Здравје

Трибина: Најмладиот зависник од игри на среќа има 19 години, најстариот 50 години

Најмладиот коцкар кој побарал стручна помош има само 19 години.

Се повеќе млади бараат спас од зависноста од коцкање. Најмладиот коцкар кој побарал стручна помош има само 19 години, а во светот на игрите на среќа навлегол уште пред неколку години, што според невропсихијатарката Павлина Васкова, е показател дека пороците им се на дофат на децата уште на прагот на младоста.

Васкова, која 40 години лекува зависници, вели дека рапидно расте бројот на зависници од игри на среќа, односно половина од вкупниот број пациенти кои бараат помош, се коцкарите.

Дека игрите на среќа можат да прераснат во зависност им беше посочено токму на најмладите, односно средношколците, на трибина под мотото „Направи го вистинскиот избор“, во која учество зема и Државната видео лотарија. Вакви трибини ќе се реализираат и во другите градови, а веќе се отворени и три советувалишта.

Според неодамнешното истражување на здружението ХОПС опции за здрав живот, кое во фокус групата имале 214 лица помлади од 25 години, дури 71% од учесниците се изјасниле дека играле игри на среќа, а 17,8% од нив рекле дека се зависни од играње. Дури 50% од испитаниците од фокус групата играат игри на среќа секој ден.

Технологија

Роверот на НАСА испрати неверојатни снимки од полиња на Марс со сулфурни камења

Роверот Curiosity на НАСА се подготвува за следната фаза од своето патување – едномесечно патување кон мистериозна формација налик на пајакова мрежа.

Роверот наскоро ќе го напушти каналот Гедиз Валис, исто така област обвиткана со мистерија.

Додека научниците се обидуваат да ги разберат и анализираат податоците добиени за каналот и полето со бели сулфурни карпи во него, Curiosity испрати неверојатни фотографии и панорама од 360 степени, соопшти лабораторијата за млазен погон на НАСА (JPL).

Роверот бара докази дека древниот Марс имал соодветни услови за опстанок на микробите, доколку тие настанале пред неколку милијарди години, кога Црвената планета имала реки и езера. Во подножјето на планината Шарп, висока 5 километри, се наоѓа каналот Гедиз Валис и тој би можел да даде одговори на прашањата за тоа како изгледала површината на Марс кога водата исчезнала од неа.

Научниците ги испитуваат добиените податоци, а научните инструменти потврдија дека белите камења се навистина чист сулфур, што ниту една претходна мисија на Марс не можеше да го потврди. Се уште немаат објаснување за настанувањето на тој сулфур.

- Го гледавме полето со сулфур од секој агол, одозгора и од страна, и баравме сѐ што се измешало со него за да разбереме како се формирало. Собравме еден тон податоци, а сега имаме забавна загатка за составување - рече Ашвин Васавада, научник на проектот Curiosity во JPL.

Македонија

Вонредна седница на Советот на Град Скопје: Од утре Скопје ќе има автобуски превоз

По два дена целосен колапс на јавниот превоз, од утре автобусите се враќаат на улиците..

Советот на градот Скопје вечерва одржа вонредна седница, откако претходно Владата одлучи на ЈСП да му позајми нафта од државните резерви..

Горивото веќе се доставува во базните станици на ЈСП..

И во овие вести во живо информира Мирјана Мирчевска Јовановиќ.. Мими, ќе имаат ли утре превоз скопјани..

Македонија

Ѓоргиевски: Во моментов во ЈСП недостигаат 150-200 автобуси

Градоначалникот на Кисела Вода, Орце Ѓоргиевски ја поздрави заложбата на Владата да го реши проблемот со јавниот превоз..

Во гостувањето во „Само интервју“ со Гоце Михајловски, тој упати критики до Арсовска дека наместо стратешки, носела ад хок решенија..

„Јас сум градоначалник и поаѓам од себе. Не може единствено во нашата држава градоначалникот да биде незаменлив. Да го изберат граѓаните и четири години, дали дал резултати или не, дали постапувал согласно програма или надвор од тоа никој да не може да постапи против него“ , дециден беше Ѓорѓиевски.

Ѓорѓиевски дополни дека веќе е време граѓаните да се највисок суверен. Ја истакна нивната важност и потребата да се слушнат нивните предизвици и истите да се решат.

„Ние треба да го промениме тоа. Нашата тенденција треба да биде се да почнува и да завршува со највисокиот суверен, а тоа е народот. Никакви преговори, договори“.

притисни ентер