Тенис

Надал: Олимпијадата е најважниот спортски настан, се надевам ќе ја најдам потребната енергија

Олимпијадата е најважниот спортски настан, се надевам дека ќе ја најдам потребната енергија.

Шпанскиот тенисер Рафаел Надал проговори за претстојното учество на Олимпијадата во Париз каде ќе игра во двојки со Карлос Алкараз.

-Среќен сум што сум дел од тимот на олимписки спортисти и што ја претставувам Шпанија. Ова е најважниот настан во спортот, се надевам дека ќе ја најдам потребната енергија и ќе одработам добри тренинзи, изјави Надал за шпанските медиуми.

Тениските натпревари на Олимписките игри во Париз (Франција) ќе се одржат од 27 јули до 4 август.

Дваесет и двократниот победник на Грен слем во својата богата кариера има освоено 92 титули на АТП турнири.

Регион

Запалена е куќата на двојниот убиец од Црна Гора

Во пожар синоќа изгоре куќата на осомничениот за двојно убиство Алија Балијагиќ.

„Вијести“ дознава дека пожарот избувнал околу два часа по полноќ.

Од полициската управа за „Вијести“ ја потврдија информацијата, објаснувајќи дека се води истрага и дека причината за пожарот ќе се знае по вештачењето.

Балијагиќ беше уапсен во четвртокот наутро недалеку од Прибој, Србија.

Тој е осомничен за двојното убиство на Јован и Миленко Маџгаљ кај Бијело Поље и по него се трагаше од 25 октомври.

Свет

Телефонски разговор Путин - Ердоган

Претседателот на Русија, Владимир Путин денеска телефонски разговараше со турскиот колега Реџеп Тајип Ердоган за билатералните односи и меѓународните прашања, соопшти Кремљ.

Путин и Ердоган разговараа и за зголемување на ефикасноста на трговската и економска соработка.

Двајца претседатели претходно разговараа на маргините на Самитот на БРИКС во Казан кон крајот на октомври, за изградба на нови нуклеарни централи и за изградба на центар за гас во Турција.

Македонија

СДСМ: Конгресот го избра новиот состав на Централниот одбор

На 30-от Конгрес којшто се одржа денеска беше избран и новиот состав на Централниот одбор на СДСМ.

Новиот Централен одбор го сочинуваат поединци кои се почитувани во својата заедница, кои знаат да го почитуваат членството и граѓаните и кои ќе работат во најдобар интерес на сите граѓани.

Внесуваме нова енергија во нашите редови. Ги отвораме вратите за сите кои се блиски до социјалдемократски идеи и вредности.

Директен линк со целата листа на сите избрани членови на Централниот одбор: https://sdsm.org.mk/organizacija/organi/centralen