Живот

Со децении биле заборавени во сеф, а сега семејството се збогати од колекцијата златни пари

Семејство од Америка било пријатно изненадено кога открило дека нивната колекција златни монети, која ја чуваат повеќе од 100 години, вреди многу повеќе од 50.000 долари , колку што сметале.

Станува збор за збирка монети од 19 век, која во 1899 година ја составил колекционерот на монети Хенри Чепмен, а која оваа година била извадена од трезорот на една банка во Филаделфија каде што се чувала со децении.

Колекцијата вклучува 51 златник исковани помеѓу 1849 и 1889 година и осум американски комеморативни златни долари исковани на почетокот на 20 век.

Семејството од областа Филаделфија кое го поседувало комплетот мислеле дека вреди 50.000 долари пред да го проценат. Луис Мартинез, основачот и претседател на „Matador Rare Coins“, изјавил дека сопствениците останале запрепастени кога ја дознале вистинската вредност на колекцијата, која изнесува 2 милиони долари, пишува Дејли Мејл.

Монетите беа оценети и заверени од Професионалната служба за оценување монети откако беа испитани од Мартинез. Резултатите од евалуацијата, рече тој, ги надминаа неговите очекувања.

- Кога ги добив монетите, внимателно го испитав секој примерок. Сместени во оригиналните обвивки од продавницата на Хенри Чепмен во Филаделфија, голем број монети беа привлечни, рече тој, додавајќи: Навистина бев изненаден додека ја испитував секоја паричка една по една. Тогаш знаев дека оваа колекција навистина може да биде национално богатство.

Професионалната служба за оценување монети се согласи со проценката на Мартинез.

– Оваа историска колекција може да се пофали не само со величествени реткости, туку и со фактот дека доаѓа од кабинетот на познатиот колекционер Хенри Чепмен. Зачувувањето на самите монети и нивната историја е чест - изјави претседателката на ПЦГС Стефани Сабин.

Мартинез објасни дека Соединетите Држави почнале да произведуваат златници од 1 долар во 1849 година, само една година откако златната треска во Калифорнија предизвика илјадници луѓе да заминат на запад за да заработат богатство.

„Малку помали од модерната американска монета, златните долари се ковани низ годините во три различни дизајни“, рече тој.

Живот

Морбидно: Доктор барал на гробот да му стават прозорец и да го погребаат со ѕвонче (ВИДЕО)

Гробот на докторот Тимоти Кларк Смит, кој се наоѓа во Њу Хевен, во американската сојузна држава Вермонт, го привлекува вниманието на љубопитните веќе 130 години.

Местото каде што почива е уникатно поради еден необичен детал - прозорец на надгробната плоча.

Зошто Смит (1821-1893) побарал да биде погребан во гроб со прозорец?

Се верува дека причината се крие во тафофобијата, односно психопатолошкиот страв да не биде жив закопан, пренесува LadBible.

Докторот живеел во САД во 19 век и очигледно не сакал да ризикува.

Не само што дизајнирал специјален ковчег и надгробен споменик, туку е поставено и ѕвоно кое можело да се активира однатре.

Поставена е и цевка за дишење, која ќе му овозможи на Смит мирно да ги чека спасувачите.

Љубопитните луѓе и денес го посетуваат необичниот гроб, но ништо не можат да видат. Причината? Кондензација (најверојатно предизвикана од распаѓање на телото на починатиот) целосно го замаглила стаклото.

Свет

Јужнокорејскиот претседател во обраќање се извини поради скандалите на сопругата

Јужнокорејскиот претседател Јун Сук Јеол се извини за низата скандали поврзани со неговата сопруга, вклучително и наводното прифаќање на луксузна чанта на Диор и манипулација со акции.

Во телевизиско обраќање до нацијата, претседателот призна дека неговата сопруга Ким Кеон-хи требало подобро да се однесува, но нагласи дека некои од обвинувањата против неа се „претерани“. Јун Сук Јеол најави дека ќе формира канцеларија која ќе ги надгледува службените должности на првата дама, но ги одби повиците да ги истражи нејзините активности.

Извинувањето на јужнокорејскиот претседател доаѓа додека тој се обидува да го смени трендот на намалување на неговата популарност кај јавноста, пишува Би-Би-Си.

Кон крајот на 2023 година, левичарскиот канал на Јутјуб „Гласот на Сеул“ објави видео од септември 2022 година на кое наводно се гледа како првата дама Ким прифаќа чанта Диор вредна 2.000 евра од свештеник кој ја снимил целата работа користејќи камера скриена во неговиот часовник.

Јун Сук Јеол во февруари изјави дека видеото е објавено како „политички маневар“ и не се извини. Демократската партија на Јужна Кореја, опозиција на конзервативната Партија на народна моќ на Јун, тогаш изјави дека таквиот став е „бесрамен и безнадежен“. Исто така, опозицијата долго време ја обвинуваше првата дама дека е вмешана во манипулации со цените на акциите.

Претходно оваа година, Јун стави вето на нацрт-законот со кој се бара неговата сопруга да биде под истрага поради обвинувањата. Скандалот предизвика и поделби во партијата на Јун, при што еден функционер ја спореди првата дама со Марија Антоанета, француската кралица озлогласена по нејзиниот екстравагантен начин на живот.

Свет

Алармнантни податоци во Италија: Секој ден се регистрираат над 1.000 болни од рак

Секој ден во Италија на над 1.000 нови пациенти им се дијагностицира рак, а тој број се очекува да расте за еден процент годишно, изјави денеска претседателот на италијанското здружение за медицинска онкологија (АИОМ), Франческо Пероне.

Тој посочи дека одделенијата за онкологија се во состојба на криза, бидејќи бројот на кревети за болните од рак во италијанските болници за 10 години е намален за 1.103, пренесува Анса.

Пероне предупреди дека е особено загрижувачко што на национално ниво се намалува бројот на онколози и онколошки медицински сестри.

притисни ентер