Тенис

Билетите за последниот меч на Надал достигнаа неверојатна цена

Цените на билетите за потенцијалниот последен меч во кариерата на Рафаел Надал достигнаа неверојатна цена на црниот пазар, откако се појавија информации дека се распродадени за рекордно време.

Последниот турнир на Надал е Дејвис купот во Малага, каде Шпанија ќе игра со Холандија - додека се споменува дека Рафа би можел да игра во двојки со Карлос Алкараз, објави Телеграф.

Билетите за финалето се исто така распродадени, а побарувачката за нив на сајтовите за препродажба на билети е веќе во тек. Само, за тоа е потребно да се издвои голема сума пари. Две места до теренот за четвртфиналето Шпанија - Холандија се нудат за дури 15.500 долари, а за финалето дури 32.200 долари.

Надал ќе учествува на егзибицискиот турнир во Саудиска Арабија каде ќе биде присутен и Новак Ѓоковиќ, додека на споменатиот Дејвис куп ќе ја заврши својата блескава кариера во која освои 22 Грен слем титули од кои 14 на Ролан Гарос.

Финалето на Дејвис купот ќе се одржи од 19 до 24 ноември, а да потсетиме, Новак Ѓоковиќ, најдобриот тенисер на планетата, го најави своето пристигнување во Малага за збогувањето на Рафа.

- Ти посакувам најдобро можно збогување во Малага со шпанскиот тим во Дејвис купот. Лично ќе бидам таму за да оддадам почит на твојата неверојатна кариера - изјави Ноле.

Свет

Еврото падна на двегодишен минимум во однос на доларот

Еврото денеска падна на најниско ниво во последните две години во однос на доларот, откако најновите податоци покажаа дека деловната активност во еврозоната нагло паднала во ноември.

Според податоците на берзата, европската заедничка валута во еден момент се тргуваше по 1,0399 долари, што е најниска вредност од декември 2022 година, пренесува CNBC.

Глобалната агенција S&P објави дека композитниот индекс на менаџери за набавка (PMI) во еврозоната паднал од октомвриските 50 поени на 48,1 поен.

PMI е параметар кој се користи како показател за економската активност, а резултатот под 50 поени укажува дека економијата е во состојба на контракција, односно пад на економската активност.

Ноемвриските податоци за деловната активност во еврозоната ги подгреаа очекувањата дека Европската централна банка идниот месец значително ќе ја намали референтната каматна стапка, наведува американската медиумска компанија.

Свет

Бајден и Макрон разговарале за состојбата во Украина и на Блискиот Исток

Американскиот претседател Џо Бајден и францускиот претседател Емануел Макрон денеска разговарале за развојот на ситуацијата во Украина и на Блискиот Исток.

Според соопштението од Белата куќа, двајцата лидери разговарале за „низа глобални и билатерални прашања“ и „го разгледале развојот на настаните во Украина“.

Во исто време, Володимир Зеленски, во своето видео обраќање преку ноќ, ги повика светските лидери да „одговорат цврсто и одлучно“ откако Русија вчера истрела експериментална балистичка ракета способна да носи нуклеарни боеви глави врз украинскиот град Днипро.

Како што претходно објавивме, украинскиот претседател рече дека му наложил на својот министер за одбрана да се сретне со западните партнери за да обезбеди ажурирани системи за воздушна одбрана „способни да заштитат животи од овие нови закани“.

Тој рече дека е благодарен на сите што одговориле на овој „последни чин на руско лудило“, но дека „самите зборови не се доволни - потребна е акција“. Зеленски изјави:

„Светот мора да одговори цврсто и решително за Путин да почувствува страв од проширување на оваа војна и да се соочи со вистинските последици од неговите постапки. Вистинскиот мир може да се постигне само со сила - нема друг начин.“

Други спортови

Конор Мек Грегор на суд поради обвинение за брутално силување

Контроверзниот ММА борец Конор Мек Грегор пристигна во Високиот суд во Даблин, каде поротата продолжува да ја разгледува пресудата за случајот за силување што го донесе Никита Ханд.

Мек Грегор се соочува со обвиненија дека брутално ја силувал и нападнал Ханд во хотел во југоисточен Даблин во 2018 година, додека тој тврдел дека сексот бил консензуален.

Хенд, која исто така го тужеше Џејмс Лоренс за напад, бара надомест на штета, додека судијата Овенс се осврна на различни видови отштета, вклучувајќи општа и казнена отштета.

12-члената порота разгледува две клучни прашања - дали Мек Грегор ја нападнал Ханд и дали Лоренс бил вмешан во нападот.

Судијата ѝ посочи на поротата дека ако одговорат со „да“ на едното или на двете прашања, тие се префрлаат на фазата на доделување отштета, каде што е важно да се разгледа загубата на приход и други фактори.

Мек Грегор беше на суд со неговата партнерка Ди Девлин, родителите, сестрата и деверот додека поротниците побараа дополнителен кабел за поквалитетни снимки од камерите за видео надзор од денот на наводниот напад.

притисни ентер