Македонија

Реформската агенда на Владата за планот за раст на ЕК пред собраниската комисија

Реформската агенда на Владата која се однесува на планот за раст на Европската Комисија, се презентираше на третата седница на Комисијата за европски прашања.

Првата рата од 52,5 милиони евра или 7% од вкупните 750 милиони евра кои од ЕУ ќе и бидат доделени на државата согласно Реформската агенда во период од 2024 до 2027 година, според најавите од Владата ќе се слеат на македонската сметка до Нова Година. Реформската агенда иницирана од Евопската Комисија содржи вклучно 136 реформи кои државата треба да ги спроведе во период од три години. Евроамбасадорот Михалис Рокас објаснува дека потребна е комуникација помеѓу сите релевантни чинители со цел реформите да се реализираат навремено, а со тоа и да се ослободат предвидените средства.

Од 750 милиони евра од ЕУ кои ќе бидат наменети за Македонија , 250 милиони ќе бидат во форма на грантови, додека 500 милиони евра ќе бидат под заем со почеток на отплата во 2034 година и со рок од враќање до 40 години.

Реформската агенда според претседателката Гордана Сиљановска Давкова е чекор за поздравување, бидејки за неа претставува учење низ процес кој води кон единствениот европски пазар иако официјално не сме дел од него. Дополнително според неа периодот за реализација е кус но инспиративен, што ќе ја натера државата да се фокусира на приоритетите. Таа нагласи и дека клучна е соработката помеѓу Владата и Собранието, но и дека мора да се стопира злоупотребата на европското знаменце.

„ Многу подобро е да не бидете сами заедно да чекорите, финансиите да мотивација се сигурна и мислам дка домаќински е тоа фиансирање а не биде аванстно туку да биде врзано и за резултатите. “

Целта на реформската агенда е да ги намали економските разлики на државата и ЕУ. Парите се очекува да одат за спроведување на реформи неопходни за подобрување на стандардот на државата меѓу владеењето на правото, реформи во јавната администрација, зајакнување на системот за јавни набавки, развој во образованието.. Денешната беше прва од повеќето најавени расправи за спроведување на Реформската агенда кои според најавите ќе ги има на секои 6 месеци.

Шоу биз

Мадона јасно покажа дека не го сака Трамп: Се прејадов (ФОТО)

Победата на Доналд Трамп на претседателските избори во САД налути многу ѕвезди, меѓу кои и Мадона, која сподели со своите следбеници дека јадела торта со натпис „ Fuck Trump“.

„Изедов премногу“, напиша таа покрај фотографијата од тортата што ја објави во нејзината приказна на Инстаграм. После тоа, 66-годишната пејачка објави приказна во која размислува за неговата победа.

„Се обидувам да сфатам зошто осуден криминалец, силувач, фанатик е избран да ја води нашата земја. Затоа што е добар за економијата?“ напиша таа.

Во пресрет на изборите, Мадона ја поддржа американската потпретседателка и демократска кандидатка Камала Харис и на Инстаграм објави дека се враќа дома од Париз за да гласа.

„Париз беше многу забавен! Беше тешко да се напушти, но морав да одам дома за да гласам за Камала Харис. Претседателка!“ напиша таа минатиот четврток.

Покрај Мадона, Камала ја поддржаа и Тејлор Свифт, Бијонсе, Џенифер Лопез и Карди Би, која исто така го сподели своето незадоволство од резултатите на американските избори.

Свет

Девојка била силувана од двајца германски војници во касарна, едниот го снимал другиот

Млада девојка (18) запознала двајца војници во клуб во Келн кои наводно ја однеле во касарната по забавата каде брутално ја нападнале.

Ова се наведува во обвинението што јавниот обвинител го прочита во средата пред регионалниот суд во Келн.

Двајца од обвинетите, војниците Асмир Д.(23) и Хасан К.(24), тврдат дека немало сексуален однос за кој се обвинети.

Војниците тој ден дежурале во касарната Конрад Аденауер, од каде отишле во ќебапчилница, а потоа во „Дијамат клубот“ во центарот на Келн.

Таму сретнале млада жена која не можела да го најде својот пријател со кого излегла, па ѝ понудиле да ја одвезат дома, пишува Билд.

Како што тврдат, девојката била многу пијана и потенцијално под дејство на дрога.

Меѓутоа, обвинителството во обвинението ја претстави и другата страна на приказната: војниците ја прошверцувале жената на задното седиште од автомобилот покрај стражарите и ја донеле во касарната. Таму тие наизменично ја силувале и се снимале како го прават тоа. За време на малтретирањето, жртвата била во несвест и неподвижна лежела на креветот.

Откако завршиле со наводното малтретирање, двајцата војници ја сокриле 18-годишната девојка во автомобил и ја оставиле дома.

Бундесверот засега ги ослободи обвинетите војници, а судскиот процес продолжува. Се очекува пресудата да биде изречена кон средината на декември.

Свет

По 5 години од страшниот пожар, одекна камбаната на Богородичната црква во Париз (ВИДЕО)

Ѕвоната на северната камбанарија на катедралата Нотр Дам во Париз, која беше опустошена од пожар пред пет години, денеска за првпат од тогаш заѕвонија.

Оваа нова етапа во реставрацијата на една од најголемите катедрали, ставена на листата на светско наследство на УНЕСКО, се одржа речиси еден месец пред нејзиното повторно отворање за јавноста, објави Франс 24.

Денеска, осумте ѕвона на северната камбанарија на катедралата Нотр Дам во Париз, која се подготвува повторно да се отвори на 7 декември, пренесе Вашингтон Пост.

„Тоа е убав, важен, симболичен чекор“, рече Филип Јост, раководител на институцијата одговорна за реставрација на катедралата, кој исто така присуствуваше на „премиерата“.

Тој нагласи дека за прв пат по пожарот во април 2019 година, сите ѕвона заѕвониле заедно. За време на пожарот на 15 април 2019 година, се запали дел од северната камбанарија на катедралата, која мораше да се санира.

За да го направат тоа, осумте ѕвона сместени во оваа кула беа внимателно отстранети, исчистени од оловната прашина и обновени пред да се вратат во првобитната состојба.

Обновените ѕвона биле вратени во катедралата во средината на септември.

притисни ентер