„Со денови сме изложени на брутални изливи на насилство кои ги спроведуваат одредени политички фактори кај нас со поддршка на т.н. групи на медиумски притисок и други групи на притисок. А, она што ни останува нам пристојните граѓани, не врзани за политичка ориентација во државата Србија, е да веруваме во работата на државните органи и да не преземаме никакви мерки за да покажеме на улица кој е поброен, а кој е посилен, или нешто слично“, изјави на својот Инстаграм профил српскиот претседател Александар Вучиќ, по повод блокадите и протестите на опозицијата во Нови Сад по повод истрагата за трагедијата на Железничката станица во Нови Сад и денешните апсења на 11 лица.

-Го трпиме сиот овој терор поради притисокот наводно да се забрза Обвинителството. Обвинителството овде одлучуваше сто пати побрзо отколку во најразвиените земји на ЕУ кога се случуваа слични работи. За таа одлука ќе зборувам вечерва во 17:20 часот на РТС. А дотогаш мојата клучна порака за сите граѓани на Србија е дека ќе ги победиме насилниците, дека ќе ги победиме на секое место. И со владеење на правото, на секои можни избори, ќе ја покажеме разликата меѓу нормална и пристојна Србија и Србија на насилници и дека воопшто не се плашиме од нив. Србија на храбрите, само затоа што молчи, не значи дека Србија стана кукавица, само значи дека се сака Србија многу повеќе од оние што би ја уништиле. Ќе отидам токму таму во таа телевизија, која ја сметам за една од најодговорните за поддршката, како на насилството, така и на секоја антидржавна идеја, и ќе им кажам се в лице, и за нивната работа и за сите групи на притисок, додаде Вучиќ.

Седницата за пратенички прашања не е најавена на веб страницата на Собранието. Претседателот на Собранието, Африм Гаши соопшти дека седницата ќе трае два часа, односно до 13:30 часот.

Од Собранието информираа дека одржувањето на оваа седница со пратенички прашања е согласно член 42 од Деловникот усвоен во 2023 година, што почнува да се применува од овој мандат.

- Денешната седница е согласно Член 42 - (1) Пратенички прашања од пратениците од пратеничките групи во опозиција и од пратениците во опозиција кои не се организирани во пратеничка група се поставуваат еднаш месечно, во денот кога се одржува седница на Собранието. Доколку во текот на месецот не се свикани седници, претседателот на Собранието задолжително свикува една седница заради поставување на пратенички прашања. (2) Пратеничките прашања од ставот (1) на овој член се поставуваат по утврдувањето на дневниот ред на седницата во траење од два часа.. велат од собраниската прес-служба

На седницата, посочуваат, присуствуваат членови на Владата кон кои е упатено прашањето од пратениците од опозицијата.

Во рамки на 20-тата седница при утврдувањето на дневниот ред поддршка да одат по скратена постапка не добија законите за минимална плата и Предлог-измените на Законот за додадена вредност поднесени од пратеници од опозицијата.

Според анализата на Министерството за образование и наука од Е-дневник, како што изјави денеска Јаневска, нема значајна разлика во отсуствата на учениците.

- Претпоставувам дека учениците и родителите се организираат најдобро што можат нивните деца да стигнат во училиште, но и наставниците имаат разбирање за ова што се случува. Состојбата е многу лоша и срамота е во главниот град да им се онезвоможи на учениците да добијат соодветно образование што е загарантирано право со Устав. Се надевам дека ќе се најде решение за оваа ситуација затоа што е недозволиво сите напори што ги правиме, промените што се обидуваме да ги спроведеме за подобрување на квалитетот на образованието, да бидат на некој начин спречувани заради неорганизираност на градските власти. Се надевам дека градските власти сериозно ќе ја сфатат оваа ситуација и под итно ќе најдат соодветно решение, изјави Јаневска пред почетокот на потпишувањето на Анексот на меморандумот за соработка меѓу МОН и Амбасадата на Франција.

Јаневска дава поддршка и на студентите кои најавија дека утре ќе се приклучат на протестот пред Град Скопје доколку не се најде решение со јавниот превоз.

- Апсолутно се во право, имаат право својот револт на соодветен начин да го изразат и ако ова е единствениот начин да најдат решение, јас ги поддржувам, рече Јаневска.

Проблемите со јавниот градски превоз кулминираа вчера откако најголем дел од автобусите на Јавното сообраќајно претпријатие не возеа поради недостиг на гориво. Во сообраќај беа пуштени само 25 автобуси кои работат на гас.

За денеска во 18 часот е закажана вонредна сендица на Советот на Град Скопје, а дел од политичките партии побараа оставка од градоначалничката на Град Скопје, Данела Арсоваска.