Шоу биз

Петмина обвинети за смртта на Лиам Пејн

Пет лица се обвинети за смртта на пејачот на „One Direction“, Лиам Пејн во Аргентина, соопштија официјални лица.

31-годишниот пејач почина на 16 октомври откако падна од терасата на третиот кат во хотел во Буенос Аирес.

Гилда Мартин, менаџер на хотел, Естебан Граси, рецепционер и Роџер Норес, пријател на Пејн, беа обвинети за убиство од небрежност, соопшти аргентинското обвинителство.

Езегел Переира, исто така вработен во хотелот, и Брајан Паиз, келнер, обвинет за продажба на дрога. Обвинителството собира докази и ги презентира на судијата, кој потоа одлучува дали ќе има судење, според аргентинскиот закон. Судијката Лора Брунјард веќе одлучи дека постапката ќе продолжи во петок.

Бранителите на обвинетите можат да се жалат. Доколку нивните жалби не бидат прифатени, судењето започнува. Судијата Брунјард ги наведе обвиненијата против петмината осомничени, кои се идентификувани по нивните иницијали во судските документи, како што е вообичаено во оваа фаза од постапката.

Е. Д. П, хотелски работник, е осомничен дека му продавал кокаин на Лиам Пејн на 15 и 16 октомври. Б.Н.П, келнер, исто така е осомничен дека му продавал кокаин на Лиам Пејн на 14 октомври.

Р.Л.Н., пријател на Пејн, е осомничен за убиство од небрежност бидејќи тој наводно „не ја исполнил својата должност за грижа и помош“ на својот пријател така што „го оставил сам да се грижи иако знаел дека не може да се грижи за себе и знаел дека Пејн страдал од повеќе форми на зависност“.

Г.А.М, менаџерката на хотелот, е осомничена за убиство од небрежност, бидејќи наводно не го спречила Пејн да биде однесен во хотелската соба неколку моменти пред неговата смрт. Терасата на хотелот била „сериозна закана“ и менаџерот требало да се погрижи Пејн да биде безбеден додека не пристигне медицинската помош, според судските документи. Е.Р.Г., главниот рецепционер, исто така е осомничен за убиство од небрежност, бидејќи наводно побарал од три лица да го „влечат“ Пејн, кој не можел да стои, во неговата соба наместо да се увери дека е безбеден.

Живот

Чех под дејство на дрога си го отсекол полниот орган, хирурзите му направиле нов

Лекарите од Чешка ги преобликувале гениталиите на 31-годишен маж откако под дејство на дрога си ги отсекол пенисот и двете уши.

На улица бил пронајден со смрзнатини, по што бил хоспитализиран во психијатриска болница, пренесува чешкиот портал Иднес.

По неколкумесечно закрепнување, лекарите извршиле пластична операција под водство на хирургот Адам Бајус. „Одвоивме парче ткиво од подлактицата, го обликувавме во форма на гениталиите и уретрата и ги поврзавме ситните крвни садови и нервите под микроскоп“, објасни Бајус.

"Акутната употреба на дрога ја наруши способноста на пациентот да се контролира и да донесува одлуки. Тој не знаеше што прави во тоа време, но сега живее релативно нормален живот", додаде психијатарот Јакуб Албрехт.

„Лекцијата е јасна, никогаш не знаеш што ќе ти направи дрогата и никогаш не знаеш што точно има во купеното. Не можеме сѐ да забраниме, но важна е превенцијата“, заклучил психијатарот. Пациентот наводно бил под дејство на марихуана и кратом, јави Прага радио.

Свет

За напаѓачот на божикниот базар во Магдебург претходно се воделе 7 истражни постапки

Осомничениот за нападот со автомобил на божиќниот базар во германскиот град Магдебург бил под седум истражни постапки во рок од две години пред нападот, објави германскиот весник „Франкфуртер алгемајне цајтунг“.

Според информациите што ги провери ДПА, тој во пет случаи бил обвинител, а во два обвинет, пренесе Индекс.

Неколку дена пред Божиќ, мажот, идентификуван само како Талеб А. според германските закони за приватност, возел автомобил низ божиќниот базар во Магдебург, убивајќи пет лица и ранил речиси 300. Тој е во притвор.

Од 2020 година, Талеб А. работел како лекар во психијатриска болница во Бернбург, каде лекувал зависници од дрога кои извршиле кривични дела.

Во една од истражните постапки Талеб А. се заканувал на адвокатот кој своевремено го застапувал, како и на семејството на адвокатот и на вработените во канцеларијата. Полицијата го посетила на работното место на 4 октомври 2024 година за да го предупреди дека е под надзор.

Полицијата не ја открива причината за посетата на управата на болницата, изјави за dpa портпаролката на Салус, компанијата која управува со болницата.

На полицијата не ѝ е дозволено да споделува лични податоци со јавни и нејавни органи заради спречување на кривични дела.

Како одговор на истрагата, регионалното биро за криминал изјави дека нема индикации дека „преносот на податоци може да спречи опасност во околината на работодавачот“, што значи дека не биле исполнети условите за споделување податоци.

Свет

Менаџерка на Луфтханза е брутално убиена пред 3- годипниот син- сопругот ја избодел во ходникот

Менаџерката на „Луфтханза“, Стефани В. (38) била брутално убиена пред очите на нејзиното дете (3), а за убиството е осомничен нејзиниот сопруг Дерек В.

Бруталното злосторство се случило во станбена зграда во Хамбург во четвртокот вечерта, а според известувањето, Дерек ја избодел сопругата во ходникот на зградата.

Оние кои ја познавале брачната двојка велат дека „однадвор“ сѐ изгледало идеално. Пријателите и роднините велат дека парот добро се сложувал и биле прекрасни родители на нивниот тригодишен син. Сепак, нешто тргнало наопаку во четвртокот навечер.

Околу 20 часот и 30 минути Стефани и Дерек се скарале во нивниот луксузен стан. Стефани во еден момент го напуштила станот, а нејзиниот сопруг тргнал по неа. Таму во ходникот од зградата три пати ја избодел со нож. Таа успеала да стигне до лифтот и таму се струполила.

„Соседите слушнале врисоци, ја нашле жртвата во зградата и повикале брза помош. Осомничениот со детето побегнал од местото на злосторството“, соопшти полицијата.

Несреќната Стефани истрчала кон лифтот, а според Билд, тригодишното момче до последен момент ја гледало мајка му како се бори за живот. Медиумите пишуваат дека Дерек го зел детето по злосторството и побегнал во станот на мајка си во друг дел од градот. Наводно мајката повикала полиција околу 22 часот.

Кога пристигнала патролата, Дерек излегувал од станот. Веднаш бил уапсен, а според информациите не дал отпор. Момчето итно било пренесено во болница, при што било констатирано дека не се здобило со никакви физички повреди.

Истрагата на местото на убиството траела до раните утрински часови, а на полицијата се уште не ѝ е јасно зошто Дерек ја избодел сопругата.

Како што пишува Билд, оние кои ја познавале двојката тврдат дека не слушнале ништо лошо за нив, ниту дека се зборувало за нивно несогласување или развод.

"Нашите семејства редовно се собираа. Неодамна бевме сите заедно со децата, среќни, одлично си поминавме. Во шок сум", рекол пријател на семејството.

Осомничениот е германско-американски државјанин. Според медиумите, тој претходно живеел со своите родители во Кина, Јужна Африка и бројни европски земји. До неодамна бил директор во голема софтверска компанија.

Се вели дека Стефани била успешна жена, на менаџерска позиција во Луфтханза.