Здравје

Од оваа болест страда секој втор човек

Ако почувствувате притисок во бешиката и цревата веднаш обратете се на лекар!

Ишијасот е збир на тегоби во долниот дел од грбот и настанува како резултат на воспаление на нервот ишијадикус, а еве како да го препознаете и да го третирате.

Нема човек кој во одреден период од животот немал болки во грбот, особено долниот дел. Причините можат да бидат различни, а најчеста причина е долгото седење, недоволната физичка активност и движење. Една од најболните состојби е ишијасот кој се јавува во долниот дел на грбот, а проблеми од овој тип доживува секој втор човек барем еднаш во животот. Лекарите предупредуваат дека е забележан раст на бројот на млади пациенти со ишијас и болки во грбот, како резултат на работењето во канцеларија.

Како настанува ишијасот?

Ишијас се јавува кога се воспалува нервот ишијадикус. Тоа е најдолгиот нерв во нашето тело кој започнува од долниот дел на грбот и се спушта надолу низ двете нозе. Воспалението на нервот може да се појави како резултат на повреда или притисок врз самиот нерв, што предизвикува болка. Почнува од лумбалниот дел на грбот и може да се прошири на колковите, задникот и нозете.

Како што истакнуваат стручните лица од познатата клиника Мајо, болката предизвикана од воспаление на ишијадикусот може да биде исклучително силна и да доведе до слабост во нозете, дури и до проблеми со мочниот меур и цревата, а третманот трае од неколку недели до неколку месеци.

Ишијасот најчесто се јавува кога еден од петте 'рбетни корени на овој нерв е набиен, но може да укажува и на некои други болести, а големо влијание има и генетската предиспозиција. Кај помладите пациенти, ишијасот најчесто се поврзува со дискус хернија. Најчестите симптоми на ишијас се:

чувство на трнење во ногата

болка која се шири низ цело подрачје на нервот ишијадикус

намалено чувство за допир

намален Ахилов рефлекс или негово отсуство

мускулна слабост

оневозможено стоење на прсти и пети

болката може да варира од блага до остра болка

ишијасот обично ја зафаќа едната страна од телото

некои луѓе може да чувствуваат вкочанетост, пецкање или мускулна слабост на ногата или стапалото

еден дел од ногата може да боли, додека другиот дел може да биде вкочанет

отежнато движење

Кога да се одите на лекар?

Ишијасот, особено поблагите симптоми, обично исчезнуваат сами од себе со употреба на лекови против болки. Сепак, веднаш контактирајте го вашиот лекар во следниве ситуации:

ако болката во долниот дел на грбот не поминува подолго од една недела

ако болката е интензивна и се влошува

ако почувствувате ненадејна, силна болка во лумбалниот дел на грбот или ногата

ако имате чувство на мускулна слабост и намалена чувствителност во оваа област

ако сте повредени

ако имате проблеми со контролата на дебелото црево или мочниот меур

Болката обично трае од седум до 14 дена при акутно воспаление, па дури и неколку месеци при хронично воспаление на нервот. Болката кај хроничниот ишијас е послаба отколку кај акутниот. Откако болката ќе се смири, под надзор на физиотерапевт се изведуваат вежби за зајакнување на мускулите во долниот дел на грбот.

На пациентот му се советува да спие на тврда, рамна површина, да избегнува нагли движења, кревање товар... Доколку тоа влијае на квалитетот на животот на пациентот и врз основа на проценка на лекарот, проблемот може да се реши со хируршка интервенција.

Превенцијата не е секогаш можна, но лекарите препорачуваат редовно вежбање, пешачење и исправено седење така што колковите и колената да бидат во иста линија (без прекрстување на нозете). Можете да поставите помала перница помеѓу потпирачот на грбот и долната шуплина на грбот за да ја одржите природната кривина на 'рбетот. Кога кревате товар, не виткајте го грбот, туку клекнете и подигнете го товарот, без разлика дали кревате корпа со влажни алишта или дете.

Свет

Израелски рабин исчезна во Емиратите, се огласи Нетанјаху

Израелскиот рабин Зви Коган исчезна во Обединетите Арапски Емирати, соопшти денеска канцеларијата на израелскиот премиер Бенјамин Нетанјаху.

Коган има двојно израелско-молдавско државјанство, објави Тајмс оф Израел.

Во соопштението се наведува и дека е отворена истрага врз основа на информации дека исчезнувањето на лицето идентификувано како Зви Коган во четвртокот е поврзано со „терористички инцидент“.

Канцеларијата на Нетанјаху соопшти дека Коган е емисар на Чабад, ортодоксна еврејска организација со ограноци низ целиот свет.

Свет

Идната кралица на Шведска облече униформа, а цивилите добија летоци за да се подготват за војна

Додека на цивилите во Шведска им делат брошури како да се подготват за војна, принцезата Викторија, идната кралица на оваа скандинавска земја, веќе ја облече униформата и зеде пушка.

Престолонаследничката принцеза Викторија од Шведска му се придружи на поморскиот полк на воена вежба додека ја продолжува својата специјална обука за да стане офицер на вооружените сили, пишува Dailymail.

Принцезата е снимена на воена вежба во близина на Стокхолм. Насмеана и енергична, таа покажа дека не се плаши да се соочи со предизвици додека им се придружи на членовите на 1-от морски полк.

Наследничката на шведскиот трон била облечена во маскирна воена униформа, со тежок елек и војнички чизми, додека во рацете држела пушка. И покрај снежните услови, принцезата била фокусирана и подготвена за акција, носејќи ја косата во ниско опавче.

На вежбата, која се одржа во Берга, поморска база во Стокхолм, Викторија се сликаше за групна фотографија со членовите на 1-от морски полк.

Како идна шведска кралица, принцезата Викторија моментално поминува низ специјална офицерска обука за да се подготви за нејзината идна улога. Во април беше објавено дека принцезата ќе присуствува на оваа обука наесен со цел да стекне подлабоко разбирање за тактиката, воената наука и стратегијата.

„Целта ми е да ја вложам целата моја енергија на оваа обука за во иднина најдобро да ја претставувам Шведска и вооружените сили. Се радувам на интересниот и корисен период на учење со моите нови колеги“, рече тогаш таа.

Претходно, Викторија присуствуваше на тринеделен основен воен курс во Меѓународниот центар на шведските вооружени сили во 2003 година.

Воената обука на Викторија е дел од пошироката традиција меѓу европските кралски семејства. Шпанската принцеза Леонор (18), наследничка на шпанскиот трон, минатата година започна интензивен тригодишен курс на Генералната воена академија во Сарагоса.

Обуката вклучува програми на Поморската академија и Академијата на воздухопловните сили, обезбедувајќи сеопфатен увид во шпанските вооружени сили. Двајцата британски принцови Вилијам и Хари завршија воена обука. И двајцата се пилоти на хеликоптери, а црвенокосиот Хари служел како пилот на Апачи во Авганистан.

Откако Викторија ќе стане кралица, нејзината најстара ќерка, принцезата Естел, се очекува да помине низ слична обука како втора во редот за тронот.

Свет

Зеленски: Се наближува крајот на војната

Украинскиот претседател Володимир Зеленски изјави дека руската војна против Украина најверојатно ќе заврши наредната година.

„Кога ќе заврши војната? Кога Русија сака војната да заврши. Кога САД ќе заземат посилна позиција. Кога глобалниот југ ќе застане на страната на Украина и ќе застане до крајот на војната“, рече Зеленски во разговор со претставниците на странските медиуми во Киев на третата меѓународна безбедносна конференција за храна, „Жито од Украина“. „Тоа нема да биде лесен пат, но убеден сум дека ги имаме сите можности тоа да се случи следната година“, ги пренесе неговите зборови новинската агенција Укринформ.

„Отворени сме за предлози од лидерите на африканските, азиските и арапските земји“, продолжи Зеленски. „Би сакал да ги слушнам и предлозите на новиот американски претседател и мислам дека ќе ги слушнеме во јануари и ќе имаме план да ставиме крај на оваа војна.“

Новоизбраниот американски претседател Доналд Трамп во текот на својата предизборна кампања постојано јасно ставаше до знаење дека сака да ја намали големата американска поддршка за Киев. Откако е избран веќе не вели дека во рок од 24 часа ќе стави крај на војната во Украина, што претходно го потенцираше.

притисни ентер