Идни мајки, внимавајте! Ова може да има негативно влијание на вашето бебе!

Не е сеедно дали сте расположени или депресивни во текот на бременоста, еве и зошто.

Многумина не ја сфаќаат сериозно психичката состојба на трудницата, меѓутоа, таа има голем ефект врз бебето што ќе го роди. Нејзиното ментално здравје може да има длабоко влијание врз умот на нероденото бебе – пренесува Хелт деј (Health Day).

Ако некои мајки биле изложени на стрес, анксиозност или депресија за време на бременоста, тоа би можело да се пренесе врз детето, односно како последица да има влијание врз неговото ментално здравје и да предизвика проблеми во неговото однесување. Ова конкретно се однесува на можноста децата да имаат симптоми на АДХД или да покажуваат агресивно и непријателско однесување доколку нивните мајки се справувале со некои психички проблеми.

- Нашето истражување сугерира дека психолошкиот стрес за време на бременоста има мал, но постојан ефект врз ризикот децата да имаат агресивно, импулсивно и дезинхибиторно однесување - вели истражувачката Ирина Тунг, доцент по психологија на Државниот универзитет во Калифорнија, Домингез Хилс.

За да дојдат до ова знаење, Тунг и нејзините колеги прегледале и анализирале податоците од 55 студии, во кои биле вклучени повеќе од 45.000 учесници.

Споменатите студии го мереле психолошкиот стрес на жените за време на бременоста, а подоцна и екстернанализираното однесување на нивните деца, односно симптомите од менталното здравје насочени кон другите. Била истражувана и мајчината вознемиреност за време и по бременоста, а тоа помогнало во контролата на потенцијалните ефекти од постпородилните ментални здравствени проблеми врз бебето во развој.

Иако постнаталниот стрес бил под контрола, истражувачите откриле дека психолошките симптоми за време на бременоста го зголемуваат ризикот од проблеми врз менталното здравје кај децата. Ова се однесувало подеднакво и за момчињата и за девојчињата, и тоа во раното детство (2-5 години), а ваквите проблеми се задржале и во тинејџерските години. Овие резултати биле објавени во списанието Психолошки билтен (Psychological Bulletin). Оваа теорија сугерира дека хормоните на стрес можат да влијаат врз развојот на мозокот кај децата уште додека тие се во утробата. Истражувачите сега работат на изнаоѓање начини на поддршка кои би можеле да ги заштитат жените од стрес во текот на бременоста, особено во семејствата кои се соочуваат со нееднаква здравствена заштита.

Тунг истакнува дека повеќето истражувања се фокусирани на белци, луѓе од средна класа и образовани луѓе, а дека искуствата на расизам, економска нееднаквост и недостаток на здравствена заштита го зголемуваат стресот кај трудниците.

Голем број жени се чувствуваат вознемирени и депресивни за време на бременоста, а тоа допринесува до долгорочни негативни последици врз нивното дете. Експертите напоменуваат дека доколку идните мајки се соочуваат со стрес или нарушено ментално здравје, треба да побараат совет и поддршка за да ги избегнат негативните последици врз нероденото дете.

Алкалоид го освои трофејот во ракометниот Куп на Македонија

Ракометарите на Алкалоид се победници во Купот на Македонија, откако вечерва во финалето одиграно во СРЦ „Борис Трајковски“ во Скопје го совладаа фаворитот Еурофарм Пелистер со 25:23 по изведувањето пенали.

Ова е прв трофеј во својата куса историја за младиот тим на Алкалоид кој на завршниот турнир ги совлада најголемите две имиња во македонскиот ракомет, Вардар и Еурофарм Пелистер.

Во финалето двете екипи во повеќе наврати се менуваа во водство, највисокото беше четири голови разлика, за на крај победникот да биде решен по пенал-рулетот во кој се истакна голманот на скопскиот тим Иван Галевски.

Токму Галевски беше прогласен за најдобар голман на завршниот турнир, наградата за најдобар стрелец отиде кај Богдан Радивојевиќ, а за МВП Филип Кузмановски (двајцата од Еурофарм Пелистер).

Претходно во текот на денот, во женското финале, Ѓорче Петров го победи Чаир со 36:24. /МИА

Курти ѝ се пожалил на американската државна потсекретарка за заканите од Србија кон Косово

Курти ја изрази својата загриженост поради постојаните закани на Србија кон косовската држава.

Косовскиот премиер, Албин Курти на денешната средба со потсекретарката за јавна дипломатија на Стејт департментот на САД, Елизабет Ален, која престојува во Косово, ја изрази својата загриженост поради постојаните закани на Србија кон косовската држава, јави дописникот на МИА од Приштина.

Како што соопшти владината служба за информирање, Курти на средбата со Ален рекол дека „авторот и водач на терористичката и паравоена српска група“, која го изврши нападот во Бањска во северно Косово во септември минатата година, Милан Радоичиќ, сè уште е на слобода во Србија.

Косовскиот премиер изразил и жалење што барањето на Косово за членство во оваа институција не е ставено на агендата на Комитетот на министри на Советот на Европа за 17 мај.

„На средбата се разговараше и за односите меѓу Косово и Србија и за процесот на дијалог со посредство на Европската унија. По ова прашање премиерот Курти ја истакна важноста од целосно и безусловно спроведување на основниот договор и неговиот анекс. Во однос на патот на Косово кон евроинтеграциите, премиерот Курти изрази жалење што Комитетот на министри на Советот на Европа одби да го вклучи Косово во агендата за гласање на 17 мај, со оглед на тоа што Косово ги исполни сите критериуми за членство“, се вели во соопштението од кабинетот на премиерот.

Во текот на разговорот, Курти ја запознал Ален со „случувањата во земјата, напредокот во владеењето на правото, социјалните политики кои ги поддржуваат жените и децата, реформите во образованието со цел поврзување на образованието со пазарот на трудот, како и политиките и инвестициите во енергетиката“.

Курти изјави дека САД се сојузник и историски партнер на Косово и очекува зајакнување на меѓусебните односи во иднина, особено на полето на економијата и трговијата.

Пред да се сретне со Курти, американската дипломатка, Ален претпладнево се сретна и со претседателката на Косово, Вјоса Османи, со која потпиша договор за разбирање меѓу владите на САД и Република Косово, против манипулациите со информации од други држави. /МИА

Идентификувана точната локација на падот на хеликоптерот Раиси

 Командантот на Корпусот на Исламската револуционерна гарда (ИРГЦ) во Источен Азербејџан, Асгар Абасголизадех изјави дека ИРЦГ откриле сигнал од хеликоптерот и од мобилен телефон на еден од екипажот на местото на инцидентот.

- Во моментов, заминуваме со сите воени сили во областа и се надевам дека ќе им дадеме добри вести на луѓето, посочи Абасголизадех

Претходно, иранскиот заменик-претседател за извршни работи Мохсен Мансури изјави дека двајца патници од хеликоптерот со кој патуваше претседaтeлот Ебрахим Раиси, комуницирале со спасувачките сили.

Мансури истакна дека тоа значи оти несреќата најверојатно била со помал интензитет. /МИА

притисни ентер