Македонија

Суд Кавадарци: Собрание на доверители донесе одлуки за продажба на подвижен имот на Фени

Собрание на доверители донесе одлуки за продажба на подвижен имот од стечајна маса на поранешно ,,Фени".

Собрание на доверители донесе одлуки за продажба на подвижен имот од стечајна маса на поранешно ,,Фени", оваа информација денеска ја потврдија од Основен суд Кавадарци за МИА.

- На седницата одржана вчера во рамките на отворената стечајна постапка над должникот Трговско друштво за ископ на руди, производство на метали, трговија и услуги Еуроникел индустри ДОО с. Возарци Кавадарци - во стечај, присуствуваа доверители со утврдени и признати побарувања во износ од 58.414 проценти, информираа од Судот.

На дневен ред биле неколку точки, за продажба на имот од стечајната маса, меѓу кој и резервни делови, разна руда од Брег на Слонова коска, Албанија, Гватемала, цврсти горива како лигнит од Индонезија, Колубара, камен јаглен од Русија. За некои од пакетите за продажба, немало заинтересирани за понудите. Била спроведена електронска аукција.

Се прифатила понуда за купување на инвентар и лабораторија со проценета вредност од 14.143.567,00 денари, а со понуда во износ од 8.305.200,00 денари или 58,72 отсто од проценетата вредност. Се прифатила и таа понуда за продажба на магацински простор со проценета вредност од 43.492.742,00 денари а со понуда во износ од 13.534.400,00 денари или 31,11 отсто од проценетата вредност. На седницата биле прифатени и понудите за продажба на магацински простор со резервни делови,со проценета вредност од 371.852.869,00 денари а со понуда во износ од 75.669.600,00 денари или 20,34 проценти од проценетата вредност, како и таа за разна руда со проценета вредност од 16.513.455,00 денари а со понуда во износ од 11.300.000,00 денари или 68,42 проценти од проценетата вредност и таа за цврсти горива со проценета вредност од 11.484.450,00 денари а со понуда во износ од 7.900.000,00 денари или 68,78 отсто од проценетата вредност.

- Согласно одредбата од чл.49 од Законот за стечај, доверителите имаат право да предложат укинување на одлука донесена од Собрание на доверители и тоа во рок од осум дена, посочија од Судот.

Од Судот потсетија дека седницата ја следеа и доверители што имаат свои утврдени побарувања, меѓу кои и транспортерите на руда.

Вчера протестираа транспортери кои своевремено возеа руда за комбинатот, барајќи над два милиона евра за транспортот и изразувајќи незадоволство што, како што рекоа, имот проценет за над десет милиони евра, се огласил за продажба за околу 2.3 милиона евра.

Македонија

Од домашно производство лани задоволени 34,7 отсто од вкупно потребната енергија

Според податоците на Државниот завод за статистика, во 2023 година, вкупното бруто-примарно производство на енергија во Република Македонија изнесувало 936 031 toe или 34.7 % од вкупно потребната енергија.

Вкупната потребна енергија за 2023 година изнесувала 2 698 648 toe.

Најголеми финални потрошувачи на енергија во 2023 година се: сообраќајот со 44.1 %, домаќинствата со 25.8 % и индустријата со 17.9 % (од расположливата финална потрошувачка).

Технологија

Видео: Јутјубер сака да ја игра секоја игра некогаш создадена

Откако ја загуби колекцијата на видео игри во трагедија, Јутјуберот Џеф Вајерс обнови две од нив преку дигитална емулација. Сега има само една цел.

Јутјуберот Џеф Вајерс, познат на платформата како „Chronologically Gaming“, планира да игра што е можно повеќе игри.

Вајерс започна со игри од 1971 година и веќе ја постигна својата цел да игра голем процент на конзоли, аркадни, компјутерски и рачни игри од 70-тите години со помош на емулатори.

Неговата био на „YouTube“ детално ги прикажува неговите очекувања: „Пробувам нешто што никогаш порано не било направено. Ја играм секоја видео игра по редоследот што е објавена“, вели тој.

Меѓутоа, овој специјалист за игри има свои ограничувања, бидејќи една специфична игра има најмалку 28.000 варијации.

Списокот на игри што нема да ги игра вклучува игри само за возрасни (18+), „Mahjong“,„ Shougi“, „Mainframe“ компјутерски игри, коцкање или игри во казино, квизови, демо, било која компилација, кој било прототип, хакирање или бутлег, игри без микропроцесор, Сите „Commodore 64“ игри и секоја компјутерска видео игра.

Во презентацијата за тоа како го започнал своето хоби, Вајерс објаснил: „Бев голем колекционер. Имав трагедија и ја изгубив целата своја физичка колекција“.

Како резултат на тоа што повеќе не можеше физички да складира игри, Јутјуберот рече дека станал собирач на дигитални игри.

Вајерс моментално работи на видео игрите од ноември 1982 година, покрај неговиот канал на „YouTube“, ентузијастот исто така стримува во живо на „Twitch“, каде што гледачите можат да коментираат и да ги оценат неговите игри.

Извор: Б92

Живот

Аеродром во Нов Зеланд воведе правило за три минути гушкање

Знак на аеродромот Данедин во Нов Зеланд стана вирален затоа поставува ограничување за тоа колку долго луѓето можат да се гушкаат во зоната за оставање патници.

- Максимално време за гушкање 3 минути. За подолги збогувања, ве молиме користете го паркингот, стои на неодамна поставениот знак.

Забраната за подолги гушкања предизвика лавина коментари на социјалните мрежи, но претставник на аеродромот рече дека сето тоа било со цел добра забава.

- Знакот е во согласност со нашето брендирање кое треба да биде малку необично и забавно во начинот на кој испраќаме порака, рече генералната менаџерка на аеродромот Данедин за развој на бизнисот, Меган Крафорд за веб-страницата Stuff.

Во септември, аеродромските оператори го преместија местото оставање патници со возила на друга локација со цел да го подобрат протокот на сообраќај и безбедноста околу терминалот.

Со промената дојдоа и новите знаци. На друг пишува: „Тешко е да се каже збогум, затоа направете го тоа брзо. 3 минути максимум“.

Данедин е втор по големина град на Јужниот Остров во Нов Зеланд со околу 135.000 жители.

притисни ентер