Директорот на Јавното сообраќајно претпријатие Скопје Драги Кушовски вечерва за МИА потврди дека нафтата пристигнува во базните станици на претпријатието во Автокоманда и Ѓорче Петров и оти во текот на ноќта резервоарите на автобусите ќе бидат наполнети.

-Сите автобуси што се во возна состојба утре редовно ќе сообраќаат, изјави Кушовски.

Владата попладнево се вклучи во решавањето на проблемот со недостигот на нафта за автобусите на ЈСП Скопје. На денешната вонредна седница е донесена одлука со која ќе се овоможи на градот Скопје да му се позајмат дел од нафтените резерви на државата.

- Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше констатирана лошата состојба и недостиг на гориво за потребите на Јавното сообраќајно претпријатие при што Владата се вклучи во решавање на овој проблем. Се донесе одлука со која се утврдува постоење на кризна состојба во снабдувањето со топлинска енергија на подрачјето на Град Скопје, заради недостиг на топлинска енергија, можноста за користење на алтернативно гориво и состојбите на пазарот на топлинска енергија, изјави по вонредната седница портпаролката на Владата Венера Љатифи Азизи.

Со ова, како што појасни таа, се овозможува да се позајмат на градот Скопје дел од нафтените резерви на државата.

- Денес меѓу другото Бирото за јавни набавки донесе одлука со која се исполнети условите за спроведување на постапка со преговарање без објавување на оглас за да се скрати периодот за набавка на дериватот потребен на градот Скопје. Со ова Владата го затвора прашањето со настаната потешкотија во работењето на градското претпријатие за јавен сообраќај, посочи Љатифи Азизи.

Вонредна седница одржа и Советот на Град Скопје на која се обрати и градоначалничката Данела Арсовска, а беа донесени и неколку заклучоци за надминување на проблемот со автобускиот превоз во главниот град.

Официјалните полициски обвиненија ќе бидат уште еден удар за плановите на Болсонаро да се кандидира за претседател на изборите во 2026 година, објави Ројтерс.

Неговите сојузници се обидуваат да ја поништат судската одлука што го блокираше неговиот обид да се кандидира за претседател на Бразил поради неговите напади врз легитимитетот на земјата и гласачкиот систем во 2022 година.

Brazil police to accuse Bolsonaro in alleged 2022 coup plot, sources say https://t.co/z7yn4Z6lYF

— ST Foreign Desk (@STForeignDesk) November 21, 2024

Полицијата уапси пет лица во вторникот, вклучително и поранешен член на кабинетот на Болсонаро, осомничени за вмешаност во заговор за атентат на новоизбраниот претседател Луис Инасио Лула да Силва, само неколку дена пред тој да ја преземе функцијата.

Роверот наскоро ќе го напушти каналот Гедиз Валис, исто така област обвиткана со мистерија.

Додека научниците се обидуваат да ги разберат и анализираат податоците добиени за каналот и полето со бели сулфурни карпи во него, Curiosity испрати неверојатни фотографии и панорама од 360 степени, соопшти лабораторијата за млазен погон на НАСА (JPL).

Роверот бара докази дека древниот Марс имал соодветни услови за опстанок на микробите, доколку тие настанале пред неколку милијарди години, кога Црвената планета имала реки и езера. Во подножјето на планината Шарп, висока 5 километри, се наоѓа каналот Гедиз Валис и тој би можел да даде одговори на прашањата за тоа како изгледала површината на Марс кога водата исчезнала од неа.

Научниците ги испитуваат добиените податоци, а научните инструменти потврдија дека белите камења се навистина чист сулфур, што ниту една претходна мисија на Марс не можеше да го потврди. Се уште немаат објаснување за настанувањето на тој сулфур.

- Го гледавме полето со сулфур од секој агол, одозгора и од страна, и баравме сѐ што се измешало со него за да разбереме како се формирало. Собравме еден тон податоци, а сега имаме забавна загатка за составување - рече Ашвин Васавада, научник на проектот Curiosity во JPL.