Живот

Мајка не дозволува ќеркичката да оди на хемотерапија- државата и го одзела детето

Мајката на десетгодишно девојче од Загреб не дозволува ќерка и да оди на хемотерапија , иако и е дијагностициран рак на коските.

Хрватските институции , по барање на докторите , времено и го одзедоа старателството на мајката , за да може да и се спаси животот на девојчето. Детето од Далмација , каде било на одмор , итно е префрлено на клиниката во Загреб, а семејеството веднаш ја разгледало и опцијата за лекување во странство. Биле собрани средства преку социјалните мрежи , па сепак лекувањето не почнало.

Мајката не дозволувала девојчето да биде подвргнато на хемотерапија. на барање на докторите , се вклучило и Министерството за социјална заштита , кое времено и го одзело старателството на мајката.

Таа се противела на одлуката , велејќи дека нашла алтернативен начин на лекување во Турција , а воедно ги повикала навивачките групи да ја каменуваат болницата во Загреб. Докторите тврдат дека многу драгоцено време е изгубено во административните мерки , детеот не добивало терапија поради мајката и сега ќе треба да биде подвргнато на дури шест циклуса на хемотерапија.

Мајката веќе ангажирала адвокат и најавува тужба за болницата , зашто тврди дека хемотерапијата е отров кој не го уништува канцерот , туку го проширува.

Освен десетгодишната ќерка , мајката сама чува уште две помали деца, а им била позната на социјалните служби по пријавите за занемарување на децата.

Фудбал

Манчестер сити четврти пат по ред шампион на Англија

Манчестер сити е шампион на Англија во сезоната 2023/24.

Во натпреварот од 38. коло „Граѓаните“ на домашен терен го победија Вест Хем (3:1). Двоен стрелец беше Фил Фоден. Играчот од средниот ред погоди во 2. и 18. минута. Родри постигна уште еден гол од додавањето на Фоден во 59. минута.

Стрелец на единствениот гол за гостите беше Мохамед Кудус (42. минута).

Манчестер сити заврши на првото место во Премиер лигата со 91 бод пред Арсенал кој собра 89. Тимот на Пеп Гвардиола ја освои шампионската титула четврти пат во низа. Покрај тоа, ова е шеста титула за Гвардиола во Премиер лигата.

Вкупно Манчестер сити има 10 трофеи. По бројот на шампионски титули, пред Сити се само Арсенал (13), Ливерпул (19) и Манчестер јунајтед (20).

Вест Хем ја заврши сезоната на деветтото место на првенствената табела. /МИА

Фудбал

Сасуоло испадна од Серија А по 11 сезони во првата лига

Сасуоло испадна од италијанската Серија А. Денес тимот загуби на домашен терен од Каљари (0:2) во натпреварот од 37. коло на најсилното фудбалско првенство во Италија.

Попладнево Удинезе и Емполи ремизираа (1:1) и се одлепија од Сасуоло на недостижни 4, односно 5 бода на едно коло пред крајот на првенството. Сасуоло (29 бодови) е претпоследен во поредокот.

Сасуоло стигна до Серија А во 2013 година. Оттогаш, тимот помина 11 сезони во највисоката дивизија.

Претходно Салернитана рано испадна од Серија А.

Третиот тим кој ќе ја напушти елитата ќе се бара помеѓу екипите на Емполи, Удинезе, Фросиноне, Верона и Каљари./МИА

Свет

Таравари се демантира самиот себе

Арбен Таравари ретерира од својата изјава дадена вчера за косовската државна телевизија дека ВРЕДИ ќе има 6 министри во идната Влада.

Денеска вели дека договор се уште не е постигнат, а информацијата што произлезе од него била дезинформација. Вели дека нема договор ниту за претседателот на Собранието да биде од нивните редови, иако вели дека остануваат на тоа барање, за да остане воспоставената пракса една од трите највисоки државни функции да биде раководена од Албанец.

Преговорите на работните групи меѓу ВМРО-ДПМНЕ и „ВРЕДИ“, според најавите, ќе продолжат и утре за да се финализира владината програма, а до петок се очекува да бидат договорени и кадровските решенија. Во меѓувреме во среда ќе има и прегласување на седум избирачки места во 5 и 6 изборна единица за да се види финалниот распоред на силите во Собранието.