Коалицијата „Вреди“ повторно ја актуелизираше идејата за албанска Академија на науките

Општините со кои раководат кадри на коалицијата „Вреди“ ќе ja финансираат албанска Академија на науките во земјава, којa очекуваат да добие и институционална форма…

Коалицијата „Вреди“ повторно ја актуелизира идејата за албанска Академија на науките и уметностите во земјава– на состанок меѓу нивните четворица градоналници, лидерот на Алтернатива и членови на ова тело, барале начин како таа да стане државна институција. Првиот чекор велат е финансирање од општинските буџети на Тетово, Гостивар, Чаир и Желино, сега очекуваат разбирање и поддршка за академијата да стане установа бидејќи, како што велат, нивната цел не е да предизвикаат етнички тензии или паралелизам во Македонија.

„Ние како коалиција ВЛЕН ја поддржуваме оваа идеја, овој проект, затоа што цениме дека дојдено е време Албанците да бидат претставени соодветно и на академско ниво.“

„Бараме од новинарите, од политичарите, да нѐ гледаат како пријатели, како луѓе кои се бават со научна истражувачка дејност, ние не сме политичка организација. Ние бараме основни работи, општините кирија да ни подмират и патни трошоци.“

За оваа тема Вреди немаат поддршка од коалициските партнери ВМРО-ДПМНЕ и ЗНАМ. Официјалниот став од Владата за денешната средба по повод албанската академија, е дека во земјава постои само една единствена институција за науките и ументностите.

„Цениме како влада дека сите политички и општествени чинители треба да имаат една единствена цел а тоа е како да се подобри животниот стандард на граѓаните. Цениме дека во науката не треба да се дава никаков примес, освен за тоа како да се унапреди. Македонија има таква институција, која е наречена МАНУ.“

Албанската академија на науките и уметностите е едно од првите прашања кои Вреди ги отворија откако влегоа во владината коалиција со ВМРО-ДПМНЕ. Уште тогаш оваа идеја беше експресно отфрлена од премиерот Мицкоски, со став дека веќе постои МАНУ и паралелна научна институција со етнички предзнак не може да се формира. На иста линија се и членовите на МАНУ, појаснувајќи дека во нивните редови веќе има четворица академици Албанци и науката не треба да се етнизира и политизира.

Гори автомобил на Плетвар- сообраќајот со пропуштање

Сообраќајот на превојот Плетвар кај м.в.Ленишки мост се одвива по една коловозна лента со пропуштање.

Поради опожарен автомобил на коловоз, од 20:00 часот сообраќајот на превојот Плетвар кај м.в.Ленишки мост се одвива по една коловозна лента со пропуштање, соопшти АМСМ.

Отишле во аквариум за да видат огромна ајкула, но останале разочарани (ВИДЕО)

Популарен аквариум во Кина се најде на удар на критики по петгодишното реновирање.

Објектот бил отворен на 1 октомври и веднаш привлече околу 100.000 посетители, кои уживаа во убавината на подводниот свет.

Една од атракциите на аквариумот е кит-ајкулата - најголемиот постоечки вид риби, кој може да достигне должина од осум до девет метри (иако имало и поголеми примероци).

Меѓутоа, поединците се почувствувале измамени кога сфатиле дека огромниот предатор е всушност механичка копија, пренесува New York Post.

Нивните критики се појавија на социјалните мрежи.

„Најголемото разочарување беше робот-ајкулата“, „Местото не е доволно големо, па дури и кит-ајкулата е вештачка“, „Имав многу очекувања, а потоа видов механичка ајкула. Не е интересно“, стои во дел од пораките.

Претставниците на аквариумот веднаш реагирале и објасниле дека механичката ајкула, чие производство било прилично скапо, не е таму за да „привлече гости“.

Посочуваат дека го поддржуваат законот за забрана на трговија со кит-ајкули. Меѓународната унија за зачувување на природата (IUCN) смета дека овој вид е загрозен, меѓу другото, и поради ловот.

Покренато е ново судење поради „бунга бунга“ забавите на веќе покојниот Берлускони

Врховниот касационен суд на Италија нареди ново судење за таканаречениот случај „Руби тер“, еден од неколкуте поврзани со наводните сексуални забави „бунга бунга“ што ги одржувал покојниот поранешен премиер и медиумски милијардер Силвио Берлускони.

Врховниот касационен суд на Италија нареди ново судење за таканаречениот случај „Руби тер“, еден од неколкуте поврзани со наводните сексуални забави „бунга бунга“ што ги одржувал покојниот поранешен премиер и медиумски милијардер Силвио Берлускони во неговиот дом во Аркоро , во близина на Милано.

Судот ја укина ослободителната пресуда за дваесетина лица, вклучително и неколку жени кои присуствувале на забавите, на кои сега им претстои ново судење под обвинение дека земале мито од покојниот италијански премиер за да лажат за случајот на малолетничка проституција, пренесува Анса.

Меѓу обвинетите е и Мароканката со прекар „Руби крадецот на срцата“ Карима Ел Махруг, која наводно била платена за секс од Берлускони кога била сè уште малолетна, пред 2010 година.

Берлускони на крајот беше ослободен од обвинението за плаќање за секс со малолетничка во главниот случај „Руби“, со образложение дека нема докази дека знаел дека Ел Махруг во тоа време имала под 18 години.

Случајот „Руби тер“ се однесува на наводите дека Берлускони, кој почина минатата година на 86-годишна возраст, подмитувал сведоци да лажат за забавите за кои велат дека биле невини собирања.

Сите обвинети, вклучително и Берлускони, во првостепената постапка беа ослободени од технички причини.

Врховниот суд вчера одлучил дека се истечени роковите за обвинувањата за лажно сведочење против обвинетите во случајот „Рубитер“, но се потврди сличното обвинение, за корупција во судските дејствија.

Младите жени, вклучително и Ел Махруг, признаа дека Берлускони им плаќал и им дал станови, но инсистирале дека тоа првично го направил од великодушност, а подоцна за да им ја надомести штетата на угледот предизвикана од судењата.

Жените го добиле името „Олгетинес“ по миланската улица Виа Олгетина, каде се наоѓаат нивните луксузни апартмани.

притисни ентер