Македонија

Сиљановска Давкова на Самитот на иднината во Њујорк, неизвесно усвојувањето на Пактот за иднина

 Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“

Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“ со учество на шефови на држави и влади.

Целта на Самитот на иднината е државите членки да ја зголемат меѓусебната соработка која, како што се нагласува, е се поважна за човековиот опстанок, но е тешко да се постигне во атмосфера на недоверба, користејќи застарени структури кои повеќе не ги одразуваат денешните политички и економски реалности.

На Самитот државите членки треба да донесат Пакт за иднината, но, според дипломатски извори, неизвесно е дали документот ќе биде усвоен денеска поради несогласувања со делови од неговата содржина од страна на Русија и уште шест други земји, јави известувачот на МИА од Њујорк. Преговорите за содржината на докуметот продолжија и во текот на ноќта, така што не се знае што ќе се случува денеска на овој голем собир што се одржува во ОН.

Во фокусот на Нацрт-пактот се човековите права, родот и одржливиот развој во сите поглавја. Содржи поглавја за одржлив развој и финансирање за развој, меѓународен мир и безбедност, наука, технологија и иновации и дигитална соработка, младите и идните генерации и трансформирање на глобалното владеење. Меѓудругото, се бара земјите членки да се согласат и за реформи што се однесуваат на Советот за безбедност, но тоа најверојатно нема да се случи.

Со документот земјите треба да се обврзат и да соработуваат за подобра заштита на цивилите во вооружени конфликти и да сносат одговорност за сторени злосторства и насилтва, како како што е родово базирано насилство и гладувањето како оружја на војната. Потоа за зголемена хуманитарна помош, вклучувајќи и елиминација на гладот. Светот да биде мерливо поблиску до ослободување од нуклеарно оружје. Се нагласува потребата за разоружување и напорите за контрола на оружјето, вклучително и во однос на неселективното оружје, биолошко и хемиско оружје и мало оружје. Исто така да се заложат за ревитализирање на улогата на ОН во областа на разоружувањето и напредокот кон четвртата специјална седница на Генералното собрание за разоружување. Да се преземат мерки за координација на биолошки закани, природни и намерни. Реално и одговорно користење на мировните операции, и нивната иднина за да се осигура дека можат да ги задоволат актуелните потребите.

Во однос на меѓународниот мир и безбедноста во документот се посочува на потребата од ажурирање на системот за колективна безбедност за подобро спречување, управување и разрешување на конфликтите. Поголема употреба на превентивни дипломатија и механизми за посредување, вклучувајќи и функциите на генералниот секретаријат, за да се спречи конфронтација меѓу земјите-членки.

Во документот се опфатени заштитата на жените, справување со тероризмот, климатските промени и заштита на животната средина, науката, дигитализацијата и новите технологии, младите, нивната иднина и учеството во носење на одлуки...

На Самитот треба да бидат усвоени и Декларација за идните генерации и Глобален Дигитален договор.

Генералниот секретар на ОН Антонио Гутереш повика на амбициозни реформи на Обединетите нации и другите меѓународни организации за да ја направат меѓународната заедница поспособна да дејствува во услови на многу кризи и војни и да го направи светот поправеден.

Неделата на Обединетите нации во Њујорк е во сенката на засилено полициско обезбедување поради присуството на голем број светски државници и учесници на Самитот на иднината и на Генералното собрание на ОН, но и голем број туристи кои ја посетуваат оваа метропола.

Претседателката Сиљановска Давкова во четврток е предвидено да се обрати на Генералната дебата на 79. сесија на Генералното собрание на ОН, што се одржува на тема „Не оставајќи никого зад себе: дејствувајќи заедно за унапредување на мирот, одржливиот развој и човечкото достоинство за сегашните и идните генерации“.

Претседателката ќе учествува и на Годишниот состанок на Платформата на жени – лидери на Генералното Собрание на Обединетите Нации, на тема „Еднакво учество на жените во процесот на донесување одлуки: обезбедување на мир, социо-економски можности, одржлив развој и човечко достоинство за сегашните и идните генерации“, додека на покана на претседателот на САД, Џо Бајден ќе присуствува на состанок на тема „Глобална коалиција за справување со заканата од синтетички дроги“.

Во македонската делегација се и министерот за надворешни работи и надворешна трговија Тимчо Муцунски и вицепремиерот и министер за животна средина и просторно планирање Изет Меџити. И Муцунски и Меџити ќе имаат свои обраќања во неделата на Обединетите нации, а нашите претставници ќе одржат и заеднички и одвоени билатерални средби со лидери од други земји.

Сиљановска Давкова, Муцунски и Меџити вчера попладне по американско време во џамијата во градот Фрихолд, Њу Џерси имаа средба со нашинци кои живеат во овој дел од САД, кои потекнуваат претежно од Дебар и околината.

Сиљановска Давкова кажа дека доаѓа време кога работите ќе се менуваат и дека тоа треба да биде така.

-Јас сум горда што во ист ден бев во црква и сега во џамија и пораката е јасна, она што ни треба е да се разбираме, да ја почитуваме нашата религија и исто така да соработуваме. Пораките од Куранот и од Библијата всушност се исти. Основата на етиката и моралот се таму. Тука сум првпат, но нема да биде последен, рече претседателката.

Вицепремиерот Меџити рече дека пораките што ги кажа Сиљановска Давкова се исти за сите, но различна е интерпретацијата. - Бевме прво во црквата, и сега сме во исламскиот центар на дебарчаните. За жал, има повеќе дебарчани во Њујорк отколку во Дебар, рече Меџити.

Оџата Омер Кадри, кој потекнува од Дебар, рече дека ова е историска посета бидејќи досега ниту еден претседател и државен претставник не ги посетил во џамијата, која исто така е и граѓански центар.

-Ви благодарам што дојдовте да се сретнете со овие луѓе кои се државјани на САД, но нивните срца се во Македонија, рече оџата Кадри. Дебрани, како што кажа, во Америка почнале да мигрираат во шеесетите години на минатиот век и сега, како што вели тој, нивниот број е меѓу 60 и 80 илјади. Тие работат како градежници, градат фабрики, џамии, училишта, а меѓу нив има и бизнисмени, адвокати, инженери, доктори...

Оџата Кадри посочи и на донациите и помошта што тие ја даваат за матичната земја како што е реновирањето на дебарската болница.

Исто така кажа и дека во Фрихолд, каде што се наоѓа оваа џамија, имаат месечни состаноци со претставници на сите религиски групи кои живеат во овој дел на Њу Џерси.

Претходно, Сиљановска Давкова беше на литургија по повод Мала Богородица во црквата „Свети Никола“ во Тотова, Њу Џерси, а потоа заедно со вицепремиерот Меџити оствари средба со нашинците кои живеат во градот и околината.

Регион

Во околината на Зеница, БиХ, регистриран силен земјотрес

Силен земјотрес попладнево ја погоди Зеница, а според проценките на EMSC, магнитудата била 4,6 степени според Рихтеровата скала. 

Земјотресот се случил на длабочина од 10 километри, на 39 километри од Зеница. Засега не се знае дали има материјална штета или повредени лица.

Македонија

Меџити: Имаме усогласеност во владата за закон за правична застапеност

Меѓу владините партнери има усогласеност за нов закон за правична застапеност во јавниот сектор, тврди првиот вицепремиер Изет Меџити. 

По бројните реакции во јавноста за злоупотреби на т.н. балансер и одлуката на Уставниот суд да го разгледува неговото евентуално укинување, Меџити во интервју за Радио Слободна Европа вели дека има политички договор тоа да се среди со нов закон каде предност ќе има квалитетот, а за етничката припадност да се води евиденција без да се навлегува во приватноста на информациите. Но кога и со каква содржина би го предложиле на Влада останува неизвесно.

-Имаме политички договор тоа да се среди со Закон за правична застапеност, но и квалитет.

По што ќе се разликува?

-Ако треба да се вработи Македонец, да ќе се вработи, но најквалитетниот. Ако треба да се вработи Албанец – да, но најквалитетниот, најобразованиот, најспремниот и утре, задутре подобро ќе им служи на граѓаните за нивните потреби. Само треба да најдеме начин евентуално да има евиденција на етничката припадност во администрацијата без да се косиме со приватноста на информациите, изјави Меџити.

Министерот за јавна администрација Горан Минчев во изјава за Канал 5 претходно кажа дека во моментов нов закон не се подготвува, а тоа ќе зависи од конечната одлука на Уставниот суд. За евентуално ново законско решение, министерството за јавна администрација ќе се залага за решение за професионална јавна администрација врз основа на стручност и знаење, а не на партиски или етнички кадри.

Од министерството за јавна администрација најавија соодветно упатство кое ќе го испратат до сите институции во однос на постоечките огласи за вработувања, откако Уставниот суд одлучи времено да ги замрзне вработувањата во јавниот сектор.

-Што се однесува до распишаните огласи за вработувања кои се во тек, Министерството за јавна администрација ќе постапи согласно содржината на донесените времени мерки од страна на Уставниот суд, по објавата во Службен весник. За истите ќе подготви соодветно упатство кое ќе го сподели и дистрибуира до сите институции, велат оттаму.

Во меѓувреме, Вреди и ДУИ ја продолжуваат партиската „војна“ преку соопштенија за тоа кој е виновен за одлуката на Уставен за балансерот, но и за Законот за бранители кој го предложи СДСМ во Собранието. Меџити порача дека очекуваат овој закон и натаму да остане „заглавен“ во комисијата која ја води пратеничката од Европскиот фронт“, Илире Даути, бидејќи според нив тој не е добар за државата и процесите.

Од ДУИ, пак, секојдневно ги прозиваат Вреди дека дозволиле укинување на правата на Албанците и нарушување на меѓуетничките односи.

Свет

Дводневен самит на лидерите во Њујорк–клучни теми војните во Украина и на Блискиот исток

Над 130 светски лидери се дел од дводневниот Самит за иднината во Њујорк, како вовед на 79. сесија на Генералното собрание на ОН. Справување со конфилктите и кризите во фокус на лидерите. 

Главни теми за кој ќе се разговара во следната недела ќе биде војните на Блискиот Исток и во Украина.

Македонската делегација ја предводи претседателката Гордана Сиљановска Давкова, а со неа се и министерот за надворешни работи Тимчо Муцунски и вицепремиерот Изет Меџити. Сиљановска вчера оствари средба со македонската дијаспора, денеска ќе се обрати на Самитот на иднината, а в четврток ќе има свое обраќање и на 79. Генерално собрание. Според најавите ќе оствари и средба со генералниот секретар на ОН, Антонио Гутереш.

Њујорк се наоѓа под силно полициско обезбедување, како од земја така и во воздух. Според тамошните власти градот е максимално безбеден, а предизвикот пред нив е огромен, посебно ставајќи акцент на двата непуспешни обиди за атентат на кандидатот и екс претседател на САД, Доналд Трамп, но и поради најавите за можни протести за време на лидерските собири.

„Имаме повеќе од 142 светски лидери кој во исто време доѓаат во Њујорк. Тоа е речиси 75% од сите земји членки. Бројот на припадници на тајаната служба е над 200. Ова претставува најголем собир на лидерите. “-изјави Патрик Фрини – специјален агент.

Целта на Самитот на иднината е државите членки да ја зголемат меѓусебната соработка, а незивесно е и дали ќе најдат заеднички јазик за така наречениот Пакт на иднината кој се очекува да биде усвоен од сите.

Неделата на Обединетите нации во Њујорк се случува во време кога ситуацијата на релација Израел, Газа, Либан секојдневно ескалира. По серијата напади и контранапади, утрово Стејт Департментот, но и македонското МНР ги повикаа своите граѓани да го напуштат Либан поради безбедносни причини. Апел до македонските граѓани е упатен и за одложување на сите неопходни патувања кон Израел. Од МНР за Канал 5 велат иако ваков апел досега бил упатен во неколку наврати, во последниве денови до СОС дежурните телефони нема пријавени македонски дражвајни или упатени барања за асистенција за напуштање на Либан или Израел.

„МНР ќе продолжи интензивно да ги следи состојбите во регионот на Блискиот исток, особено последната ескалација на состојбите. Во врска со последната ескалација на безбедносната ситуација на границата меѓу Израел и Либан, МНР досега во неколку наврати упати аепл за напуштање на Либан, како и одложување на патувања кон Израел кое се неопходни, која ја повторуваме и во оваа прилика.“-МНР.

По бранот експлозии на пејџери и токи воки уреди во Либан, изралески воени авиони го изведоа најинтензивното бомбардирање во војната низ јужен Либан во последната година, додека Хезболах ракетираше цели во северен Израел, а стотици израелци повторно се вратија во засолништата.

притисни ентер