Повторно најмногу гласови собра доајенот и претседавач со седницата Силви Кирилов од Има таков народ (ИТН). Тој доби 101 глас „за“, 99 пратеници беа „против“, а 37 воздржани. Него го поддржаа 17 пратеници од „Продолжуваме со промените-Демократска Бугарија“, 35 од „Преродба“, 19 од „Сојуз за права и слободи“, ИТН - 18, МЕЧ - 12. Против Кирилов беа еден пратеник од ПП-ДБ, 30 од „ДПС-Нов почеток“ и 68 од ГЕРБ-СДС. „Воздржано“ гласаа 17 народни претставници од ПП-ДБ и 20 од „БСП-Обединета левица“.

Според процедуралните правила, за избран ќе се смета кандидатот кој добил повеќе од половина од гласовите на присутните во пленарната сала.

Службениот премиер Димитар Главчев го коментираше петтиот неуспешен обид за избор на претседател на Народното собрание, истакнувајќи дека службената влада е активна, за разлика од некои институции кои треба да работат во интерес на граѓаните.

Главчев изрази надеж дека наскоро ќе биде формирана редовна влада. - Не сме виновни што нема редовна влада, но прво треба да се избере претседател на Парламентот, додаде тој.

На денешната седница, освен Кирилов, се гласаше и за Раја Назарјан од ГЕРБ-СДС. Наредната седница е закажана за среда, 27 ноември, во 11:00 часот.

На приемот присуствуваше и претседателката Сиљановска Давкова со која претходно утрово имаше и средба во кабиетот. Присутна беше и американската амбасадорка Агелер, претседателот на собранието Африм Гаши, министерот за внатрешни работи Панче Тошковски и директорот на АНБ Бојан Христовски. Лидерот на СДСМ Венко Филипче и голем број од нејзините поранешни сопартијци.

Вчерашниот инцидент во Собрание е во рамки на прекршувањата на етичкиот кодекс, но допрва ќе се утврдува конкретно во постапка предвидена со Деловникот- вели за Канал 5 претседателот на Собранието Африм Гаши, за случајот кој беше на раб на тепачка меѓу лидерот на Левица Апасиев и пратеници од ВМРО-ДПМНЕ. Според кодексот на однесување во законодавниот дом, омаловажување, навреда на достоинството, поттикнување на омраза, нетолеранција или насилство, спаѓаат во тешки повреди и за ова одлучува Комисијата за деловнички и мандатно-имунитетни прашања, по евентуална пријава од пратеник.

Од ВМРО-ДПМНЕ засега побараа извинување од Апасиев за неговите пцовки и навреди кон пратениците, оценувајќи дека се работи за примитивен и разочарувачки однос.

„ На недоличните зборови упатени кон жени, сестри, мајки не им е местото во Собрание. Барам јавно извинување од колегите од Левица за вчерашното однесување и за зборовите изустени и упатени кон нечија мајка, сопруга, ќерка, девојка. Колеги од Левица, и вие сте нечии синови, сопрузи, татковци, момчиња., внимавајте што ви излегува од уста! Тоа најмногу говори за вас. Срамота! “ - Жаклина Пешевска - пратеник и претседателка на Унија на жени на ВМРО-ДПМНЕ

Од друга страна од Левица го оправдуваат партискиот лидер дека бил испровоциран од пратеник на владејачката партија, па затоа се спротивставил.

„ Нашиот левичарски нарав е таков, насилство не трпиме и изби инцидентот. Мене ми е жал за инцидентот, вчера беше спомната сестра, за сестра се умира и тоа е тоа. “ - Сашко Јанчев – пратеник на Левица

Ова не е прв инцидент на Левица во Собранието- пред две години Апасиев и Мартин Костовски од СДСМ си разменија навреди и малку недостасуваше да дојде до физичка пресметка. Лани пак, пратеникот Крмов го искрши мониторот и микрофонот на спикерското место во Собранието, за што доби парична казна за материјална штета.