Македонија

Ристов: Во Конче во изминативе 3 години инвестиравме во неколку илјади метри локални патишта

Во Конче во изминативе 3 години инвестиравме во неколку илјади метри локални патишта, фекална канализација и енергетска ефикасност на училиштата преку фотоволтаични панели.

Почитувани,

Изминатите 3 години Општина Конче го добива вистинскиот израз на модерна општина со очекуван квалитет кој ќе биде се поизразен во иднина. Гаранцијата за успешна работа е потврдена преку изградбата на општината во секој сегмент од секојдневното живеење , преку создавање на чиста и здрава животна средина.

Приоритет ни преставува зачувувањето на средината како дар од природата преку хорти културно уредување на повеќе локации во населените места и поставување на урбана опрема за уживање на секој граѓанин и добронамерен посетител.

Зимското одржување на улиците и локалните патишта се врши редовно со соодветна механизација од ЈП „Лакавица“ од Конче.

Редовно се врши чистење на дивите депонии и континуирано собирање на комуналниот отпад на секое домаќинство во општината.

На кровот на училишна зграда од ООУ Гоце Делчев поставени се фотоволтаици со моќност од 40kw, а исто така се изготви проектна документација за поставување на фотоволтаици на општинската зграда.

Во делот на водоводните системи:

Обезбедени се нови количини за вода за населеното место Габревци, преку изградена пумпна станица со потисен цевковод.

Извршивме реконструкција на каптажи за доводен цевковод за систем за водоснабдување за с.Ракитец.

Обезбедени се нови пумпи за водоводните системи за с.Дедино с.Ракитец.

Исто така се изврши реконструкција и проширување на дел од водоводната мрежа во с.Долни Липовиќ и с.Ракитец,

Моментално се подготвува техничка документација за реконструкција на водоводните системи за с.Конче, с.Лубница, и с.Долни Липовиќ, каде се направени пробни бушотини за обезбедување на нови количини за вода за потребите на сите граѓаните.

Во делот на канализационите системи

Во изминатиот период се изврши доградба на систем за фекална канализација во с.Конче со вкупна должина од 2100м., се изврши реконструкција односно доградба на систем за фекална канализација во с.Дедино и с.Долни Липовиќ.

За потребите на прочистување на отпадните води во с.Ракитец е изградена прочистителна станица за преработка и испуштање на отпадните води.

Во делот на транспортот и патната инфраструктура:

Извршена е реконструкција на локалниот пат с.Долни Липовиќ-с.Горни Липовиќ, со вкупна должина од 3,6км.

Реконструирани се и изградени улици во сите населени места во општина Конче со вкупна должина од 3500м.

Исто така извршено е партерно уредување на јавни површини на 12000м2, каде буквално се промени лицето на секое населено место со уредување на центрите, тротоарите , пристапните патеки и другите јавни површини.

Се изврши уредување, санирање и одржување на полските патишта на територијата на сите населени места од општина Конче.

Во делот на образованието:

Посебен акцент му даваме на образованието преку обезбедување на настава во современи услови , а особено би истакнале дека на годишно ниво постојано се врши стимулирање на учениците преку доделување паричен надомест на првачињата и на учениците од деветто одделение.

Се создаваат услови за рекреација и спортување преку опремување и осовременување на спортските терени и изградба на мултифункционални игралишта како што е случајот со ПОУ Гоце Делчев во с.Дедино.

Во делот на социјалната заштита:

Посебно мораме да истакнеме дека од почетокот започнавме со исплата на еднократна парична помош за склучени бракови за лица кои наполниле 35 години со вредносен ваучер од 100 000 денари.

Исто така како мерка спроведовме субвенционирање на новороденчиња и тоа за прво новороденче исплаќаме 10 000 ден ,за второ 20 000 денари, за трето 30 000 ден. и за секое наредно по 30 000 денари.

Во делот на спортот и младите:

Силно сме посветени на развојот на борењето преку БК Бучим –Шампиони од Конче, каде после неколку години почнаа да се нижат резултати како на домашни настапи така и меѓународни каде нашите претставници ја промовираат општината надвор од Република Македонија.

Секоја година традиционално се спроведува турнир во мал фудбал на отворено под рефлектори со значително вредни награди.

Исто така локално се одржуват натпревари од други спортови како што е спортскиот риболов, шахот и други спортски активности.

Во делот на ТУРИЗМОТ се заврши доградбата и уредувањето на конаците во манастирот Свети Стефан во Конче со обезбедени услови за сместување на гости и посетители со посебен амбиент.

Две години по ред се спроведува настанот ВелоФест кој е отворен за сите велосипедисти и авантуристи, лубителите на природата кои ги запознават убавините на езерото Мантово и општина Конче.

Изградени се летниковци на повеке локации, со опремување на урбана опрема и други потреби.

Во делот на културата:

По повод прославата на празникот на општина Конче 12-ти Јули-Петровден, секоја година се одржуваат настапи на културно уметнички друштва и реномирани пејачи и естрадни уметности.

Во изминатите години се одржаа повеке мегународни фестивали со промовирање на културата и традиционалните вредности од општина Конче.

Во населеното место во Лубница се изврши реконструкција на домот на културата, каде се овозможија услови за работа на повеќе НВО и активности на други граѓани.

Почитувани,

Ова беше накратко отчетот за три години работење, продолжуваме посветено чесно и одговорно.

Благодарам.

Златко Ристов, градоначалник на општина Конче

Македонија

Костова: ДПМНЕ го урива достoинството на работниците, нудат апстрактна гордост на празен стомак

Минималната синдикална кошничка изнесува 62.861 денари. Со тотално промашената мерка што се вика новогодишна кошничка, Владата им направи услуга само на трговците .

Додека ги штити интересите на големците, ДПМНЕ го урива достоинството на секој работник. Затоа што приказните за апстрактна гордост најлесно легнуваат на празен стомак и уморна снага, вели потпретседателката на СДСМ, Кристина Костова во објава на Фејсбук.

Костова укажува на алармантната состојба со растот на трошоците за живот потенцирајќи дека цените на основните прехранбени продукти значително се зголемија.

„За само месец дена, цената на зејтинот рипна на 97 денари, или за 14 денари повеќе од претходно. За исто толку е покачена и цената на јајцата, кои сега чинат над 100 денари. Покачени се цените на јогуртот, кашкавалот, па дури и лебот,“ рече Костова.

Потпретседателката на СДСМ наведува дека ситуацијата е особено тешка за семејствата со минимални приходи. „На четиричлено семејство во кое двајца возрасни земаат минимална плата, им недостасуваат над 17.700 денари, односно над 290 евра, за да можат да си ги покријат најосновните трошоци,“ објасни таа.

Костова остро ги критикуваше функционерите од владејачката партија за нивниот однос кон проблемите на граѓаните. „Додека народот се мачи да преживее, функционерите од владејачката партија не убедуваат дека покачувањето на минималната плата било лоша работа. Тоа го прават додека си гласаат за порамнување на нивните плати, за да не им ги изеде инфлацијата; или додека министерката за финансии вели дека ако не ѝ се покачела платата, немало повеќе да работи во Министерството,“ истакнува таа.

„Кој од нив некогаш работел во недела, во студен конфекциски погон, или на поле, преку време, ама неплатено? Кој од нив се оптоварувал со седење до доцна во ноќта за да ги пушти машината за садови и пералната додека е евтина струја?“ праша Костова, потенцирајќи го големиот јаз меѓу функционерите и обичните граѓани.

Костова истакна дека трошоците за минимум пристоен живот вртоглаво растат, а Владата не презема никакви мерки за заштита на граѓаните. „ДДВ на храна ниту се укинува, ниту се намалува. Наместо тоа, се заговара зголемување на старосната граница за пензионирање и укинување на недела како неработен ден,“ предупреди таа.

„Додека ги штити интересите на големците, ДПМНЕ го урива достоинството на секој работник. Впрочем, како што ДПМНЕ отсекогаш правеле. Затоа што приказните за апстрактна гордост најлесно легнуваат на празен стомак и уморна снага,“ заклучи потпретседателката на СДСМ, Кристина Костова, се наведува во партиското соопштение.

Македонија

Ѓорѓиевски: Реконструктивни активности за современи услови за учениците од село Драчево

Градоначалникот на Општина Кисела Вода, Орце Ѓорѓиевски, денеска изврши увид во градежните активности во ООУ „Свети Климент Охридски“ во село Драчево, каде што се изведува целосна реконструкција на тоалетите и санација на фискултурната сала. 

Со оваа реконструкција, целосно се обновуваат тоалетите за учениците. Ќе бидат заменети сите санитарни елементи, поставени нови подни и ѕидни плочки, нови врати и нов плафон. Проектот, вреден 1.000.000 денари, е финансиран од Министерството за образование и наука. Во рамки на проектот за санација на фискултурната сала, се обновува подот и ќе се заменат прозорците. За оваа намена Општина Кисела Вода издвои 750.000 денари од својот буџет. Реконструираните тоалети ќе се користат во стариот училишен објект додека тој е во функција. Но, уште поголема промена носи изградбата на нова, современа училишна зграда, што веќе е во тек. Овој нов објект ќе овозможи модерни услови за учениците, додека стариот објект, кој повеќе од 100 години има историско и културно значење за жителите, ќе се зачува и ќе добие музејска функција.

„Вложувањето во образованието е еден од најважните приоритети на Општина Кисела Вода. Наша цел е да создадеме современи и стимулативни услови за сите ученици. Тоалетите, кои ги обновуваме со цел да бидат функционални додека се користи овој училишен објект, ќе им служат на учениците се до изградбата на новата училишна зграда, која ќе донесе еден нов почеток за идните генерации, а истовремено ќе го сочуваме и богатото културно наследство што го претставува стариот објект. Паралелно, како општина, вложивме 750.000 денари од сопствениот буџет за санација на подот и прозорците во фискултурната сала, со што значително ќе се подобрат условите за изведување на часовите по физичко образование. Вложувањето во училиштата е вложување во иднината на нашите деца и тоа е насока која јас како градоначалник ќе продолжам да ја следам и во периодот што е пред нас- истакна градоначалникот Орце Ѓорѓиевски, соопштуваат од Општината.

Македонија

Летови Скопје-Амстердам од март со „Трансавија“

Нискобуџетната компанија „Трансавија“ од март следната година ќе започне со летови Амстердам - Скопје, објави денеска порталот „Екс ју авиејшн“.

На релацијата Скопје-Амстердам, „Трансавија“ ќе сообраќа двапати неделно почнувајќи од 2 март.

Тоа ќе биде прво поврзување на аеродромот „Схипхол“ и македонскиот главен град со редовен авиопревоз од септември 2008 година. /МИА

притисни ентер