Полицијата од САД застрела киднапирано девојче, додека трчало кон нив за помош (ВИДЕО)

Девојчето (15) кое било киднапирано, била застрелана од американските полицајци во моментот кога се упатила кон нив молејќи за помош.

Савана Гризијано, која била киднапирана од нејзиниот татко, била убиена од полицајците на 27 септември 2022 година, додека еден од нивните колеги ги молеше да престанат да пукаат, покажуваат новообјавените снимки, објави Дејли Меил.

На видеото се гледа како девојчето ги слуша инструкциите на полицијата и се движи полека, на сите четири, по автопатот во Калифорнија кога почнуваат да одекнуваат истрели.

Полицаецот, кој се засолнил зад возилото, се слуша како вика: "Престани да пукаш во неа. Тој е во автомобилот, застани, таа е добро, тој е во колата.

Полицајците претходно тврдеа дека Савана била застрелана бидејќи носела тактичка опрема и отвориле оган кон нив, но на видеото јасно се гледа дека девојчето било невооружено.

Предупредуваме, видеото е вознемирувачко!

Савана била киднапирана од нејзиниот татко Ентони Џон Грацијано, кој претходно ја убил својата поранешна сопруга Трејси Мартинез.

Застрашувачките снимки од пукањето биле објавени вчера, откако новинарите го побарале тоа според Законот за јавни досиеја во Калифорнија.

Медиумите потсетуваат дека за девојчето било издадено килибарно предупредување кога била убиена нејзината мајка Трејси. Полицајците брзо реагирале кога цивил ги забележал таткото и ќерката и се обидел да го запре возилото на Ентони Грацијано нешто пред 11 часот. Тогаш Ентони пукал во нив со полуавтоматско оружје, изјавија претставници на одделот на шерифот.

Патролите го следеле возилото околу 80 километри додека таткото продолжил да пука во нив пред Грацијано да се обиде и да не успее да го превезе своето возило преку надвозникот. Полицијата тогаш тврдела дека можеби и Савана пукала од возилото.

Ентони го запрел возилото покрај автопатот, на околу 100 километри од Лос Анџелес.

Новообјавената снимка вклучува камера од хеликоптер на одделот на шерифот и покажува дека Грацијано се обидува да се сврти назад на патот додека повторно пука.

Потоа може да се види Савана како излегува од автомобилот, а полицаецот може да се слушне како вели преку радио: „Девојката е излезена, девојката излезе. Таа е на совозачката страна“.

Савана најпрвин клечи, но потоа почнува брзо да се движи кон полицајците кога наеднаш одекнува истрел...

Новороденче, кое било прогласено за мртво, се разбудило на погребот- семејството верува во чудо

Бебе кое било прогласено за мртво набргу по раѓањето, е префрлено назад во болница во Парагвај откако добила знаци на живот за време на нејзиниот погреб.

Нејзините блиски кои се потресени од сѐ, изјавија дека не исклучуваат „Божја интервенција“, пренесува El Tiempo.

Девојчето е родено околу пладне во петокот со царски рез, откако нејзината 21-годишна мајка имала компликации во седмиот месец од бременоста.

Но, бебето било прогласено за мртво и предадено на семејството заедно со потврдата за смрт.

Таткото на бебето, Игнасио Медина, изјавил за локалната телевизија Телефутуро дека телото на бебето го добил „целосно виолетово“.

Семејството, кое веќе претрпело загуба на уште едно бебе од оваа двојка, наместо да слави, отишле на погребот во Минго Гуазу, место на околу 20 километри од Сиудад дел Есте, главниот град на департманот Алто Парана, кој граничи со Аргентина и Бразил.

„Ја однесовме кај мајка ми и таму ја гледавме“, рече Медина.

Тој рече дека непосредно пред да заминат на гробиштата, еден од неговите чичковци забележал дека бебето мрда со главата и ги известил присутните.

„Потоа отидовме да ја провериме и срцето ѝ чукаше“, додал таткото кој веднаш го однел бебето во болница.

Кога таткото на бебето го прашал што се случило, директорот на Регионалната болница во Сиудад дел Есте, Федерико Шредел, не ја исклучил можноста дека се работело за катаплексија.

„Поради состојбата со предвремено раѓање, тоа може да се случи, практично пациентот останува без знаци на живот“, додаде специјалистот и предупреди дека ваков случај може да се случи еднаш на секои пет милиони раѓања.

Исто така, Пабло Лемир, директор на судска медицина на Министерството за правда во Парагвај, исто така објасни дека тоа може да биде катаплексија или синдром на „очигледна смрт“.

„Нема чукање на срцето, нема дишење, телото е опуштено, бледо, станува сино или виолетово и обично се решава спонтано и необјасниво“, изјави тој за парагвајскиот медиум ABC Colors.

Според експертот, бебето било родено предвреме и тоа ги исклучило опциите за лекарите.

„Во 26-та недела од бременоста и со таа тежина, белите дробови не се подготвени да бидат надвор од матката, ниту пак нервниот систем е правилно развиен“, рече тој.

Од друга страна, роднините не исклучуваат „божествена интервенција“ и тврдат дека девојчето, сепак со резервирани прогнози, ќе се вика Милагрос де Жезус, што во превод значи „Чудо Исусово“.

Момче падна од 40 метри висок гребен во Италија- пријателите немоќно гледале (ВИДЕО)

Момче (14) од Арика, Италија, доживеа трагична судбина кога со другарите го посети езерото Неми, не сфаќајќи дека ќе падне од дрво по стрмна карпа од 40 метри и ќе загине.

Тој наводно се одвоил од својата група пријатели и се обидел да стигне до највисоката точка на Виа Перино, но гранката од дрвото на која се качувал се скршила и момчето се превртело врз карпата, објави Мирор.

Тинејџерот паѓал над 30 метри, а неговите пријатели беспомошно гледале и веднаш го вклучиле алармот.

Пожарникарите од Неми и карабинерите веднаш пристигнале на местото на настанот, но не можеле ништо да му направат на момчето, освен да констатираат смрт.

Телото е пренесено во болницата Кастели во Арикио, а потоа во Институтот за судска медицина во Рим.

Брутално убиство во Њујорк: Во фрижидер е пронајдена отсечена човечка глава и делови на тело

Маж од Њујорк е обвинет за убиство откако во фрижидерот на неговиот стан во Бруклин биле пронајдени човечка глава и делови од телото, соопшти денеска полицијата.

Николас Мекги (45) е уапсен во четвртокот попладне и обвинет за грабеж, криење на човечко тело и компромитирачки докази, соопшти њујоршката полиција, пренесува Ен-Би-Си Њуз.

Посмртните останки на 40-годишниот Кошин Гелцер биле пронајдени на 22 јануари во станот што Мекги го делел со Хедер Стајнс (45), која исто така е уапсена за криење на човечки труп.

Полицајците рекоа дека одговориле на повикот од станот и пронашле повеќе црни кеси со делови од тело во фрижидерот и замрзнувачот.

Според кривичната пријава, лекарите подоцна го идентификувале Гелцер преку отпечатоци од прсти.

Полицијата денеска не соопшти повеќе детали за случајот, ниту пак како и кога е убиен Гелцер.

притисни ентер