Македонија

Раст и на депозитите и на кредитирањето

Раст и на депозитите и на кредитирањето, граѓаните најмногу земаат потрошувачки и станбени кредити.

Годишниот раст на вкупните депозити во октомври изнесува 11,0%, а произлегува од зголемените депозити на двата сектора, со поизразен придонес на секторот домаќинства. Вкупните кредити, пак, на годишна основа се зголемени за 9,2% како резултат на зголеменото кредитирање на двата сектора, при поизразен придонес кон растот на кредитите на корпоративниот сектор, соопшти Народна банка.

Во октомври 2024 година, паричната маса се зголеми за 1,6% на месечна основа, како резултат на зголемувањето на депозитните пари, краткорочните депозити и долгорочните депозити до две години, при остварен пад на готовите пари во оптек. Анализирано на годишно ниво, паричната маса бележи зголемување од 9,1%, во поголем дел поради растот на депозитните пари, при позитивен придонес и на долгорочните депозити до две години и готовите пари во оптек, додека краткорочните депозити забележаа пад.

Вкупните депозити во октомври, забележаа месечно зголемување од 1,7% поради растот на депозитите кај двата сектора, којшто е поизразен кај корпоративниот сектор. Годишниот раст на вкупните депозити од 11,0% произлегува од зголемените депозити на двата сектора, со поизразен придонес на секторот „домаќинства“.

Во октомври, вкупните кредити остварија раст од 1,8% и 9,2% на месечна и на годишна основа, соодветно. Месечната и годишната промена се резултат на зголеменото кредитирање на двата сектора, при поизразен придонес кон растот на

кредитите на корпоративниот сектор.

Кај вкупните депозити на корпоративниот сектор, во октомври, е забележан месечен раст од 3,2%, којшто пред сè се должи на повисоките депозитни пари и краткорочни депозити во денари, при остварен раст и на долгорочните депозити, додека краткорочните депозити во странска валута забележаа пад. Споредено на годишно ниво, депозитите на корпоративниот сектор се повисоки за 10,0%, во поголем дел како резултат на растот на депозитните пари, а дополнителен позитивен придонес имаат и долгорочните депозити и краткорочните депозити во денари, додека краткорочните депозити во странска валута бележат намалување.

Овој месец, кредитите на корпоративниот сектор5 остварија месечен раст од 2,8%, при годишен раст од 10,4%, соодветно. Притоа, месечната и годишната промена во целост се должат на зголеменото кредитирање во денари, при остварен

пад на кредитите во странска валута.

Вкупните депозити на домаќинствата, во октомври, се зголемени за 0,7% на месечно ниво, во целост како резултат на растот на долгорочните депозити во денари и во странска валута, во услови на забележан пад кај краткорочните депозити и депозитните пари. Годишниот раст од 11,7% се должи на повисоките депозитни пари и долгорочните депозити во денари и во странска валута, додека краткорочните депозити бележат намалување.

Кредитите на домаќинствата во октомври забележаа месечно и годишно зголемување од 0,9% и 8,2%, соодветно. Промената кај двете основи произлегува од растот на кредитите во денари и во странска валута, со поголем придонес на кредитите во денари.

Гледано според намената на кредитите одобрени на физичките лица, потрошувачките и станбените кредити како најзастапени категории бележат месечен раст од 0,9% и 1,1%, соодветно, како и годишен раст од 7,2% и 11,3%, соодветно. Овој месец, кај автомобилските кредити е остварено месечно и годишно зголемување од 0,9% и 13,6%, соодветно. Кредитите одобрени на

кредитни картички и негативните салда на тековните сметки, во октомври, се повисоки за 0,2% и 1,5%, соодветно, на месечна основа, додека на годишна основа бележат намалување од 8,5% и 0,8%, соодветно. Кај кредитите одобрени врз други основи е забележано месечно зголемување од 0,4%, во услови на годишен пад од 16,1%.

Свет

Спречен е напад над берзата во Њујорк- била подготвена мала нуклеарна бомба

Маж од Флорида е уапсен и обвинет за заговор за „ресетирање“ на владата на САД со поставување бомба на Њујоршката берза и активирање со далечински уред, соопшти ФБИ.

Харун Абдул-Малик Џенер (30) од Корал Спрингс, Флорида, е обвинет за обид за употреба на експлозивна направа за оштетување или уништување на зграда што се користи во меѓудржавна трговија, пишува Politico.

ФБИ почнале да го истражуваат Џенер во февруари по дојавата дека тој чувал „планови за правење бомби“ во магацин. Според ФБИ, пронајдени се нацрти за правење бомби, бројни часовници со тајмер, табли и друга електроника што може да се користи за правење експлозивни направи. Откриле и дека од 2017 година Џенер бараа на Интернет теми за правење бомби.

Џенер им кажал на агентите на ФБИ дека сакал да ја активира бомбата неделата пред Денот на благодарноста и дека Берзата во Долниот Менхетен би било популарно место за напад.

„Берзата, тоа е она што сакаме да го погодиме, бидејќи тоа ќе ги разбуди луѓето“, им кажал Џенер на тајните агенти на ФБИ, според судските документи.

Тој планирал да ја бомбардира берзата за да ја „ресетира“ американската влада, објаснувајќи дека тоа би било „како мала нуклеарна бомба да експлодира“, убивајќи ги сите во зградата, според судските документи.

Минатиот месец, Џенер ги модифицирал двонасочните радија за да дејствуваат како далечински активирања за експлозивна направа и планирал да носи маска додека го поставува експлозивот, според судските документи.

Џенер го имал своето прво појавување на суд вчера попладне и ќе биде задржан во притвор во очекување на судењето.

Забава

Бебе со нож предизвика хаос- реакцијата на домашните е хит со 33 милиони прегледи (ВИДЕО)

На социјалните мрежи кружи видео од бебе во дубак како држи нож.

Веднаш да нагласиме дека ова е пластична копија и шега која мајката ја направила за членовите на своето семејство.

Така, жената му ја дала на детето „играчката“, а потоа ги снимила реакциите на домашните. Видеото брзо стана вирално, со повеќе од 33 милиони прегледи и 17.000 коментари само на TikTok.

Бебе во дубак ги „обиколува“ просториите и замавнува со нож пред присутните. Нивните реакции се различни - и урнебесни. Од тато и баба, до вујко и дедо.

Многу корисници биле изненадени што дедото ја забележал „опасната ситуација“, но не реагирал.

@valll_nicole i'm crying #fyp #prank #funny #familyprank ♬ original sound - Valerie Nicole

Сепак, она што најмногу привлече внимание - покрај реакциите на домашните - е изгледот на бабата. Слободно можеме да кажеме дека таа сè сфатила.

„Зошто никој не вели дека бабата личи на Салма Хаек? Таа е убава“, напишала една личност.

Свет

Фон дер Лејен му спасила живот на патник во авион- драма на небото над Брисел

Шефицата на Европската комисија, Урсула фон дер Лејен, наводно спасила живот на патник во авион за Брисел.

Урсула фон дер Лејен вчера попладне била на летот на Swiss Air од Цирих за Брисел кога на еден патник ненадејно му се слошило. Екипажот на авионот веднаш отишол да праша дали во авионот има некој што може да помогне, бидејќи се работело за многу сериозна ситуација.

Потоа една патничка станала и тргнала кон патникот кој се чувствувал подобро. Наводно токму Урсула фон дер Лајен на патникот му укажала прва помош, по што авионот безбедно слетал во Брисел, каде на патникот му била укажана итна помош.

Политико пишува дека црн мерцедес ја чекал на аеродромот „патничката која му дошла на помош на човек во неволја“, што било сигнал дека се работи за некој важен, а дури подоцна се увидило дека херојот е всушност г-ѓа фон дер Лајен.

„Се враќавме од Рио во Брисел кога на еден патник му беше потребна медицинска помош за време на летот. Како што е вообичаено во такви случаи, екипажот во кабината на авиокомпанијата праша дали некој од патниците има медицински сознанија“, потврди за медиумите портпаролката на ЕУ.

Иако за многумина е изненадување што Урсула дошла на помош, се испостави дека таа е докторка и дека студирала медицина во Хановер и таму докторирала.

Во такви ситуации, лекарите немаат време да ги одмерат работите; нивна должност е да помогнат. И навистина, во последниве години, најмоќната Европејка, која често лета на редовни летови, неколку пати го покажала нејзиното медицинско знаење.