тоа, катастрофа е.

Сепак на улиците се вратија само дел од приватните превозници, односно оние кои можат финансиски да издржат, но велат, со постојните цени од километар нема да можат да сообраќат повеќе од неколку дена, па затоа бараат од советот на Град Скопје да се направи интервенција во тарифникот.

-Ќе издржиме, ќе истрпиме овие неколку дена, уште еднаш еве упатуваме апел до советниците во Град Скопје, да не поддржат, да не разберат, да не сфатат, едноставно со сегашната цена ние не можеме нормално да функционираме. Нема ние што да бараме колку треба да биде, си има стручни луѓе кои што можат да изработат, да кажат колку ќе биде и толку нека биде,-Јовица Зафировски – Приватен превозник.

До крајот на годината се очекува да биде распишан и тендерот за набавката на новите 100 до 120 електрични автобуси, од кои, околу една третина ќе бидат наменети за Скопје, посочи премиерот Мицкоски.

Тендер ќе биде тоа, сега ние ги дефинираме условите, го скенираме пазарот, гледаме каде има, колку има заинтересирани, ќе биде тендер, секој смета да се пријави, нека се пријави, ќе ги одредиме и условите на плаќање. Условите на плаќање ќе бидат такви да - почнеме да ги отплаќаме некаде во првата половина на 2028 година, на 8 полугодишни рати, во период од 4 години или период од 3 години со грејс период.

Во меѓувреме веќе е распишана е и јавната набавка за гориво по скратена постапка од страна на ЈСП кој ќе оди со директно преговарање, потврди директорот Кушовски за Канал 5. Истата би требало во најбрз рок да се спроведе, бидејќи од државата претпријатието доби 250.000 тони нафта кои би биле доволни за 10 до 14 дена.