Тој наведе дека изборите формално ќе бидат распишани во среда, на 15 јануари, врз основа на уставната одредба според која изборите не можат да се одржат во рок од 90 дена од завршувањето на вонредната состојба.

Состојбата со елементарна непогода што ја воведе Владата по поплавите во септември минатата година е укината на 16 октомври 2024 година, а рокот од 90 дена истекува на 14 јануари 2025 година, јави агенцијата ПАП.

Изборната кампања официјално ќе започне откако во службен весник ќе биде објавена одлуката на претседателот на Сејмот за распишување на изборите.

Претседателот се избира за петгодишен мандат и може да биде реизбран само еднаш. Секој граѓанин на Полска кој на денот на изборите наполнил 35 години го исполнува условот за кандидатура./МИА

Си-Ен-Ен објави дека барањето на Трамп за итна интервенција дојде само еден ден откако Апелацискиот суд во Њујорк го одби неговото барање за одложување на изрекувањето на пресудата, што е закажано за петок.

Адвокатите на Трамп наведоа дека одложувањето е неопходно „за да се спречи сериозна неправда и штета врз институцијата претседател и функционирањето на федералната влада“.

Како одговор на барањето на Трамп, портпаролот на окружниот обвинител на Менхетен, Алвин Брага, рече дека одговорот на обвинителот ќе биде во судските документи.

Врховниот суд побара обвинителството да даде исказ до утре наутро.

Судијата Хуан Меркан, кој го води судењето, го одби барањето на Трамп да го одложи изрекувањето на пресудата.

Трамп беше осуден во мај за фалсификување деловни документи во врска со исплатите на неговиот поранешен адвокат Мајкл Коен, кој и платил на Даниелс 130.000 долари за да ја спречи јавно да зборува за наводната афера пред изборите во 2016 година.

Трамп ја негираше аферата со порно актерката.

Сусијата Меркан минатата недела ја потврди пресудата на Трамп.

Поротата на Менхетен во мај го прогласи Трамп за виновен по 34 точки од обвинението за фалсификување деловни книги за да се прикрие исплатата.

Тоа беше првпат американски претседател, поранешен или сегашен, да биде осуден или обвинет за кривично дело.

За фалсификување деловни книги се предвидува затворска казна до четири години, но затворската казна не е задолжителна./МИА

Во интервју за весникот „Ју-Ес-Еј тудеј“ објавено денеска, Бајден рече дека би звучело „претенциозно“ да се каже такво нешто, но смета дека би можел да извојува победа против Трамп, а засновано на резултатите од анкетите. Пред неговата одлука да се повлече, анкетите покажуваа дека тој заостанува зад Трамп.

Запрашан дали има енергија да служи уште четири години како претседател, Бајден, кој е на возраст од 82 години, рече: „Не знам“ и додаде „не планирав да бидам претседател кога ќе наполнам 85 или 86 години“.

-И затоа зборував за предавање на штафетата, рече тој. „Но, не знам. Кој, по ѓаволите, знае? Засега, сè е добро. Но, кој знае како ќе бидам кога ќе наполнам 86 години?“ /МИА