Согласно динамиката што ја зацртавме и предложивме во предизборната програма ќе Ви ја набројам вкупната дејност на тригодишните активности на Општината.
Направени се конкретни дела во интерес на жителите на Општина Градско. Со непосредни средби се избрани приоритетите, креирани програмите, изнесени потребите, проблемите и визиите за развојот на Градско. Станува збор за проекти којшто се основни и се предуслов за идниот развој на самата општина.
За три години се трудевме да инвестираме во сите населени места и успеавме да направиме една листа на проекти. И тоа:
- Прв приоритет беа децата и грижата за нив. За сите дечиња од предучилишна возраст, засега околу педесетина, општината обезбедува бесплатен престој во Детската градинка. За сите првачиња општина Градско обезбедува ранци и училишен прибор, за среќен и успешен почеток на самата учебна година. Општина Градско веќе втора година по ред обезбедува бесплатен оброк за сите деца од прво до петто одделение. Исто така се доделуваат и стипендии за најталентираните ученици и студенти.
- Континуирано се грижиме за развојот на образовниот процес со креирање на услови преку обезбедување на квалитетни капацитети и опремување на училиштата и училишните кабинети.
- Развојот на спортот е важна компонента особено во животот на младите и создавањето кај нив здрави навики. Но за да се развива спортот неопходно е за тоа да се создадат и услови. Изминатите години општина Градско вложуваше во модернизација на отворените спортските терени, но и на училишните спортски терени во Градско, Виничани, Ногаевци и Водоврати со поставување на тартан подлога и обновување на спортските комплекси.
- Од големо значење е хортикултурното уредување на урбаните средини за сите категории граѓани, особено за најмладите. Од тие причини хортикултурно се уредуваше и се реконструираше детскиот забавен парк во Градско. Но, и просторот на детското игралиште во нас. Стопанството во Градско се оплеменети со реквизити за деца од различни возрасти, a во овој период се уредува и детски забавен парк и ќе се поставува урбана опрема и во Долно Градско.
- И како што младите се население на коешто му е неопходна нашата поддршка за да се насочи, да се образува и да го гради своето родно место, така на старите, пензионерите што ни ја оставија традицијата, културата и основата врз којашто ја градиме својата општина им должиме почит, внимание и безгрижни пензионерски денови. За нив Општина Градско обезбедува превоз за екскурзии. Истото го прави за хуманите луѓе, крводарителите, спортистите, лицата со попречености и членовите на граѓанските организации коишто се промотори на самата општина.
- Да се сака безусловно своето родно место, просторот, реките и природата значи постојано да се надоградува, да се развива и да се создава за да се има историска трага во нашето време. Затоа:
- Во изминатиот период се работеше на подобрување на водоснабдувањето како на урбаните средини, така и на земјоделските површини.
- Во областа на урбанизмот интензивно се работеше и се работи за изградба и реконструкција на улици и патиштата во сите населени места во општината.
Изградивме патишта во должина од 3640 метри, Локалниот пат од село Чичево, Локалниот пат до Манастир Св.Архангел Михаил, локалниот пат до село Виничани (заедно со уличното осветлување) и Обиколницата.
Изградивме улица во должина од 4342 метри и тоа: 7 улици во Градско, 3 улици во Ногаевци, 2 улици во селото Виничани, како и 1 во Водоврати и во Долно Градско или севкупно околу 8 километри асфалтен пат за 3 години.
- За подобрување на урбаната слика на населбата Градско се изврши модернизација на централното подрачје. Се постави нова урбана опрема, фонтана, канделабри и хортикултурно уредување. За да се завршат сите потребни реконструкции беше отстранет споменикот на нашиот прерано загинат сограѓанин Златко Владов, а на истото место ја откривме бистата со неговиот лик. Со ова уште еднаш докажавме дека Општината подеднакво се грижи за сите свои жители.
- На задоволство на сите нас, Општина Градско е 7-ма најтранспарентна општина во Македонија односно 7-ма најтранспарентна институција во Република Македонија. Транспарентноста е клучен камен - темелник на активностите на локалната власт во Општина Градско. Со цел жителите да добијат поголем пристап од повеќе информации за работата на локалната самоуправа, работата на Советот се овозможува поголема можност граѓаните да се вклучат во самиот процес на носење на нивните одлуки.
- Не помалку значајни се проектите од културата и спортот. Оние кои ги кренаа на нозе сите жители и направија достојна афирмација на нашиот крај. Дел од нив имаа и меѓуопштинска, а дел и меѓународна димензија. Најуспешни и најмасовни беа: Фолклоријадата, Кошаркарскиот турнир 3х3 и обележување на Патронатот на општината, како и Павловден. Ќе го потенцирам она што во моментов е актуелно – интензивно градење на црквата Св. Апостол Павле. Очекувам следниот Павловден храмот веќе да биде отворен за верниците. Им благодарам на донаторите и поддржувачите, на добротворите кои помагаат овој храм да го оплемени Градско.
И како и секогаш заедно, сплотени во реализацијата и напорите да го направиме Градско поубаво место за живеење, јас сум тука за жителите на општина Градско и ветувам дека Градско ќе биде добро место за живеење, посакувана дестинација за посета и стабилна локација за инвестиции.
Киро Нацков, градоначалник на општина Градско
Центар за комуникации на ВМРО-ДПМНЕ