Здравје

Исправете се веднаш!- Неочекувани симптоми предизвикани од лошото држење на телото

Лошото држење на телото не е само естетски проблем; тоа има долгорочни последици врз бројни аспекти на нашето здравје за кои не сме ни свесни.

Важно е да бидете свесни за важноста на правилното држење на телото како дел од секојдневната здравствена заштита и веднаш да се исправите бидејќи долгорочното лошо држење е тесно поврзано со бројни други заболувања кои ги чувствуваме без да бидеме свесни за нив.

Постојаното подгрбавеност носи бројни последици, а еве кои пет непријатни симптоми и болки најверојатно се поврзани со тоа што постојано одиме како да носиме десет килограми тежина врз грбот, а исто така седиме.

Дигестивни проблеми

Многумина не се свесни дека лошото држење може значително да влијае на дигестивниот систем. Кога телото е подгрбавено, се намалува просторот во абдоминалната празнина, а тоа може да предизвика притисок врз органите за варење. Ова го успорува варењето, што може да доведе до непријатност, надуеност, па дури и хронични проблеми како синдром на нервозно дебело црево (IBS). Исто така, подгрбавеноста може да предизвика рефлукс на киселина особено после јадење.

Влијание врз дишењето и капацитетот на белите дробови

Нашето држење директно влијае на респираторниот систем, иако ова можеби не е очигледно на прв поглед. Свитканото држење ги компримира градите, го намалува просторот на белите дробови и го спречува целосниот капацитет за дишење. Како резултат на тоа, телото добива помалку кислород, што може да предизвика чувство на замор, намалена концентрација и пад на енергијата во текот на денот.

Покрај тоа, помалку кислород во телото негативно влијае врз работата на мозокот и другите органи бидејќи кислородот игра клучна улога во нивното правилно функционирање.

Хронични главоболки и напнатост во вратот

Кога главата е навалена напред или рамената се свиткани надолу, мускулите на вратот и горниот дел од грбот работат понапорно отколку што би требало за да ја поддржат тежината на главата. Поради постојаната напнатост на овие мускули, често се јавуваат главоболки и мигрени, кои можат да станат хронични. Затегнатите мускули, исто така, ја намалуваат циркулацијата на крвта во пределот на вратот, што дополнително може да ја влоши главоболката и да предизвика замор.

Влијание врз расположението и менталното здравје

Изненадувачки е колку држењето може да влијае на нашата емоционална состојба и менталното здравје. Истражувањата покажуваат дека подгрбавеноста може да ги зголеми чувствата на стрес, депресија и анксиозност. Кога стоиме или седиме исправено, телото природно испраќа сигнали до мозокот поврзани со подобро расположение и самодоверба.

Подгрбавеното држење на телото, од друга страна, може да предизвика чувство на несигурност и тага, што може дополнително да биде појачано во стресни ситуации.

Влијание врз зглобовите и мускулите на целото тело

Кога сме стуткани, телото не е во својата природна рамнотежа, што доведува до нерамномерно оптоварување на мускулите, лигаментите и зглобовите. Со текот на времето, ова може да предизвика болки во долниот дел на грбот, колената, колковите, па дури и зглобовите, бидејќи секој дел од телото се обидува да ги компензира неправилностите.

Свет

Израелски рабин исчезна во Емиратите, се огласи Нетанјаху

Израелскиот рабин Зви Коган исчезна во Обединетите Арапски Емирати, соопшти денеска канцеларијата на израелскиот премиер Бенјамин Нетанјаху.

Коган има двојно израелско-молдавско државјанство, објави Тајмс оф Израел.

Во соопштението се наведува и дека е отворена истрага врз основа на информации дека исчезнувањето на лицето идентификувано како Зви Коган во четвртокот е поврзано со „терористички инцидент“.

Канцеларијата на Нетанјаху соопшти дека Коган е емисар на Чабад, ортодоксна еврејска организација со ограноци низ целиот свет.

Свет

Идната кралица на Шведска облече униформа, а цивилите добија летоци за да се подготват за војна

Додека на цивилите во Шведска им делат брошури како да се подготват за војна, принцезата Викторија, идната кралица на оваа скандинавска земја, веќе ја облече униформата и зеде пушка.

Престолонаследничката принцеза Викторија од Шведска му се придружи на поморскиот полк на воена вежба додека ја продолжува својата специјална обука за да стане офицер на вооружените сили, пишува Dailymail.

Принцезата е снимена на воена вежба во близина на Стокхолм. Насмеана и енергична, таа покажа дека не се плаши да се соочи со предизвици додека им се придружи на членовите на 1-от морски полк.

Наследничката на шведскиот трон била облечена во маскирна воена униформа, со тежок елек и војнички чизми, додека во рацете држела пушка. И покрај снежните услови, принцезата била фокусирана и подготвена за акција, носејќи ја косата во ниско опавче.

На вежбата, која се одржа во Берга, поморска база во Стокхолм, Викторија се сликаше за групна фотографија со членовите на 1-от морски полк.

Како идна шведска кралица, принцезата Викторија моментално поминува низ специјална офицерска обука за да се подготви за нејзината идна улога. Во април беше објавено дека принцезата ќе присуствува на оваа обука наесен со цел да стекне подлабоко разбирање за тактиката, воената наука и стратегијата.

„Целта ми е да ја вложам целата моја енергија на оваа обука за во иднина најдобро да ја претставувам Шведска и вооружените сили. Се радувам на интересниот и корисен период на учење со моите нови колеги“, рече тогаш таа.

Претходно, Викторија присуствуваше на тринеделен основен воен курс во Меѓународниот центар на шведските вооружени сили во 2003 година.

Воената обука на Викторија е дел од пошироката традиција меѓу европските кралски семејства. Шпанската принцеза Леонор (18), наследничка на шпанскиот трон, минатата година започна интензивен тригодишен курс на Генералната воена академија во Сарагоса.

Обуката вклучува програми на Поморската академија и Академијата на воздухопловните сили, обезбедувајќи сеопфатен увид во шпанските вооружени сили. Двајцата британски принцови Вилијам и Хари завршија воена обука. И двајцата се пилоти на хеликоптери, а црвенокосиот Хари служел како пилот на Апачи во Авганистан.

Откако Викторија ќе стане кралица, нејзината најстара ќерка, принцезата Естел, се очекува да помине низ слична обука како втора во редот за тронот.

Свет

Зеленски: Се наближува крајот на војната

Украинскиот претседател Володимир Зеленски изјави дека руската војна против Украина најверојатно ќе заврши наредната година.

„Кога ќе заврши војната? Кога Русија сака војната да заврши. Кога САД ќе заземат посилна позиција. Кога глобалниот југ ќе застане на страната на Украина и ќе застане до крајот на војната“, рече Зеленски во разговор со претставниците на странските медиуми во Киев на третата меѓународна безбедносна конференција за храна, „Жито од Украина“. „Тоа нема да биде лесен пат, но убеден сум дека ги имаме сите можности тоа да се случи следната година“, ги пренесе неговите зборови новинската агенција Укринформ.

„Отворени сме за предлози од лидерите на африканските, азиските и арапските земји“, продолжи Зеленски. „Би сакал да ги слушнам и предлозите на новиот американски претседател и мислам дека ќе ги слушнеме во јануари и ќе имаме план да ставиме крај на оваа војна.“

Новоизбраниот американски претседател Доналд Трамп во текот на својата предизборна кампања постојано јасно ставаше до знаење дека сака да ја намали големата американска поддршка за Киев. Откако е избран веќе не вели дека во рок од 24 часа ќе стави крај на војната во Украина, што претходно го потенцираше.

притисни ентер