Кошарка

Бизарен резултат на натпревар на прволигаши во Романија- домашните победиле со 105 коша разлика

Апсолутно неверојатен резултат доаѓа од Романија, ни помалку ни повеќе туку од нивната Прва женска кошаркарска лига.

Се сретнале Рапид од Букурешт и екипата на ЦСУ Брашов, а домашните победиле со неверојатни 105 поени разлика.

Конечниот резултат на натпреварот гласел 128:23, а особено впечатлив е резултатот од второто полувреме кое домашните го добија со луди 66:8. По четвртини беше - 34:9, 28:6, 36:4, 30:4.

Беше јасно дека гостите беа апсолутни аутсајдери пред овој меч, но секако никој не очекуваше дека ќе доживеат ваков тежок дебакл. Тие се последни на табелата, а во осумте натпревари во кои доживеаја исто толку порази примиле вкупно 812 бода и дале само 329.

Рапид, пак, се наоѓа на средината на табелата со скор 4-5, а како што пишува романскиот GSP.ro, самото романско женско првенство е во јасен пад во последните неколку години и сега таму се само осум екипи во елитата.

Ова не е прв катаклизмичен пораз на Брашов, кој пред околу еден месец беше поразен од Шепши со резултат 133:37, односно со 96 поени разлика.

Претседателката на Кошаркарската федерација на Романија, Кармен Токала, кон крајот на минатата година излезе со предлог женската кошарка да биде замрзната две години и со тоа да прибегне кон радикални мерки.

- Женската кошарка треба да биде замрзната две години, во тој период ниту да се пријавиме на меѓународни натпревари, ниту да носиме странски играчи, туку да видиме до каде сме. Немаме многу кошаркарки, немаме ни 20 што можат да играат на највисоко можно ниво - потенцира Токала.

Свет

Во Конго околу 170 затвореници ќе бидат погубени поради вооружени грабежи

Повеќе од 170 затвореници осудени на смрт се префрлени од главниот град на Конго во друг затвор на северот на земјата каде што ќе бидат погубени, објавија конгоанските власти.

„Седумдесет осуденици се транспортирани вчера“, рече министерот за правда на Конго, Констант Мутамба, а уште 102 затвореници веќе се испратени во затворот Ангенга во северната провинција Монгала.

Затворениците се осудени за вооружен грабеж и локално се познати како „кулуни“ или „урбани бандити“.

Тие се на возраст меѓу 18 и 35 години, се вели во соопштението на Мутамба.

Некои граѓани на Конго ја поздравија мерката како средство за враќање на редот и безбедноста во градовите, додека други се загрижени за ризикот од злоупотреба и кршење на човековите права. /МИА

Свет

Зеленски: Украина има 980.000 војници во борба, ние ја имаме најголемата армија во Европа

Украинскиот претседател Володимир Зеленски изјави дека Украина има 980.000 вооружени луѓе кои се борат против Русија на сите фронтови и дека украинската армија е „најголема во Европа“.

„Киев Индипендент“ наведува дека Зеленски во таа проценка не ја земал предвид Русија, која пред речиси три години ја нападна Украина со повеќе од милион луѓе.

„Украина ја има најголемата војска во Европа. По нас доаѓа Франција, која има четири пати помалку војници. Ми се чини дека Французите имаат 200.000 војници, а ние 980.000“, посочи Зеленски./МИА

Свет

Алиев: Несреќата на авионот немаше да се случи доколку се почитуваа правилата

„Државата Азербејџан отсекогаш ги ценела активностите и херојството на своите синови и ќерки“, рече Алиев.

Претседателот на Азербејџан, Илхам Алиев изјави денеска дека несреќата на авионот на „Азербејџан ерлајнс“ што на 25 декември се урна во близина на казахстанскиот град Актау, при обид за принудно слетување, кога загинаа 38 лица, немаше да се случи доколку се почитуваа сите правила на копнените служби, како и правилната координација меѓу вооружените сили и државните служби.

„Државата Азербејџан отсекогаш ги ценела активностите и херојството на своите синови и ќерки“, рече Алиев на средбата со семејствата на членовите на екипажот кои ги загубија животите и со преживеаните членови на екипажот на авионот.

Тој истакна дека и овојпат е оддадено признание за херојството на екипажот. /МИА