Македонија

Продолжи судењето за свирепото убиството на Вања и Панче

Во Кривичен суд утрово продолжи и заврши третото рочиште за случајот на петмината обвинети за двојното убиство на Вања Ѓорчевска и Панче Жежовски. 

Обвинетите Велибор Манев и Боре Видевски го посочиле Александар Ѓорчевски, татакото на Вања, дека на Палчо му кажал кога неговата ќерка ќе биде сама. Ова во своето сведочење го откри началникот на единицата за насилен криминал Дејан Димовски кој сведочеше на денешното рочиште за двојното убиство. И тој однесувањето на Алекснадар го опиша како сомнително. Добил од него снимка од цитроенот за кој тогаш се уште не било утврдено дека е на Панче Жежовски но без објаснување зошто токму тоа возило е сомнително. Началниците се сомневале и во рутата на движење на Александар на дента кога Вања е пријавена за исчезната но и во пораката која ја испратил во вибер групата на родителите од училиштето која набргу ја избришал.

„Александар Ѓорчевски цело време како да ги предвидуваше настаните. Прво тврдеше дека е киднапирана, па убиена. Постојано повторуваше. Беше анализирана патеката на неговото движење на 27.11 преку Сејф сити камерите. Откривме дека дента на исчезнувањето на Вања, возилото на нејзиниот татко утрото во 9.15 часот е снимено како поминува покрај хотелот Александар Палас кон Качанички пат, еден час претходно по истата траса се движеле и цитроенот и кангуто и сето тоа ни остави сомнеж. Кога ги испрашувавме, Велибор и Боре лично ми кажаа дека таткото на Вања му кажал на Палчо дека во понеделникот ќе биде сама. Александар пратил и порака во вибер групата на родителите од училиштето, најверојатно ја згрешил групата, па ја избришал. Но дел од родителите ја виделе. Пишувало: ,,Кажете само колку пари треба?“

Од снимките на Сејф сити го лоцирале цитроенот на Панче Жежовски но со него и реното кангу кое полицијата ја води до просториите на партијата Десна. Сето тоа е дел околу потрагата по Панче и за полицијата се уште немало индиции за поврзаност со исчезнувањето на Вања. Во партијата е уапсен Кешишов кој првин го споменува Велибор Манев за кој полицијата утврдува дека живеел на иста адреса со Панче а потоа и ги носи началниците до местото во близина на Велес каде е закопан. Кешишов подоцна кажува и дека со нив бил Боре Видевски. Сето тоа се случува ноќта на 2 кон 3 декември кога во утринските часови Кешишов го открива местото каде е закопана Вања но и дека работеле по насоки на Палчо со што МВР веќе двата случаи ги поврзува.

„Постојано правевме разговори со Кешишов. Му велиме кажи што се случило. Јас не сум човек, рече. Уште не кажуваше, но зборуваше за некое место кај што одел со Палчо, во Бразда. Не однесе таму а колега ми кажа дека не носи на местото каде што е запален ,,цитроенот”. Цело време му велел на колегата дека се плаши дека Палчо ќе го убие, имал многу луѓе во полиција. Тогаш ни рече ќе не носи кон ридот. Бараме нешто, некој леш, ама не знаев што бараме. Кешишов покажуваше само со главата, не покажуваше со рака и не зборуваше. Покажуваше кон едно место каде имаше перници, мушама, ги тргнавме и видовме земја. Почнавме да копаме и осетивме дека е ровка земјата и дека пропаѓа. Кешишов не сакаше ниту да гледа, се сврте со грбот. Дојде колегата и ни кажа дека Кешишов му рекол дека тука девојчето Вања. Го викнавме да копа и тој со нас. Дојде зема стап и копаше. Кога го прашавме како се нашлото телото на девојчето таму, тој рече - Ние работиме по насоките на Палчо, тоа беше одлука на Палчо.“

Според одбраната на Александар Ѓорчевски сведочењето на началникот Димовски се базира на сомнежи. Најавија и дека ќе бараат соочување на Александар со начачникот Каришиќ кој претходно сведочеше.

„На крајот можам да заклучам дека исказот на овој сведок е и како што самиот кажа, дека однесувањето на Александар му останало само на ниво на сомневање. Потврди дека не успеал да обезбеди ниту релевантен доказ кој би одел во насока да тој биде обвинет. Изнесе некои работи за кои јас не знам дали е спроведена постапка во таа насока, а тоа е денеска првпат дознаваме дека од еден од видеозаписите имало двајца луѓе вработени од „Комунална хигиена“ па не знам дали тие луѓе биле обезбедени, дали е направен обид да се стапи во контакт со нив, а тие луѓе биле во кривичниот момент кога со возилото како што опиша началникот биле пред зградата на „Наум Наумовски Борче“.“

Дента на исчезнувањето на 14 годишната Вања на 27 ноември лани, во потрагата низ Скопје бил и Митко Лазаров, чичко на нејзината мајка Зорица. Низ солзи во судницата раскажа дека ја барале на Партизанска но посочи дека и за него било чудно што таткото Александар воопшто не излегувал од автомобилот.

Судењето за случајот продолжува на 13 ноември.

Свет

Кралот Чарлс пристигна во Австралија, операта во Сиднеј е осветлена во негова чест

Едрата на легендарната опера во Сиднеј денеска беа осветлени со фотографија во знак на почит за добредојде на кралот Чарлс и кралицата Камила, на првата посета на британскиот монарх на Австралија по 13 години.

Кралската двојка пристигна во Сиднеј со авион на кралското австралиско воено воздухопловство вечерва, а на пистата беа пречекани од премиерот Ентони Албанес, австралискиот генерален гувернер Сем Мостин и премиерот на Нов Јужен Велс, Крис Минс.

Двојката подоцна се сретна со Албанес и неговата партнерка Џоди Хејдон во Адмиралитет Хаус, историска владина резиденција со поглед на пристаништето во Сиднеј и Операта, каде што ќе престојуваат.

„Нивното височество имаат длабока почит кон Австралија и оваа посета е можност да се прикаже најдоброто од нашата модерна и динамична нација“, напиша Албанес на социјалните мрежи X, покрај фотографијата од Адмиралитетот.

Операта во Сиднеј изложи фотографски колаж од претходните посети на кралот Чарлс на Австралија, каде што тој одеше на училиште шест месеци како тинејџер и се врати повеќе од десетина пати.

Кралот Чарлс е во својата инаугуративна посета на странство како монарх, неговото прво големо патување во странство откако му беше дијагностициран рак.

Поради третманот на кралот и посветеноста на неговиот медицински тим на неговото здравје, нивното патување ќе биде пократко и помалку обемно од вообичаеното за кралските тури.

Двојката ќе ги посети Сиднеј и Канбера во текот на шест дена, пред да отпатува за Самоа на владиниот состанок на лидерите на Комонвелтот.

Македонија

Македонија добива трет мобилен оператор

Унгарската телекомуникациска компанија „4иГ“ формираше своја фирма во земјава со што ја почна постапката да стане трет мобилен оператор, соопшти компанијата. 

Регистрацијата на фирмата „Оne Macedonia Telecommunication“ е завршена, а целта, како што велат од унгарската компанија, е да влезе што поскоро на телекомуникацискиот пазар во Македонија.

Веќе се започнати консултации со Агенцијата за електронски комуникации (АЕК) како регулаторно тело и избрани се локални и меѓународни консултантски фирми за поддршка на имплементација на стратегијата на групацијата во земјата.

„Посветени сме да влеземе на македонскиот телекомуникациски пазар со истата посветеност и иновациите што ги донесовме во Албанија и Црна Гора. Основањето на ‘Оне Македонија Телекомуникејшн‘ е нашиот прв значаен и опиплив чекор кон станување главен телекомуникациски провајдер во Северна Македонија“, вели Тамаш Табори, извршен директор на „Оне Македонија Телекомуникејшн и заменик-извршен директор одговорен за телекомуникациска стратегија во „4иГ“.

Од Групацијата велат дека ја имаат поддршката од македонската Влада, којашто очекува со доаѓањето на нов оператор да се зголеми пазарната конкуренција, да го подобри квалитетот на телекомуникациските мрежи, и со тоа да се забрза дигитализацијата на земјата.

Владата на 4 август соопшти дека „4иГ“ е заинтересирана да влезе на македонскиот телекомуникациски пазар и доставила писмо со намери. Премиертот Христијан Мицскоски подоцна изјави дека за избор на трет мобилен оператор ќе има јавен повик, но не прецизираше кога ќе се објави.

Министерот за транспорт и врски Александар Николоски неколкупати во своите изјави кажа дека Владата ќе воведе трет мобилен оператор за да се укине монополот што сега го имаат „Телеком“ и „А1 Македонија“. Тој на 1 август објави дека во рамките на официјалната посетна на Унгарија се сретнал со претедателот на „4иГ“ Групацијата Гелерт Jaсаи.

Деловниот опсег на „Оне Македонија Телекомуникејшн“ опфаќа мобилни, фиксни и сателитски телекомуникациски услуги, трговија на големо и мало со телекомуникациски и ИТ производи, како и деловни консултантски услуги.

Свет

Над 500 години затвор за медицински лица - предизвикале смрт на новороденчиња вo Турција(ВИДЕО)

Турскиот обвинител побара повеќе од 500 години затвор за наводни водачи на криминална група обвинета за смрт на бебиња, откако ги сместувале новороденчиња на оддели за интензивна нега заради финансиска корист, јави ДПА.

Обвинението на 494 страници против 47 осомничени, вклучително и здравствени службеници, откри дека новороденчињата наместо во здравствени установи, во одредени болници во Истанбул биле префрлани во одредени болници, каде што би добиле соодветна нега.

Дваесет и двајца осомничени веќе се уапсени.

Се верува дека бандата го користела тој метод за да добијат повеќе средства од турскиот систем за социјално осигурување заради поскапиот третман.

Наводната измама предизвикала смрт на најмалку 12 бебиња како резултат на подолг престој во единиците за интензивна нега за новороденчиња или инфекции. Членовите на групата, вклучувајќи медицински сестри и лекари, потоа го делеле профитот.

Властите открија дека прислушуваните телефонски повици и пораки покажуваат дека инволвираните здравствени службеници, исто така, фалсификувале медицински досиеја и спроведувале лажен третман на некои бебиња.

Обвинителот бара повеќе од 589 години затвор за еден од осомничените, кој е обвинет за убиство со умисла, водење криминална група и фалсификување службени документи.

За уште двајца членови на групата, обвинителот побара казна затвор до 582 години.

притисни ентер