Македонија

Славески: Арсовска треба да сноси одговорност затоа што врши диверзија на градскит превоз

Собрав храброст, како некои што ми порачуваат да се обидеме да ги разјасниме работите околу ова што се случува со превозот во Град Скопје во континуитет.

Имено, уште веднаш ќе кажам дека градоначалникот Арсовска треба да сноси одговорност затоа што врши диверзија во една витална дејност, како што е јавниот градски превоз.

Имено, по оној кикс што беше направен, каде што Владата мораше да прогласи вонредна состојба и да го снабди ЈСП со гориво од државните резерви, таа во моментов, во континуитет ги подбуцнува приватните превозници да прават проблеми во јавниот градски превоз.

Само да нагласам, односно да потсетам дека пред 2 години, вие сте сведоци, кога приватните превозници, тогашните претпријатија штрајкуваа, изразуваа знаци на револт, таа им ги раскина договорите и започна постапка за избор на нови даватели на услуги. А сега, напротив, иако веќе 4 и 5 месеци со ред приватните превозници не се држат до договорите потпишани пред година ипол, а важат до мај 2025 година, таа ги толерира и ова го прави, нагласувам, во вонредна состојба во Јавниот градски превоз. Не знам колку е свесна таа, а колку се свесни приватните превозници.

Да почнеме со ред, нели има барања за зголемување на тарифата од страна на приватните сопственици за којашто сте информирани и, нели, приватни субјекти до Совет на Град Скопје не може да се обраќаат? Тоа беше направено во вторникот, нели, во доцните попладневни часови преку иницијатива на член на Советот, Горан Арсов. Јас таа иницијатива ја добив. Во 15:30 секако не можев веднаш да ја препратам, затоа што беше крај на работно време, до градоначалник. Наредниот ден, односно вчера, имавме седница на совет и тоа го направив по завршување на, нели, седница на Совет.

Интересно е што, и да ја разберете мојата положба како претседател на Совет и поставеноста, некој манипулираа, односно, имаа пристап до мојата пошта. Иницијативата е доставена до претседател на совет на Град Скопје и пред јас да побарам мислење од градоначалник. Градоначалник дава некое мислење за коешто сте информирани уште во текот на седницата на совет, во коешто воопшто тоа не е мислење, туку повторно кажува советниците треба да донесат одлука за зголемување на цената по изминат километар за приватните превозници. Тоа не оди така. Јас кон крајот на работното време доставив, нели, барање за мислење и тоа барање по четири точки.

Прво, дали градоначалникот поддржува зголемување на цената по изминат километар за приватните превозници?

Второ, ако поддржува да достави предлог одлука со конкретни параметри, процент на зголемување и да даде образложение.

Трето, како тоа зголемување на тарифата за приватните превозници коишто знаете се интегрирани во системот на јавен превоз ЈСП ги наплаќа, односно, ги прибира парите од продадените билети, месечни билети итн. И со одлука или според одлука на совет поднесена во 2017 година во февруари им исплаќа на приватните превозници.

Прашањето беше, како ова ќе се одрази на приходите на ЈСП?

Четврто, затоа што ќе има намалување на приходите, кој е предлогот на Арсовска како, ќе се надоместат тие изгубени приходи, дали преку зголемување на услугите што ги добиваат граѓаните од ЈСП или дополнителни субвенции?

Тоа беше барањето. На тоа барање нема мислење. Во оној момент кога Арсовска ќе обезбеди мислење, односно, ќе даде до совет предлог одлука ние ќе ја ставиме на седница на совет.

Сега ве молам, Мартин дајте ми го материјалот, што бараме ние од Арсовска? Бараме да достави материјал, како што тогашниот градоначалник Коце Трајановски во 2017 година во февруари на 17 страници. Значи, тоа е овој материјал на 17 страници, доставува до Совет предлог одлука за утврдување на вредност на надоместок за извршени услуги во линискиот превоз на патници по критериумот, остварен километар.

И тука има формули, цени на гориво итн. И оваа одлука е сè уште во сила. Значи, не може со манипулации, од типот, охрабри се Трајко и слични фрази, Совет на град Скопје да одлучува за нешто за што нема мислење од стручните служби на Град Скопје. Вие го знаете составот на советот, кој од нас ги има овие параметри, кој од нас ги има овие стручни мислења, коишто се изработени од екс-стручњаци, како што разбрав.

Разговарав со тогашната претседателка на Совет, Ирена Мишева да се дојде до овој материјал. Се работело со месеци каде што имало претставници на Совет, имало претставници на кабинетот на градоначалникот, од секторот за сообраќај, експерти за сообраќај и така натаму. Значи, во оној момент, во којшто ние ќе добиеме предлог одлука од овој вид на 17 страници, нека не е на 17 страници, ние сме подготвени да ја ставиме на дневен ред. Сето друго е манипулација.

Уште една порака сакам да упатам до приватните превозници. Јас комуницирам со нив затоа што ми се обраќаат. Немојте да наседнувате на манипулациите на Арсовска, таа е непредвидлива жена. Може да го направи истото што го направи со вашите претходници од пред две години, кога им ги укина лиценците, може да останете на улица, може да останете без леб. И нешто друго, порака до Арсовска и до Владата на Македонија, доколку оваа состојба ескалира заради инаетот на Арсовска, Влада на Република Македонија, затоа што е прогласена вонредна состојба, има мерки, има инструменти да го реши овој проблем. Со тоа што ќе им даде на сите до знаење, дека кога станува збор за една витална дејност, не може да се поигрува со граѓаните и нивните судбини и нивната можност да стигнат до работно место, да стигнат до училиште итн, рече Трајко Славески, претседател на Совет на Град Скопје.

Свет

Баба и дедо спасени од снежното невреме во Турција: Гушкаат јагниња за да не се смрзнат (ВИДЕО)

Турција ја зафати силен и обилен снег, кој ги зафати планинските и пониските, централни делови на земјата, вклучително и поширокото подрачје на Анкара. На некои локации измерени се и до два метри снег.

На социјалните мрежи беа објавени видеа од снежната бура која затрупа сѐ, а едно допре до срцата на милиони ширум светот. На него е прикажана постара двојка која се изгубила во снежна бура додека се враќале дома.

Одделот за вонредни ситуации известува дека Натија (70) и Мустафа Акин (70) се враќале во својот дом кога ја изгубиле ориентацијата поради „неповолни временски услови и снежни врнежи“, пренесува Фокс 8.

Спасувачите ги пронашле свиткани и покриени со снег под дрво, но живи. Брачната двојка се спаси гушкајќи ги јагнињата и чувајќи што повеќе топлина. Помогнало и ќебето што го имале со себе.

Надлежните откриваат дека Натија и Мустафа се предадени на лекарите, но не се соопштуваат детали за нивната здравствена состојба. Исто така, не е познато колку долго биле заробени во снежното невреме.

Македонија

Јаневска: Во ученичките и студентските домови има сериозни индиции за криминал

Катастрофална е состојбата која ја затекнавме во поголем дел од ученичките и студентските домови, а создадена во време на претходната Влада. 

Во некои од домовите има сериозни индиции за криминал и ќе поведеме соодветни постапки за да се побара одговорност од досегашните директори, рече министерката за образование и наука проф. д-р Весна Јаневска, одговарајќи на пратеничко прашање во Собранието.

„Ќе го посочам студентскиот дом „Пелагонија“ во Скопје, каде нема топла вода и храна, а вработените не земале плата, затоа што создаден е долг од 34 милиони денари. Но, спречивме целосен колапс, интервентно издвоивме 5 милиони денари, за да можат да се исплатат барем платите и да се обезбеди здравствено осигурување“, рече Јаневска, додавајќи дека и државниот ревизор констатирал доста забелешки за работењето на претходната Влада во делот на ученичкиот и студентскиот стандард.

„Откриен е и случај во кој директор на дом купувал пилешко месо на големо по цена од 570 денари за килограм, иако малопродажната цена во маркетите била 270 денари и децата повторно реагирале дека не добивале доволна количина на храна“, информираше министерката.

Потенцираше и дека се срами од условите кои ги видела во ученичкиот дом „Лазар Лазаревски“ во Велес, каде капацитетот од 300 легла е пополнет само со 100 студенти, затоа што најголем дел од собите се тотално руинирани, како и санитарните јазли.

„За 5 месеци направивме многу повеќе отколку претходната Влада за 7 години. Но, не може сé одеднаш. Продолжуваме да работиме во интерес на младите и за нив ќе обезбедуваме доволно средства“, рече Јаневска.

Министерство за образование и наука

Шоу биз

Фан на Дуа Липа бара отшета, откако бил повреден на нејзин концерт: Можеше да заврши трагично

Пејачката Дуа Липа неодамна одржа концерт во Куала Лумпур, Малезија, каде според зборовите на еден обожавател, дошло до инцидент со пиротехнички средства.

Како што објави Мирор, еден обожавател на Редит го сподели своето искуство тврдејќи дека се повредил на концертот. „Метална цевка од пиротехника ме удри во глава за време на настапот на Дуа Липа во Малезија“, напиша тој и ги праша другите корисници дали мислат дека има право на отштета за повредата.

Дополнителни детали за настанот открил во коментар. Тој изјавил дека по повредата добил седум конци и морал да направи скенирање на главата. Тој исто така рече дека двајца мажи ги платиле неговите медицински трошоци. „Двајца од нив ми пријдоа и ми понудија да платат хотел, билети за концерт и лет, но јас им реков дека сакам прво да разговарам со мојата амбасада, со адвокатот и можеби со полицијата. Им го покажав мојот пост. Тие ми платија болнички трошоци затоа што не можев сам да го направам тоа. Немам намера да го нарушам угледот на Дуа Липа, не е фер. Сакам само компензација за овој инцидент што можеше да заврши фатално“.

Тој додаде дека од него било побарано да ја избрише објавата, што тој одбил да го стори. Подоцна открил дека висок вработен на стадионот му кажал дека нема да биде обештетен освен медицинските трошоци, бидејќи не е јасно дали пиротехниката била дел од настапот или била поттикната од публиката.

Портпаролот на Live Nation, кој ја застапува пејачката, во изјава за Мирор рече: „Побаравме детални информации од добавувачот за тоа како се случи овој инцидент и секако му посакуваме на повредениот фан брзо закрепнување“.

Ова не е прв ваков инцидент на нејзините концерти. На изведбата во 2022 година, неовластен огномет во публиката повреди неколку луѓе. Пејачката тогаш рече: "Безбедноста на моите шоуа е мој приоритет. Мојот тим и јас сме шокирани и збунети од овој инцидент, како и вие. Во моментов е во тек истрага и сите инволвирани работат на откривање на причината. Настапот во пред моите обожаватели е неверојатно искуство за мене и навистина ми е жал за секој кој се чувствувал загрозен, исплашен или дека им бил расипан концертот“.

Дуа Липа моментално е на турнеја која започна на 5-ти ноември во Сингапур.

притисни ентер