Откривањето и апсењето на двајцата пензионирани инспектори поради сојузништвото со криминалната група „Дуќанџик“ од с. Грчец е само почеток на она што ќе следи во иднина, најави министерот Панче Тошковски кој кажа дека МВР и Обвинителството поседуваат обемна документација со бројни цврсти докази добиени пред се преку апликацијата СКАЈ од меѓунароните партнери. Дали станува збор за кртови од службата не сакаше денеска да открие, но порача дека претстои сериозна борба со организираниот криминал и корупција.

-Во рамки на информациите кои што ги имам станува збор за огромен број на докази поврзани со конкретни кривични дела. Во иднина ќе има доста интересни случаи за јавноста поврзано со организиран криминал и висока корупција. Во иднина ќе следат поголем број на случаи кои се поврзани со доказниот материјал обезбеден од страна на Скај апликацијата,- -Панче Тошковски – министер за внатрешни работи.

Ниските плати на полицијата, партизираноста на институциите и несоодветното образование на службениците се само дел од причините поради кој се завршува како крт на платниот список на мафијата, смета експерот по безбедност Љубомир Ѓурчевски. Порадо тоа, тој вели дека МВР и Обвинителството ќе имаат полни раце работа, но гледа и подготвеност кај нив за посериозна битка со организираниот криминал.

-Нема институција која не е жртва на корупција, така и МВР, но тоа ја потврдува онаа теза дека сите ние кои го проучуваме организираниот криминал кажуваме дека, еднаш регрутиран, значи нема излегување од тие организирани криминални групи. Тие вечно ќе служат и ќе ги извршуваат оние работни задачи кои што од нив ги бараат организираните криминални групи, односно оддавање на службена тајна со цел да криминалните групи избегнат постапки кои што ги спроведуваат полициските службеници. Конспиративноста е падната на најниско можно ниво, како во полицијата, така и во обвинителството, -Љубомир Ѓурчевски – експерт за безбедност.

Двајцата пензионирани полицјаци и третото лице од ОЈО ГОКК добија 30 дневен притвор во затворот во Шутка. Меѓу другото, се товарат дека дека се заканувале на жртва за обид за Убиство по нарачка да ја смени дадената изјава во полиција, во спротивно тој или неговото семејство повторно ќе бидат мета на напад. Но, не застанале тука, се сомничат дека споделувале информации за убиства, за посебни истражни мерки за случајот „Планина“ кој се водеше против „Дуќанџик“, за кој и тогашната шефица на обвинителството Русковска кажа дека акцијата е компромитирана од структури на МВР.

Откако од ДУИ порачаа дека за нив е прифатливо заедно со локалните наесен идната година да се одржат и предвремени парламентарни избори, синоќа лидерот на интегративците Али Ахмети отиде и чекор понанаму - пред членовите на партискиот огранок во Куманово најави повлекување од политиката доколку изгуби на следините избори.

Ваквата негова изјава следува по неодманешнот повик од Вреди за писмена гаранција од Ахмети дека ќе си замине доколку ДУИ не победи на следните избори и по пораките од премеирот Мицкоски наместо за изборно соочување, интегративците да се подготват за одговорност.

„Слушнам, бараат да сум потпишал на нотар, дека доколку и со еден глас ги загубам изборите, нема да бидам дел од власта. Четврт век велам, ако ги изгубам изборите, ќе си заминам“, посочи Ахмети.

Со реакција на ваквата изјава на Ахмети, возвратија од Вреди и им порачаа дека наместо за предвремени избори, идеално време било за одговорност за досегашното лошо владеење..

- ДУИ се во треска да не се појават СМС пораките во јавноста како доказ за нечесните понуди што ги имаа да влезат во Влада наместото на ВРЕДИ со половина министерства, без спикерот на Собранието и со ветување за поддршка на терен да се изберат Македонци за градоначалници на општините во Струга и Кичево на локалните избори во 2025 година, се наведува во партиското соопштение од ВРЕДИ.

Темата за евентуални предмевремени заедно со локалните избори се актуелизираше откако Мицкоски ја понуди до СДСМ како реакција за нивното барање да го врати мандаотот поради употребата на Северна.. Подгтовеност за такво сценарио вчера изрази и Филипче, но колку е тоа реално?

Во ваквите искри со пораки и повици за предвремено изборно соочување и ветувања за повлекување од политиката сцена, дел од аналитичарите препознаваат само полтички фолклор и превремена предизборна реторика.

„Овие храбри политики изјави ќе си одам ако изгубам со еден глас и така натаму ги толкувам како предизборна реторика. Тие не се призвод на некаква сериозна политичка стратегија, туку на дневниот понг-понг помеѓу партиските штабови на конференции. Не би ги земал здраво за готово. Ова се уште наликува на политички фолклор, одошто на серизона иницијатива за предвремени парламентарни изборинамногу затоа што нема никков контекст или повод за таквите избори. Но не исклучувам можност во блиско време дали поради уставни измени или некој друг политички потрес да се реактуализираат предвремени парламентарни избори“– Петар Арсовски, политички аналитичар.

Можноста за предвремени парламентарни избори во пакет со локалните според Аросовски е минимална и смета дека тие нема да донесат никаква драстична промена на политичките сили во парламентот, туку само ќе ја закочат економијата во државата.

Ова е прв настап за 16-годишниот младинец на ваквото Светско првенство, кое по третпат го организира Интернационалната спортска федерација на слепите, а кое се игра во сениорска конкуренција.

На крајот првите три места ги освоија играчи кои во деветте кола прокнижија по седум бода, а меѓу нив беа и двајцата најсилни според рејтингот: ФИДЕ-мајсторот Иштван Золтан Замбо од Унгарија и ветеранот ИМ Предраг Никач од Црна Гора. Со 5,5 бода Стефан Мелник се доближи до водечката група и заврши на делба на шестото место.

Претходно, годинава во јуни, тој настапи на Европското првенство за слепи лица, во верзија на IBCA, кое се одржа во Романија, каде што се пласираше на делба на 10. – 18. место.

Со исклучителните постигнати резултати Стефан Мелник го потврдува својот шаховски талент и потенцијал, а воедно и континуираната работа со неговиот тренер, ВМ Трајко Недев, во последните две години ги дава посакуваните резултати.

- Овој настап ќе го паметам по пропуштените шанси. Се изборив за подобри позиции во два случаи, од кои првиот беше против ИМ Никач, кој потоа ги искористи моите непрецизности и успеа да освои цел поен, а во вториот случај партијата заврши со реми (со Французинот Јан Тевене). Бев најмладиот учесник на Првенството, а, според информациите што ги добив, подобро пласираните играчи биле од категоријата на слабовидни лица, за разлика од мене. Мислам дека во скоро време би можел да напредувам и да стигнам до борба за еден од медалите – вели Стефан во првата изјава по враќањето во Скопје.

При овој настап младинецот од шаховската школа на ШК Алкалоид освои и нови 63 рејтинг-поени на листата на ФИДЕ, слично како и при настапот на Европското првенство, кога освои 131 рејтинг-поен. Со тоа неговиот вкупен рејтинг ќе ја надмине границата од 1900 и ќе го вброи рамо до рамо меѓу најуспешните играчи од тимот на ШК Мулти Есенс, за кој настапуваше минатата сезона во екипните натпревари и со кој заедно обезбеди пласман во највисокото екипно натпреварување во Македонија според рангирањето – Првата шаховска лига.