Црвено жолтите синоќа на гостувањето во Ереван ја победија селекцијата на Ерменија со 2-0 со евро головите на Миовски и Алими со што ја запишаа третата победа во групата Д по 4 одиграни кола во сегментот Ц.

Македонските фудбалери како и на гостувањето во Рига пред три дена, вчера во Ерменија на задоволство на селекторот Милевски одиграа уште еден еден добар натпревар на гостински терен и го потврдија својот квалитет во однос на директните конкуренти за првото место во групата.

Со синоќешниот триумф нашиот национален тим се заврсти на првата позиција во групата која носи пласман во повисок ранг на натпреварување, но не како и во претходните циклуси во Лигата на нации, директен бараж натпревар за пласман на големо натпреварување како европски или светско првенство.

На мундијалот во САД, Канада и Мексико од Европа ќе се пласираат 16 селекции. Лидерите на 12-те квалификациски групи, а последните 4 места ќе ги пополнат репрезенациите победници во бараж дуелите, во кои ќе учествуваат и четирите најдобри по рангови во Лигата на нациите, национални тимови кои преку квалификациите ќе немаат обезбедено пласман на Светскиот шампионат.

Ако му кажеме на народот дека имаме 11 помошници директори, тоа за него ќе биде баук, ќе вика: „чекајте бе луѓе, 11 помошници директори“. Но, тоа се луѓе кои работат, кои држат сектори - за контрола и истраги, за финансии, за админисративно-технички работи, за информатичко усогласување на процедурите,... Секоја позиција кај нас е многу добро систематизирана со обврски и задачи. Ако погледнете, сосема ќе се согласите и веќе нема да поставувате вакви прашања, рече денеска директорот на Царинската управа Бобан Николовски во врска со именувањето уште еден дополнителен заменик директор.

Одговорајќи на новинарски прашања по презентацијата на сработеното во првите 100 дена, Николовски рече дека „Отворен Балкан“ функционира, но со потешкотии. Иако фактички поплаки нема, транспортерите и стопанствениците се во право дека системот мора да се подобри, напомена Николовски и најави средби со претставници од сите земји на „Отворен Балкан“ за да се направат технички манипулации кои би ги убрзале постапките.

-Фактички поплаки дека „Отворен Балкан“ не функционира немаме. Системот функционира, меѓутоа, да, со потешкотии. Планираме средби со сите земји од проектот во најбрз можен рок. Овие 100 дена ги потрошивме не залудно, ги гледавте резултатите, меѓутоа работевме на стегнување на капацитетите на Царинската управа и на покачување на сите резултати кои Царинската управа е должна да ги даде кон државата, а тоа се откривачките функции, контролата и финансиските контроли. Тоа е поентата. Во наредниот период ќе се отвориме многу повеќе кон контакти со земјите што се околу нас, со царинските служби околу нас и ќе почнеме да ги решаваме и тие проблеми, истакна Николовски.

Според директорот, Царината ќе биде „ударна игла“ во борбата против корупцијата и криминалот. За работата на претходното раководство, Николовски не потврди дали се идентификувани неправилности.

-Царинската управа ќе биде ударна игла во борба против корупцијата и криминалот и за тоа можам уште сега да ви кажам да немате никакво сомневање. Апсолутно ќе бидеме ударна игла. Втора работа што сакам да потенцирам пред граѓаните на Република Македонија е дека треба да имаат само малку трпение. Трета работа дека преку ноќ не бидува ништо. Четврта работа дека за сето она што сме го детектирале работиме и толку можам да ви кажам, а за сето она што ќе го детектираме сметајте дека ќе бидат спроведени постапки согласно со нашите законски овластувања. За се она што сме го детектирале, работиме и толку можеме да ви пренесеме затоа што такви се процедурите и наши и во другите државни институции, да не можеме да отвориме се предвреме, рече Николовски.

Во однос на именувањето уште еден дополнителен заменик директор, одговори дека секој царински службеник има своја задача во Управата.

-И секој помошник директор и секој советник има своја задача, така што и секој заменик директор ќе има своја задача во Царинската управа. Да не сме сметале дека нема потреба, не би дошло до овој процес. Но, верувајте дека и вториот заменик директор ќе биде максимално искористен со своите должности што ќе му ги дадам како директор. Секое ново вработување во која било институција треба да е вистинско, вистински човек со мерит систем на вистинско место. Ако тој има придонес во институцијата нема потреба да го драматизираме или да го проблематизираме самото место, а вие ќе се уверите, ви ветувам дека и тој заменик-директор и секој нововработен ќе биде соодветно примен во Царинската управа и ќе ги завршува своите работни задачи онака како што треба, подвлече Николовски.

Адвокатот Марјан Витановски, бранител на првообвинетиот Љупчо Палевски за убиството на Вања Ѓорчевска и Панче Жежовски, смета дека денешниот исказ на мајката на Вања, не може да се доведе во поврзаност со конкретните кривични дела кои му се ставаат на товар на Палчо. Додека, адвокатот Владимир Туфегџиќ, бранител на таткото на Вања, кој е исто така осомничен во случајот, вели дека со исказот на Зорица Ѓорчевска се расчистиле сите шпекулации.

- Преку овие докази во никој случај не може да се доведе во поврзаност со конкретните кривични дела. Од исказите на овие оштетени во својство на сведоци, нема ниту еден дел од нивниот исказ кој и упатувал на тоа дека Палевски е сторител на кривично дело. Верувам во својaта одбрана и затоа сум тука. Ние негиравме уште во фаза на истрага. Сега кога сум повеќе запознаен со ова, сметам дека постои можност вака поставеното обвинение, преку тие докази нема можност обвинетиот Љупчо Палевски да биде поврзан со конкретните кривични дела. Фаза по фаза, ќе бидат изведувани тие докази па може да ги анализираме еден по еден, изјави адвокатот Витановски по денешното судење.

Според бранителот на Александар Ѓорчевски, адвокатот Туфекџиќ, исказот на мајката е многу важен, затоа што, како што рече, конечно се расчистија сите шпекулации и мистерии, тајни кои се провлекуваа во јавноста изминатиов период од откривањето на настанот до денеска.

- Денеска присуствувавме на еден исказ кој дава логичен след на работите со кои се потврдува теоријата и тезата на одбраната дека Александар нема никаква иноволвираност. Денеска бевте присутни, го слушавте исказот и во таа смисла и самиот сведок не посочи дека Александар направил нешто невообичаено или што нешто што ни било кој обичен и нормален човек не би направил во тој момент, рече тој.

По однос на прашањето дека Александар дал своја претпоставка дека девојчето е киднапирано, одговори дека поради фактот што тој не можел да си поверува дека неговите деца би избегале од дома, помислил на таа опција.

- Доколку внимателно го слушнавте сведокот, сведокот многу јасно и децидно појасни, особено на вкрстеното прашање, дека пред сè и таа имала своја теорија дека Вања избегала, дека некој ја прелажал итн. Појасни во која смисла и во која насока таа го разбира неговото толкување, односно неговото мислење дека Вања е киднапирана и појасни во таа насока дека тој не можел да се помири со фактот бидејќи многу им верувал на децата, ако внимателно слушавте, дека неговото дете избегало или некој ја прелажал итн. И затоа неговата теорија била дека тој претпоставува дека нема што друго да биде освен дека е киднапирана, што за мене, но, стекнав чувство и кај самиот сведок, не предизвикала како што и таа самата вели преголемо внимание бидејќи сите биле вознемирени, сите биле насочени кон тоа да го пронајдат детето и да се открие што се случило, рече адвокатот.

Прашан во врска со тоа дека обвинителството рече дека има непобитни докази во смисла на телефонски преписки, одговори дека не се спорни тие преписки.

- Не се воопшто спорни телефонските преписки и јас воопшто тој дел не би го коментирал јавниот обвинител и не сум баш убеден и сигурен дека се однесуваше на мојот клиент затоа што преписката за која вие ја посочувате таа е воопшто неспорна и денеска сведокот ја објасни комуникацијата помеѓу таткото и децата и како што и самите слушнавте како кажа – сакаше тој малку да се прави како паметен и да соли памет и секогаш да дава некакви идеи итн. Во целост денешниот исказ на овој сведок оди во правец на теоријата на случаи на одбраната и спротивно на она што се тврдењата на Јавното обвинителство, рече Туфегџиќ.

Зорица Ѓорчевска, мајката на убиената Вања Ѓорчевска денеска изјави дека не ги познава обвинетите за убиството на нејзината ќерка. На расправата за двојното убиство на малолетната Вања и велешанецот Панче Жежовски во Кривичен таа сведочеше за денот кога нејзината ќерка исчезнала и потрагата по неа.

На денешната расправа сведочеа и ќерката на Панче, Ана Киркова, и нејзиниот сопруг, Тодор Кирков. На прашања на обвинителката Жаклина Лазаревска, Киркови сведочеа за моментот кога увиделе дека Жежовски го нема, пријавата во полиција и неговото пронаоѓање.

Во судот денеска беа присутни обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски.

[Судењето поврзано со убиството на малолетната Вања Ѓорчевска и велешанецот Панче Жежовски се одложи за 20 септември откако Судечкиот совет при Основен кривичен суд Скопје денеска донесе одлук]

Обвинетите на изминатото рочиште се произнесоа дека не се чувствуваат за виновни за што дополнително нивната одбрана ќе достави докази.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп.

На 22.11.2023, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Судењето го води судијата Ивица Стефановски, а застапник на обвинението е обвинителката Жаклина Крстевска.

Расправата продолжува на 16 октомври.