Македонија

Петрушевски: Исполнети многу ветувања кон граѓаните и покрај тешкотиите наследени од СДС и ДУИ

Во вечерашната емисија „Само Вистина“ на Канал 5 Телевизија гостуваше пратеникот од ВМРО-ДПМНЕ Бране Петрушевски кој што истакна дека владата има успешен старт во првите 100 дена .

Во вечерашната емисија „Само Вистина“ на Канал 5 Телевизија гостуваше пратеникот од ВМРО-ДПМНЕ Бране Петрушевски кој што истакна дека владата има успешен старт во првите 100 дена и исполни многу ветувања кон граѓаните и покрај тешкотии кои ги наследи од минатата власт СДС и ДУИ и празна државна каса.

„Да им честитам на сите 330 илјади пензионери кои што денес на своите трансакциски сметки ги добија своите 2,500 денари зголемување, 2,500 денари ќе бидат додадени и во мартовската пензија. Во нашата програма по која што функционираме и на која што сме ги добиле изборите и довербата од граѓаните на страна 146 детално пишува за зголемувањето на пензиите 5000 денари во првата година од мандатот. Ние ова го направивме за помалку веќе за 9 месец ако земеме дека во март следната го дина линеарно ќе бидат зголемени пензиите за 2500 денари“ истакна Петрушевски и додаде:

„Исто така мора да имаме во предвид дека ние не наследивме држава која што успешно ја раководеле буџет кој што бил ликвиден, процеси кои што биле адекватни вклучително и во меѓународните односи па за сега да зборуваме за некакво уназадување на тие процеси. Напротив наследивме изолирана држава затворена држава затоа што од самиот старт како го прифатија францускиот предлог им укажавме и зборувавме со години дека вака на ваков начин не водат во ќорсокак во делот на интеграциските процесии„ нагласи Петрушевски.

Петрушевски потенцираше дека минатата власт на СДС и ДУИ ја оставиле државната каса празна и заборавиле многу категории на граѓани.

„Наследивме буџет комплетно потрошен, неисплатени плати на многу јавни претпријатија, мораме во 21 век да зборуваме за неисплатени плати но замислете 4-5 месеци луѓе не земаа плати, најдовме средства за нив, наследивме буџет каде немаше К-15 иако е обврска на државата. Вакви дупки во буџетот може да набројуваме многу еве ќе ги споменам спортистите кои што беа заборавени, беа укинати ваучерите немаше средства во буџетот за поддршка за околу 10 милиони на спортистите така што од таа стартна точка имавме успешни 100 дена влада“ потенцираше Петрушевски.

Технологија

Земјата завчера „зароби“ нова месечина, може ли да се види со голо око?

Во неделата, на 29 септември, Земјата зароби „втора месечина“ во својата орбита, која ќе кружи околу неа, и околу нас, веројатно 57 дена.

Дали оваа нова мини-месечина, астероид чие официјално име е 2024 PT5, е видлива со голо око од нашата планета?

- Објектот е премногу мал и премногу темен за да биде видлив дури и со типични аматерски телескопи и двогледи. Сепак, објектот ќе биде доволно видлив за типични телескопи што ги користат професионалните астрономи - изјави Карлос де ла Фуентес Маркос, професор на Универзитетот Комплутенсе во Мадрид, пренесува LiveScience.

Оваа вселенска карпа има пречник од 10 метри или, според LiveScience, е долга колку автобус. Научниците проценуваат, објавено во студијата во списанието Research Notes of AAS, дека мини-месечината повторно ќе успее да избега од гравитацијата на Земјата на 25 ноември.

Втората месечина е многу помала од вистинската Месечина - таа е 300.000 пати помала.

Кратките мини-месечински настани како претстојниот, во кој мало тело (во овој случај астероид) има негативна геоцентрична енергија неколку недели или месеци, се релативно чести - неколку настани во деценија. Долгите „заробувања“, од друга страна, се реткост - околу едно на секои 10 или 20 години.

Причината за исфрлањето на овие објекти се гравитационите нарушувања предизвикани од Сонцето. Откако ќе ја одигра својата улога како мини-месечина, 2024 PT5 ќе се врати во орбитата во центарот на сонцето како дел од астероидниот појас Арџуна.

Македонија

Лукаревска: Стравот од блокада сам по себе е блокада

„СДСМ покажа и докажа дека не скршнува од тој пат, влеговме во НАТО следен чекор ни беше ЕУ агендата“

На крајот од оваа година ќе видиме дека ќе има посебен план за раст на земјите од Западен Балкан. Бидејќи ние ги пропуштивме шансите можеби нема да видиме од тие средства, а се врзани за реформи во судството, јасвната администрација. Ние испуштивме златна шанса минатата година заедно со колегите ов ВМРО-ДПМНЕ да ги донесеме уставните измени во собранието, Дури и нивниот коалиционен партнер кој што не им е во владата им понуди аслободување места во владата само и само да има консензус. Тогашно оправдување им им беше дека тогашниот парламентарен состав нема мандат за уставните измени. Сега да видиме дали овој парламентарен состав го има мандатот. Стравот од блокада сам по себе е блокада, СДСМ покажа и докажа дека не скршнува од тој пат, влеговме во НАТО следен чекор ни беше ЕУ агендата, рече Сања Лукаревска во Само Вистина.

Свет

Илјадници работници во пристаништата во САД стапија во штрајк: Машините не ги ранат семејствата

Американските пристанишни работници на источниот брег на САД и во близина на Мексиканскиот залив, односно од бреговите на сојузната држава Мејн до Тексас, денеска стапија во штрајк.

Американските пристанишни работници на источниот брег на САД и во близина на Мексиканскиот залив, односно од бреговите на сојузната држава Мејн до Тексас, денеска стапија во штрајк, што може да ја загрози трговијата и да предизвика значителна економска штета доколку трае подолго време.

Синдикатот на пристанишните работници ILA, кој има меѓу 50.000 и 85.000 членови, не успеа да постигне договор со Поморската алијанса на Соединетите Американски Држави (USMX) за условите на новиот договор и, откако преговорите пропаднаа, ја следеше неговата закана да започне со прекини на работата на 14 американски пристаништа, пренесува CNBC.

CBS истакнува дека ова е прв синдикален штрајк од 1970-тите.

Наведените организации не се согласуваат околу прашањето за раст на платите и автоматизација на работата.

Пред штрајкот, Поморската алијанса на Соединетите држави понуди да ги зголеми платите на работниците за речиси 50 отсто во следните шест години, но ИЛА го одби овој предлог и се одлучи за протести, наведува американската медиумска куќа, повикувајќи се на анонимен информиран извор.

Експертите за синџирот на снабдување велат дека потрошувачите нема веднаш да ги почувствуваат ефектите од штрајкот, бидејќи повеќето трговци на мало складираат стоки и бараат достава однапред.

Меѓутоа, ако протестите траат повеќе од неколку недели, прекините на работата значително ќе го загрозат националниот синџир на снабдување во САД.

Конференцискиот одбор проценува дека еднонеделниот штрајк на пристанишните работници може да предизвика штета од 3,78 милијарди долари и да го забави целиот синџир на снабдување до средината на ноември.