Здравје

Таравари: Има буџет за 1.117 нови вработувања и 600 приватни специјализанти, конкурсите од стар

Има буџет за 1.117 нови вработувања и 600 приватни специјализанти, конкурсите од стартот на новата година.

Обезбедивме буџет за 1.117 нови вработувања и 600 приватни специјализанти, а со почетокот на новата година ќе се објават конкурсите, рече денеска министерот за здравство Арбен Таравари, на брифингот со новинарите, заедно со заменик министерот Јовица Андовски и државниот секретар во Министерството, Бесим Мемеди.

- Ова е дел од нашата стратегија за подобрување на кадровските капацитети во здравството. Се посветивме на детални анализи и подготовка на измени кои ќе донесат долгорочен напредок во здравството. Клучен аспект на оваа работа беше изработката на програма за интегрирање и функционална реорганизација на здравствените единици во јавното здравство. Преку оваа програма се стремиме кон рамномерна регионална распределба на медицинските установи низ целата земја, подвлече министерот.

Тој рече дека еден од најголемите проекти што е започнат, е спојувањето на јавните установи од Комплексот клиники „Мајка Тереза" во нов правен субјект Јавна здравствена установа Универзитетски клинички центар „Мајка Тереза" Скопје. Притоа додаде дека оваа иницијатива ќе обезбеди поефикасно управување и унапредување на здравствените услуги за сите граѓани.

Паралелно, работната група за дигитализација, составена од експерти, во соработка со Министерството за дигитална трансформација, интензивно работела на развивање конкретни решенија за модернизација на здравствениот систем. До напролет очекуваат да има првични резултати и јасна насока за идната дигитализација.

Таравари истакна дека свесни за предизвиците во руралните подрачја, планирале воведување стимулативни мерки за привлекување здравствени работници да работат во овие средини.

- Во однос на зајакнување на здравствениот кадар, досега успешно завршивме повеќе преземања од приватни здравствени установи во јавни, а дополнителни апликации се во тек. Во текот на јануари и февруари, ќе промовираме современа опрема за повеќе здравствени установи, вклучувајќи ја Клиниката за урологија, Хируршката клиника „Св. Наум Охридски", болниците во Прилеп и Велес, како и КТ ангиограф за УК за кардиохирургија, кој е единствен од ваков вид во регионот. Покрај ова, ќе иницираме отворање современ центар за инвитро фертилизација на Универзитетската клиника за гинекологија и акушерство, соопшти министерот.

Тој информираше дека на полето на инфраструктурни инвестиции, посветено работеле на модерни хируршки сали во ГОБ ,,8 Септември" и во Клиничка болница Тетово, современ ургентен центар и педијатриски центар во Струмица, финализирање на проектот за болницата „Св. Еразмо" во Охрид со отворање во 2026 година, реконструкции на болниците во Велес, Гостивар, Прилеп, Демир Хисар, како и Центарот за цистична фиброза Козле.

- Наш приоритет остануваат КБ Штип и ОБ Кичево, за кои активно работиме на меѓувладин договор со заинтересираните страни. Во однос на легислативни промени, во пролет очекуваме усвојување на новиот закон за лекови, синхронизиран со европските стандарди, а до крајот на 2025 година финализација на законот за медицински средства. Работиме и на ревидирање на Законот за здравствена заштита, со посебен фокус на воведување парамедици во здравствениот систем. Сите овие активности ја рефлектираат нашата визија за здравствен систем кој е достапен, модерен и ориентиран кон потребите на граѓаните, нагласи министерот за здравство, упатувајќи честитки за празниците и посакувајќи им на граѓаните здравје, радост и успех.

Хороскоп

Дневен хороскоп за 5. јануари 2025 година

Дневен хороскоп за недела, 5. јануари 2025 година. 

Јарец 22.12.-20.1.

Љубов

Оние кои се во стабилни врски , денеска ќе имаат потреба за да останат дома во прегратка на саканата личност.

Кариера

Креативните дејности што се однесуваат на помали задачи , денеска ќе ви донесат големо задоволство.

Здравје и совет

Игнорирајте ја нервозата.

Водолија 21.1.-19.2.

Љубов

Додека вие се забавувате и уживате како никогаш, некој од вашите пријатели страда и сака да ви се довери.

Кариера

И натаму сте во фаза да ги ,,прескокнувате” задачите , зашто многу повеќе ве привлекува вашето хоби и уредувањето на домот.

Здравје и совет

Бидете професионални.

Риби 20.2.- 20.3.

Љубов

Каде и да тргнете , малку е веројатно дека денеска ќе постигнете емоционално исполнување. Задоволете се со она што го имате.

Кариера

Имате изгледи за напредување , што ќе остави трага на подолг период. Искористете ги понудените опции.

Здравје и совет

Емотивни фрустрации.

Овен 21.3-20.4.

Љубов

Држете се само до она што знаете дека е проверено и стабилно. Се друго може да се смени во дел од секундата.

Кариера

Не се занимавајте со она за што интуитивно чувствувате дека нема да ви донесе корист. Одработете го само она што морате.

Здравје и совет

Едноставно издржете.

Бик 21.4- 20.5.

Љубов

Ќе дојде до мало подобрување во личните односи , но се уште не е такво за да можете да се опуштите.

Кариера

Не сте сигурни што треба да направите , па веројатно ќе побарате помош од личност која е постручна од вас.

Здравје и совет

Носете заклучоци во тишина.

Близнаци 21.5.-21.6.

Љубов

Денеска ќе увидите дека на една личност премногу и требате. Некако ќе најдете време меѓу љубовта и пријателството.

Кариера

Ништо што моментално се случува на вашето работно место , не ви се чини доволно интересно за да го преокупира вашето внимание.

Здравје и совет

Помагајте им на другите.

Рак 22.6-22.7.

Љубов

Ќе бидете растргнати меѓу љубовните желби , семејните должности и можности за сопствено задоволство.

Кариера

Оние кои кон работата имаат професионален пристап , ќе работат одлично . Другите постојано ќе наоѓаат приговори поради сопствените фрустрации.

Здравје и совет

Подобро е да верувате.

Лав 23.7-22.8.

Љубов

Ќе се поврзете со необични личности или такви кои не се од вашата средина. така ќе го збогатите својот емоционален свет.

Кариера

Ќе успеете да ја стабилизирате финансиската подлога за развој на работите. Поради тоа ќе ви порасне самодовербата.

Здравје и совет

Не споредувајте се со другите.

Девица 23.8.-23.9.

Љубов

Ќе знаете да сочуствувате , но при тоа ќе имате непријатно чувство.Имате доверба само во она што ви лежи на срце.

Кариера

Ќе ја подобрите соработката со другите преку подобра комуникација , но се уште нема да прифаќате се што шефовите ви предлагаат.

Здравје и совет

Најдете златна средина.

Вага 24.9.-23.10

Љубов

Ќе се ослободите од блокадите во комуницирањето и ќе успеете да го изразите она што го чувствувате. Тоа ќе биде чекор напред.

Кариера

Некои во работата ќе воведуваат нови или млади соработници. При тоа ќе бидат поотворени и попријатни од обично.

Здравје и совет

Покажете ја својата ведра страна.

Шкорпија 24.10-22.11.

Љубов

Ќе откривате се подлабока поврзаност со личноста што ја сакате , а во исто време добро ќе се забавувате.

Кариера

Некои ваши колеги денеска ќе покажат мрзливост или ќе бараат полуксузни услови за работа. Бргу ќе им одговорите.

Здравје и совет

Вие знате како да постапите со секого.

Стрелец 23.11.-21.12.

Љубов

Ве очекува зачестено излегување меѓу луѓе. За оние кои уште се сами , тоа ќе биде добра шанса за нови познанаства.

Кариера

Од она што сте го презеле , нешто веќе се га ќе се покаже како успешно, а за остатокот ќе треба да помине уште некои проверки.

Здравје и совет

Бидете тактични.

Живот

Чех под дејство на дрога си го отсекол полниот орган, хирурзите му направиле нов

Лекарите од Чешка ги преобликувале гениталиите на 31-годишен маж откако под дејство на дрога си ги отсекол пенисот и двете уши. 

На улица бил пронајден со смрзнатини, по што бил хоспитализиран во психијатриска болница, пренесува чешкиот портал Иднес.

По неколкумесечно закрепнување, лекарите извршиле пластична операција под водство на хирургот Адам Бајус. „Одвоивме парче ткиво од подлактицата, го обликувавме во форма на гениталиите и уретрата и ги поврзавме ситните крвни садови и нервите под микроскоп“, објасни Бајус.

"Акутната употреба на дрога ја наруши способноста на пациентот да се контролира и да донесува одлуки. Тој не знаеше што прави во тоа време, но сега живее релативно нормален живот", додаде психијатарот Јакуб Албрехт.

„Лекцијата е јасна, никогаш не знаеш што ќе ти направи дрогата и никогаш не знаеш што точно има во купеното. Не можеме сѐ да забраниме, но важна е превенцијата“, заклучил психијатарот. Пациентот наводно бил под дејство на марихуана и кратом, јави Прага радио.

Свет

За напаѓачот на божикниот базар во Магдебург претходно се воделе 7 истражни постапки

Осомничениот за нападот со автомобил на божиќниот базар во германскиот град Магдебург бил под седум истражни постапки во рок од две години пред нападот, објави германскиот весник „Франкфуртер алгемајне цајтунг“.

Според информациите што ги провери ДПА, тој во пет случаи бил обвинител, а во два обвинет, пренесе Индекс.

Неколку дена пред Божиќ, мажот, идентификуван само како Талеб А. според германските закони за приватност, возел автомобил низ божиќниот базар во Магдебург, убивајќи пет лица и ранил речиси 300. Тој е во притвор.

Од 2020 година, Талеб А. работел како лекар во психијатриска болница во Бернбург, каде лекувал зависници од дрога кои извршиле кривични дела.

Во една од истражните постапки Талеб А. се заканувал на адвокатот кој своевремено го застапувал, како и на семејството на адвокатот и на вработените во канцеларијата. Полицијата го посетила на работното место на 4 октомври 2024 година за да го предупреди дека е под надзор.

Полицијата не ја открива причината за посетата на управата на болницата, изјави за dpa портпаролката на Салус, компанијата која управува со болницата.

На полицијата не ѝ е дозволено да споделува лични податоци со јавни и нејавни органи заради спречување на кривични дела.

Како одговор на истрагата, регионалното биро за криминал изјави дека нема индикации дека „преносот на податоци може да спречи опасност во околината на работодавачот“, што значи дека не биле исполнети условите за споделување податоци.

притисни ентер