„Денеска бев назначен за постојан известител на ЕП за Србија. Во продолжение на големото искуство што го стекнав и со познавање на состојбите во Западен Балкан како и политиката за проширување на ЕУ, ова назначување го гледам како признание за досегашната работа“, напиша Пицула на Инстаграм.

Пицула го поздрави фактот што политиката на проширување повторно е во фокусот на ЕУ, но нагласи дека пристапниот процес мора да се заснова на исполнување на критериумите.

„Очигледно има поголема политичка поддршка од претходно, но процесот на пристапување сепак мора да се заснова на исполнување на критериумите. Секоја земја треба да биде оценува поединечно според резултатите“, изјави тој.

Пицула е член на ЕП од 2013 година, оттогаш е член на Комитетот за надворешна политика (АФЕТ). На функцијата известител за Србија ќе го наследи словачкиот член на Европската народна партија (ЕПП), Владимир Билчик.

Бил министер за надворешни работи на Хрватска во владата на Ивица Рачан (2000-2003), пратеник во Парламентот, претставник на Парламентот во Парламентарното собрание на ОБСЕ.

Во претходното свикување на ЕП, тој беше известител за Црна Гора, како и известител на ЕП за Инструментот за претпристапна помош (ИПА III) и новиот План за раст на Европската унија за Западен Балкан, кој беше усвоен оваа година.

Политичките групи во Европскиот парламент неделава одлучуваат за своите постојани известители, по што Комитетот за надворешна политика на ЕП (АФЕТ) ќе објави список со имиња.

Според медиуми во Брисел, групата социјалисти и демократи, освен известител за Србија, ќе има и за Албанија, Европската народна партија за Босна и Херцеговина и Косово, либералната група Обнови ја Европа известители за Црна Гора и групата на Зелените - известител за Македонија.

Државната изборна комисија денеска на седница изгласа извештајот со кој констатира дека пратеник во Собранието за остатокот од мандатот согласно Изборниот законик станува Катерина Димитровска, на местото на Марија Митева од ВМРО-ДПМНЕ и Коалицијата „За твоја Македонија“.

Претседателот на ДИК, Борис Кондарко, информираше дека 114-тата седница е свикана по добивање на известување од претседателот на Собранието, со кое ги информира дека Собранието денеска на седница констатирало престанок на мандат на пратеничката Митева, која е избрана од листата на кандидати за пратеници за Изборната единица 1 поднесена од Коалицијата „За твоја Македонија“, предводена од ВМРО-ДПМНЕ.

- Согласно Изборниот законик, ДИК со свој допис го извести наредниот кандидат Катерина Димитровска, од листата на кандидати поднесена за пратеници во Собранието за ИЕ 1 од истиот овластен подносител - Коалицијата „За твоја Македонија“. ДИК доби писмено известување дека наредниот кандидат Катерина Димитровска го прифаќа мандатот за пратеник во Собранието за останатиот дел од мандатот согласно Изборниот законик, информираше Кондарко.

Извештајот, ДИК го изгласа едногласно и донесе заклучок да се достави до Собранието, за да продолжи процедурата за верификација на мандатот на Катерина Димитровска.

Марија Митева на седница на Влада на 8 октомври беше именувана за портпарол на Владата.

Според објаснувањето од партијата оваа тема не била на дневен ред на вчерашниот состанок на Централното претседателство, но не ја исклучија можноста за тоа да одлучуваат следниот месец, откако ќе ги завршат најавите средби со граѓаните и партиските ограноци што ќе ги почнат утре во Липково и Сарај..

-Уште еднаш упатуваме јавна покана до ВРЕДИ да се откаже од владата каде се понижуваат Албанците, додека ДУИ и Европскиот Фронт не се заинтересирани да учествуваат на таков формат на власта. Напротив, потребно е единство за да се запре понижувањето што им се прави на Албанците и на другите заедници. – стои во дел од заклучоците што ги увоило претседателството на партијата.

За исходот од состанокот на највисокото раковоство на ДУИ и пораките до власта, министерот за здравство од коалицијата Вреди,Таравари, им одговори - да се навикнат на опозиција и да си ја прочистат партијата.

-Им препорачувам на ДУИ прво да започнат со реформи во партијата. Имаат доста некредибилни луѓе меѓу нив. Им треба адаптација во опозиција. Така што, прво беа протести, сега ми се чини поради ниските температури, одлучија да се сретнат со граѓаните. Нека се сретнат. Дури мислам дека не требаше да направат толку долга апстиненција од четири месеци, воопшто да не се видат со граѓаните,- Арбен Таравари – коалиција „Вреди“.

Според политичкиот аналитичар Љуљзим Фаризи ДУИ тактизира со протестите поради намалената поддршка од членството откако не се на власт. Тој оценува дека најавените партиски собири ќе и служат на партијата само за пребројување во пресрет на локалните избори кои ќе се одржат следната година.

-За првпат немаат меѓународна поддршка и се соочуваат со немање на поддршка од страна на нивните членови. Во следниот период прво ќе се пребројуваат колку им останале од минатите изборни циклуси со цел да проценат каков ќе им биде исходот на следните локални избори. Љуљзим Фаризи – политички аналитичар.

ДУИ првично најавуваше дека ќе почнат со протести од септември, кои од страна на власта беа оценети како можни обиди за дестабилизација. Тие ги негираат ваквите обвинувања, со тврдење дека доколку излезат на улица тоа ќе биде на демократски начин. Прво поводот беше легитиметот, па балансерто, а сега , според најаваите, ќе се чека и олдуката на Уствавен за Законот за јазиците.