Живот

Убиецот на сопругот на Цеца ќе биде екстрадиран во Србија од Африка

Судот во Јужна Африка донесе одлука да го екстрадира 44 годишниот Добросав Гавриќ, убиец на Жељко Ражњатовиќ – Аркан .

Гавриќ, кој е припадник на српското подземје, во Србија е осуден на 35 години затвор за убиството на Аркан , сопругот на фолк пејачката Цеца Ражњатовиќ. Тој во Јужноафричката Република е веќе седум години во притвор , каде се крие од припадниците на српската мафија , кои ги ликвидираат сите што се поврзани со убиството на Аркан.

Уставниот суд во Кејп Таун ја одбил неговата жалба , соопштуваат српските медиуми. Тој барал политички азил во ЈАР , што не му било одобрено , бидејќи не бил осуден како политички злосторник , туку за убиство.

Србија уште во 2011 поднела барање во оваа африканска држава за екстрадиција , откако во 2006 Гавриќ беше осуден на 35 години затвор , како првоосимничен за убиството на Аркан и уште две лица во хотелот Интерконтинентал во Белград во 2000 година.

До сега шестмина осудени за убиството на Аркан , кои се кријат во Јужна Африка , каде се занимаваат со продажба на злато и дијаманти , се убиени .

Наводно убиствата ги нарачува шефот на чешката мафија , а извршители се српски припадници на подземјето. Полицијата во ЈАР за сега не уапсила ниеден од сторителите на осумте убиства.

Фудбал

Манчестер сити четврти пат по ред шампион на Англија

Манчестер сити е шампион на Англија во сезоната 2023/24.

Во натпреварот од 38. коло „Граѓаните“ на домашен терен го победија Вест Хем (3:1). Двоен стрелец беше Фил Фоден. Играчот од средниот ред погоди во 2. и 18. минута. Родри постигна уште еден гол од додавањето на Фоден во 59. минута.

Стрелец на единствениот гол за гостите беше Мохамед Кудус (42. минута).

Манчестер сити заврши на првото место во Премиер лигата со 91 бод пред Арсенал кој собра 89. Тимот на Пеп Гвардиола ја освои шампионската титула четврти пат во низа. Покрај тоа, ова е шеста титула за Гвардиола во Премиер лигата.

Вкупно Манчестер сити има 10 трофеи. По бројот на шампионски титули, пред Сити се само Арсенал (13), Ливерпул (19) и Манчестер јунајтед (20).

Вест Хем ја заврши сезоната на деветтото место на првенствената табела. /МИА

Фудбал

Сасуоло испадна од Серија А по 11 сезони во првата лига

Сасуоло испадна од италијанската Серија А. Денес тимот загуби на домашен терен од Каљари (0:2) во натпреварот од 37. коло на најсилното фудбалско првенство во Италија.

Попладнево Удинезе и Емполи ремизираа (1:1) и се одлепија од Сасуоло на недостижни 4, односно 5 бода на едно коло пред крајот на првенството. Сасуоло (29 бодови) е претпоследен во поредокот.

Сасуоло стигна до Серија А во 2013 година. Оттогаш, тимот помина 11 сезони во највисоката дивизија.

Претходно Салернитана рано испадна од Серија А.

Третиот тим кој ќе ја напушти елитата ќе се бара помеѓу екипите на Емполи, Удинезе, Фросиноне, Верона и Каљари./МИА

Свет

Таравари се демантира самиот себе

Арбен Таравари ретерира од својата изјава дадена вчера за косовската државна телевизија дека ВРЕДИ ќе има 6 министри во идната Влада.

Денеска вели дека договор се уште не е постигнат, а информацијата што произлезе од него била дезинформација. Вели дека нема договор ниту за претседателот на Собранието да биде од нивните редови, иако вели дека остануваат на тоа барање, за да остане воспоставената пракса една од трите највисоки државни функции да биде раководена од Албанец.

Преговорите на работните групи меѓу ВМРО-ДПМНЕ и „ВРЕДИ“, според најавите, ќе продолжат и утре за да се финализира владината програма, а до петок се очекува да бидат договорени и кадровските решенија. Во меѓувреме во среда ќе има и прегласување на седум избирачки места во 5 и 6 изборна единица за да се види финалниот распоред на силите во Собранието.