Ахмети го прифаќа предизвикот на ВРЕДИ, ВРЕДИ очекува одговорност за досегашното владеење

„Слушнам, бараат да сум потпишал на нотар, дека доколку и со еден глас ги загубам изборите, нема да бидам дел од власта. Четврт век велам, ако ги изгубам изборите, ќе си заминам“, посочи Ахмети.

Откако од ДУИ порачаа дека за нив е прифатливо заедно со локалните наесен идната година да се одржат и предвремени парламентарни избори, синоќа лидерот на интегративците Али Ахмети отиде и чекор понанаму - пред членовите на партискиот огранок во Куманово најави повлекување од политиката доколку изгуби на следините избори.

Ваквата негова изјава следува по неодманешнот повик од Вреди за писмена гаранција од Ахмети дека ќе си замине доколку ДУИ не победи на следните избори и по пораките од премеирот Мицкоски наместо за изборно соочување, интегративците да се подготват за одговорност.

„Слушнам, бараат да сум потпишал на нотар, дека доколку и со еден глас ги загубам изборите, нема да бидам дел од власта. Четврт век велам, ако ги изгубам изборите, ќе си заминам“, посочи Ахмети.

Со реакција на ваквата изјава на Ахмети, возвратија од Вреди и им порачаа дека наместо за предвремени избори, идеално време било за одговорност за досегашното лошо владеење..

- ДУИ се во треска да не се појават СМС пораките во јавноста како доказ за нечесните понуди што ги имаа да влезат во Влада наместото на ВРЕДИ со половина министерства, без спикерот на Собранието и со ветување за поддршка на терен да се изберат Македонци за градоначалници на општините во Струга и Кичево на локалните избори во 2025 година, се наведува во партиското соопштение од ВРЕДИ.

Темата за евентуални предмевремени заедно со локалните избори се актуелизираше откако Мицкоски ја понуди до СДСМ како реакција за нивното барање да го врати мандаотот поради употребата на Северна.. Подгтовеност за такво сценарио вчера изрази и Филипче, но колку е тоа реално?

Во ваквите искри со пораки и повици за предвремено изборно соочување и ветувања за повлекување од политиката сцена, дел од аналитичарите препознаваат само полтички фолклор и превремена предизборна реторика.

„Овие храбри политики изјави ќе си одам ако изгубам со еден глас и така натаму ги толкувам како предизборна реторика. Тие не се призвод на некаква сериозна политичка стратегија, туку на дневниот понг-понг помеѓу партиските штабови на конференции. Не би ги земал здраво за готово. Ова се уште наликува на политички фолклор, одошто на серизона иницијатива за предвремени парламентарни изборинамногу затоа што нема никков контекст или повод за таквите избори. Но не исклучувам можност во блиско време дали поради уставни измени или некој друг политички потрес да се реактуализираат предвремени парламентарни избори“– Петар Арсовски, политички аналитичар.

Можноста за предвремени парламентарни избори во пакет со локалните според Аросовски е минимална и смета дека тие нема да донесат никаква драстична промена на политичките сили во парламентот, туку само ќе ја закочат економијата во државата.

Сослушани се 48 лица за несреќата во Нови Сад, денеска уште петмина

Вишото јавно обвинителство во Нови Сад ја информира јавноста дека го искористило својот максимален капацитет за спроведување истражни дејствија со ангажирање на пет јавни обвинители и двајца помошници на јавни обвинители.

По повод трагичниот настан што се случи на 1 ноември во Нови Сад, кога се урна настрешницата на зградата на Железничката станица во Нови Сад, Вишото јавно обвинителство во Нови Сад ја информира јавноста дека го искористило својот максимален капацитет за спроведување истражни дејствија со ангажирање на пет јавни обвинители и двајца помошници на јавни обвинители, објави Телеграф.

Како што е соопштено, во претходните три дена биле сослушани вкупно 48 лица, додека наредено е денеска да бидат сослушани уште 5 лица. Во истиот период од повеќе различни институции, правни и физички лица, одземена е релевантна документација, чии детални анализи се во тек, а наредени се потребни вештачења за утврдување на причината за уривањето на настрешницата, пропустите кои довеле до него, како и одговорноста на лицата.

„Посочуваме дека, по спроведената истрага, местото е расчистено со оглед на тоа што се работи за јавна површина и дека заради обезбедување докази, градежните остатоци од урнатата настрешница, по барање на јавен обвинител се преместени на безбедна локација, каде што се под постојан надзор на полициските службеници во Нови Сад. Пристапот до таа локација е забранет, освен со претходно одобрение на обвинителството, и само на ангажирани вештаци, заради увид , земање мостри и анализа на градежни остатоци и материјали, заради извршување на потребните вештачења“, се вели во соопштението на ВЈТ во Нови Сад.

Како што се наведува во соопштението, трагичниот настан од 1 ноември има апсолутен приоритет во Вишото јавно обвинителство во Нови Сад, кое продолжува со интензивна работа со цел да се утврдат сите суштински елементи на кривичните дела и кривичната одговорност на лицата, за кои јавноста ќе биде навремено и редовно известена.

Кризата се влошува: Познатиот производител на автоделови затвора две фабрики

​Долго време беше синоним за германски квалитет.

Германскиот производител на автоделови „ZF“ е основан во 1915 година во Сарбрикен на езерото Констанца.

Долго време беше синоним за германскиот квалитет и првата инсталација, на пример, на менувач во автомобили како „BMW“.

„ZF“ е тешко погодена од кратењата на еден од своите најважни партнери, „Volkswagen“. Со намалената книга на нарачки, сега мора да отпушти меѓу 11.000 и 14.000 вработени, додека фабриката во Гелзенкирхен ќе се затвори на крајот на годината.

На други локации, каде што работат речиси 169.000 вработени во компанијата, постои голема грижа за иднината.

„ZF“, како и многу други компании од германската автомобилска индустрија, не ја следеше електрификацијата на автомобилската индустрија и сега има проблем поради тоа.

„Сè уште мислам дека имаме цврста основа врз која ќе ја градиме иднината“, вели Холгер Клајн, директорот на компанијата, но очигледно веќе никој не му верува.

Компанијата најави дека ќе затвори уште една фабрика во 2027 година. Се наоѓа во Еиторф во провинцијата Северна Рајна Вестфалија, пишува „Merkur.de“.

Извор: Б92

Шпанскиот премиер Санчез најави 10,6 милијарди евра помош за регионот погоден од поплавите

 Шпанскиот премиер Педро Санчез денеска најави итен план за помош во вредност од 10,6 милијарди евра за граѓаните и компаниите погодени од смртоносните поплави што го опустошија југоисточниот дел на земјата.

„Вкупните инвестиции од сите овие први мерки ќе надминат 10,6 милијарди евра“, рече социјалистичкиот премиер и презентираше низа мерки за помош, усвоени на владината седница.

Според последните податоци, во разорните поплави што пред една недела ја зафатија југоисточна Шпанија животот го загубија 218 луѓе, а уништен е огромен имот.

Премиерот рече дека во последните 72 часа, откако последен пат зборуваше со јавноста, бројот на војници и полицајци распоредени во подрачјата опустошени од поплавите се зголеми на речиси 15.000.

„Бројот на лица испратени од шпанската Влада, војници, припадници на националната полиција, цивилна гарда, се зголеми од 7.300 на 14.898, а им се придружија 287 шумски чувари, околу 100 цариници, како и 600 возила и специјализирани машини за испумпување, расчистување и снабдување на погодените подрачја“, рече премиерот.

Говорејќи за пакетот помош, премиерот рече дека тоа е само првиот чекор.

„Пакетот вклучува директна помош, како и фискални олеснувања за компаниите и поединците. Помош ќе добијат 65.000 работници и околу 30.000 компании“, рече Санчез.

Премиерот најави и кредитна линија од пет милијарди евра за мали и средни претпријатија, независни работници и семејства, според модел многу сличен на оној што се применуваше за време на пандемијата.

Владата денеска и официјално прогласи состојба на природна катастрофа во погодените подрачја и се обврза дека ќе покрие 100 отсто од трошоците што општините ги направија за расчистување на улиците и помагање на луѓето.

Покрај тие итни мерки, Санчез увери дека Владата работи на долгорочен план за реконструкција на погодените области, неопходен за прилагодување на областа кон климатските промени./МИА

притисни ентер