Живот

Домашниот миченик и го спасил животот

Спиела и во 4 часот наутро врз неа скокнал нејзиниот волчјак, кучето почнало да ‘ржи и лае, не била ни свесна дека најлошото допрва доаѓа

Пам Менсфилд во 2013 г. вдомила кученце од расата германски овчар, не била ни свесна што би можело да се случи неколку години подоцна.

Пем Менсфилд (74) денеска не би била жива ако не било нејзиното куче по име Џипси. Имено, оваа баба има дијабетес тип 1, поради што мора редовно да го контролира нивото на шеќер во крвта и да прима инсулин. Во спротивно, може да падне во дијабетична кома која може да биде фатална.

Сепак, Пем не размислувала за сето тоа кога во 2013 година зела кученце од расата германски овчар, не знаејќи дека кучето еден ден ќе ѝ го спаси животот.

- Спиев во креветот кога во четири часот наутро Џипси почна како луда да скока по мојот кревет. Таа лаеше и ‘ржеше, и ми ја влечеше ноќницата, ме лижеше по лицето и не се откажуваше. Се обидов да ја смирам и да заспијам, но таа не се откажа. Упорно ме туркаше и не ми даваше повторно да заспијам... Во еден момент само помислив: „Што по ѓаволите се случува?“. Кучето никогаш не се однесувало така и не се откажуваше додека не бев целосно будна - се присетила Пем.

Дури тогаш сфатила дека не се чувствува добро и веднаш го зела апаратот за мерење на нивото на шеќер. Ја фатила паника кога ги видела вредностите, бидејќи сфатила дека мора итно да земе инсулин. Ја делеле минути од состојбата на дијабетична кома и ако продолжела да спие, којзнае што ќе ѝ се случело.

- Тоа беше еден од полошите напади што сум ги имала. Немав никаква причина да се разбудам среде ноќ. Не бев ни свесна дека шеќерот ми паднал под границата. Не знам што се случи, но знам дека ако не ме разбудеше Џипси, ќе паднев во кома и ќе умрев – додала таа.

Откако си дошла на себе, Пам сакала да стане и да оди во тоалет, но кучето не дозволувало.

- Не ми дозволуваше да станам од креветот. Таа е исклучително заштитнички настроена кон мене, никогаш не сум имала куче како неа. Ја сакам, таа ми е како член од семејството – изјавила Пем со солзи во очите.

Дури и кога инсулинот се вратил во нормала, кучето не ја оставало ни за момент.

- Легна до мене во креветот, со часови не мрдаше. Кога станав, таа внимателно одеше зад мене како да се плашеше да не паднам. Таа е толку прониклива и грижлива, и се чини дека ме познава многу добро, додала Пем.

По неколку дена, таа му кажала сè на ветеринарот, кој ѝ објаснил дека кучето веројатно ги намирисало кетоните во нејзиниот здив додека спиела, супстанца која се создава кога телото не добива доволно гликоза.

-Џипси не беше дресирана за такви работи, реагираше инстинктивно во желбата да ме заштити и ми го спаси животот - заклучила Пем.

Инаку, Пем е вдовица која живее сама и благодарение на нејзиното куче може да ужива во играта со своите внуци, пишува Метро.

Дијабетичната кома е состојба опасна по живот која се јавува кај луѓе со дијабетес кои имаат сериозно нерегулирано ниво на шеќер во крвта. Имено, дијабетичната кома се заканува кога некој со дијабетес има прениско ниво на шеќер во крвта (хипогликемија) или превисоко ниво на шеќер (хипергликемија).

Симптомите се:

оневозможен говор

проблеми со видот

поспаност

слабост

главоболка

немир

паѓање во кома

Живот

На Камчатка во тек е акција за спасување на кит- убиец, се чека плима (ВИДЕО)

Млада женка кит убиец, насукана на брегот на Охотското Море на рускиот полуостров Камчатка, била одвлечена во морето и чека плима за да може да заплива, соопшти руското Министерство за вонредни ситуации за Камчатка.

- Китот-убиец, кој се насука на брегот, беше префрлен во Охотско Море, а сега животното закрепнува, па постои надеж дека ќе доплива до морето - се наведува во соопштението што го пренесе РИА Новости, објави Ројтерс.

Веднаш по откривањето на насуканиот кит, луѓето почнале да ја полеваат со вода женката кит убиец и ископале канал во песокот до водата. Претходно беше објавено дека женката орка е во лоша состојба, кожата ѝ е напукната, а по телото има рани и дека најверојатно подолго време лежела на брегот.

На почетокот на октомври била започната спасувачка операција на брегот на Камчатка, во која неколку дена од плиткото било извлечено семејство китови убијци, меѓу кои и младенчиња. Тогаш сите животни биле спасени.

Свет

Познат е мотивот на мајката од Франција, која си ги уби трите деца

Жителите на мирниот град во Франција, каде мајка, наводно, избодела три деца до смрт пред да биде пронајдена мртва, велат дека можеби постапила од одмазда.

Дебора Пел (45) наводно ги избодела своите деца Џулс (2), Ноа (11) и Викторија (13) во нивниот дом во Танинг во вторникот, пред да се упати кон соседна Швајцарија, каде што подоцна била пронајдена мртва во ауди.

Локалните жители сега тврдат дека Дебора можеби „сакала да се одмазди со убивање на децата“ откако „со партнерот работите не оделе добро“ и тој се оддалечил, според Le Parisien.

Мажот, кој е татко на најмалото дете, го открил ужасот во семејната куќа и веднаш ги повикал надлежните. Обдукцијата покажала дека децата биле избодени до смрт.

Ќерката на Дебора, Викторија, наводно претходно ѝ рекла на својата пријателка дека „со нејзината мајка работите не се добри, дека е депресивна“. Дебора наводно оставила и проштално писмо, но содржината не е позната.

Телата на децата биле пронајдени во вторникот околу 13 часот, по што е започната потрага по мајката.

Дебора имала француско и швајцарско државјанство, поради што француските власти веднаш побарале помош од швајцарските колеги во потрагата по неа.

Вчера наутро нејзиното тело било пронајдено во автомобил на паркинг во Швајцарија, а причината за смртта се уште не е позната.

Полицијата го истражува мотивот за ова страшно злосторство.

Според медиумите, најстарите деца биле од претходната врска на Дебора, додека таа со сегашниот партнер го имала само најмалото дете.

Мештаните се во шок по злосторството, додека истрагата продолжува.

Фудбал

УЕФА со итна истрага за англискиот судија Кут, кој шмрка бел прав по натпревар на ЕУРО (ВИДЕО)

УЕФА одлучи да отвори итна истрага откако се појави видео на кое наводно може да се види како англискиот судија Дејвид Кут шмрка некаков вид на бел прав само еден ден по четвртфиналето на Европското првенство.

Како што наведува британски „Сан“ во својот текст, тој прав изгледал како кокаин, а Дејвид Кут користел банкнота од долар за да шмрка сè од масата во должина од неколку сантиметри.

Ова не е прв скандал во кој се најде Кут, бидејќи пред само неколку дена на социјалните мрежи се појави видео на кое може да се види како Англичанецот го нарекува Јирген Клоп „п*к“, додека тој го нарекува Ливерпул „ sh*t“.

Како резултат на тоа, тој исто така беше суспендиран од PGMOL, Англиската професионална асоцијација на судии, во очекување на истрага. По тој повод со кратко соопштение се огласи и УЕФА.

- Назначен е дисциплински инспектор на УЕФА да процени дали има прекршување на дисциплинските прописи од страна на судијата, господинот Дејвид Кут. Дополнителни информации за овој случај ќе има подоцна – напиша УЕФА.

Дејвид Кут го нема на судискиот список за претстојните меѓународни натпревари, иако беше планирано да се најде на нив.

притисни ентер