Свет

Фицо предупредува на тешки последици од прекинот на транзитот на руски гас преку Украина

Словачкиот премиер Роберт Фицо денеска предупреди на тешки последици откако Киев и Москва потврдија дека е прекината испораката на руски гас во Европа преку Украина.

-Прекинување на транзитот на гас низ Украина ќе има драстично влијание врз сите нас во ЕУ, не само врз Руската Федерација, рече тој во видеото објавено на Фејсбук.

Од друга страна, полскиот министер за надворешни работи Радослав Шикорски го поздрави прекинот на транзитот на руски гас преку Украина, оценувајќи дека тоа е „уште една победа“ во однос на Москва.

Прекинувањето на капацитетот на Москва да испорачува гас директно до ЕУ е „нова победа по проширувањето на НАТО во Финска и Шведска“, напиша Шикорски на „Х“.

Киев и Москва во две одделни соопштенија потврдија дека испораките на руски гас преку Украина утринава дефинитивно се прекинати, по истекот на петгодишниот договор што двете страни го потпишаа на крајот на 2019 година.

Во последните недели Унгарија и Словачка се жалеа дека гасот ќе им биде прекинат на 31 декември без можни алтернативи.

Словачкиот премиер Фицо, кој е близок со Владимир Путин и чија земја е многу зависна од испораките на руски гас, на 22 декември отиде во Москва за да се обиде да најде решение за ситуацијата.

Неговата ненајавена посета го налути украинскиот претседател Володимир Зеленски, кој го обвини Фицо дека сака „да му помогне на Путин“.

Фудбал

Винисиус се извини за инцидентот со Димитриевски, ќе добие суспензија на 12 натпревари

Фудбалерот на Реал Мадрид, Винисиус Жуниор се соочува со долга дисквалификација поради исклучувањето на синоќешниот натпревар од 12. коло на шпанското првенство против Валенсија (2:1). 

Во 79. минута Бразилецот го турна македонскиот голман Столе Димитриевски и доби црвен картон, а по исклучувањето вербално ги нападна судиите.

Според „Мундо Депортиво“, судијата ги запишал постапките на Винисиус во протоколот како агресивни. Според прописите на Ла Лига, за ваква максимална казна е 12 натпревари, а минималната 4.

По натпреварот, Винисиус на социјалните мрежи напиша „Извинете и благодарам на мојот тим“.

Реал Мадрид освои 43 бода и се искачи на првото место во поредокот во Ла Лига. Валенсија остана на 19. место со 12 бодови.

Македонија

Притвор за 23- годишен педофил од Желино- нападнал 11 годишно дете

Јавен обвинител од Основното јавно обвинителство Тетово донесе Наредба за спроведување истражна постапка против едно 23-годишно лице, бидејќи постои сомнение дека извршил други полови дејствија врз дете кое не наполнило 15 години.

Јавен обвинител од Основното јавно обвинителство Тетово донесе Наредба за спроведување истражна постапка против едно 23-годишно лице, бидејќи постои сомнение дека извршил други полови дејствија врз дете кое не наполнило 15 години, кривично дело казниво според член 188 став 5 во врска со став 2 и став 1 од Кривичниот законик.

Осомничениот, на 2 јануари во вечерните часови, го запрел 11-годишното дете и на сила го одвлекол во објект во изградба во близина на неговиот дом во Желино, па започнал пред него да врши други полови дејствија. Детето повикало за помош, но осомничениот не му дозволувал да замине, се додека повиците не ги слушнал таткото на детето и му се спротивставил, по што осомничениот се дал во бегство.

Јавниот обвинител до судијата на претходна постапка од Основниот суд во Тетово достави предлог за определување мерка притвор за осомничениот. Судот го прифати предлогот на обвинителството и донесе Решение со кое му определи притвор во траење од 30 дена, соопштуваат од Обвинителството.

Свет

Први снимки од крвавата пукотница во Вашингтон, полицијата го блокира градот (ВИДЕО)

Четворица мажи и една жена се ранети во пукотница што се случила во вчера вечерта по локално време во Вашингтон.

Според полицијата три лица се пренесени во болница, додека две сами дошле во болница.

Според локалните медиуми, пукањето се случило на Хари Томас Веј, кој се наоѓа во близина на Универзитетот Галодет.

Полицијата добила дојава околу 20:15 часот по локално време. Кога патролите пристигнале на местото на настанот, затекнале двајца мажи и една жена со прострелни рани.

Тие се префрлени во болница во тешка, но свесна состојба. Подоцна, двајца други мажи дошле во болница и исто така биле застрелани на истото место.

Според првите информации, сите ранети во престрелката се познаваат. Засега се верува дека мотив за злосторството се нејасни врски.

Полицијата ја опколи целата област.

притисни ентер