Свет

ЕП бара повторување на изборите во Грузија и санкции против политичките лидери

Пратениците на Европскиот парламент ги отфрлија резултатите од неодамна одржаните парламентарни избори во Грузија, поради, како што наведоа, значителни нерегуларности и повикаа тие повторно да се одржат во рок од една година.

Европскиот парламент денеска усвои резолуција со која се осудуваат парламентарните избори одржани на 26 октомври во Грузија, земја кандидат за членство во ЕУ, бидејќи „тие не се ниту слободни ниту фер“, се вели во соопштението на институцијата.

Тие, исто така, повикаа ЕУ да воведе санкции за официјални лица и политички лидери „одговорни за назадување на демократијата, кршење на изборните закони и стандарди и злоупотреба на државните институции“ и да ја ограничи официјалната комуникација со грузиската влада.

Ова првенствено се однесува на премиерот Иракли Кобахиџе, градоначалникот на Тбилиси и генералниот секретар на владејачката партија Грузиски сон Каха Каладзе, претседателот на грузискиот парламент Шалва Папуашвили и поранешниот премиер и олигарх Бидзин Иванишвили.

Тие сметаат дека владејачката партија Грузиски сон е директно одговорна за колапсот на демократијата во земјата. Тие додадоа дека резултатите што ги објави Централната изборна комисија не ја претставуваат волјата на грузискиот народ.

-Пратениците на Европскиот парламент ги осудуваат бројните и сериозни изборни прекршувања, вклучително и документирани случаи на заплашување гласачи, манипулација со гласовите, мешање во работата на набљудувачите и медиумите, додаваат тие.

Тие побараа повторување на изборите во рок од една година под „темелен меѓународен надзор“ што ќе ги организира независна изборна администрација.

Парламентот, исто така, остро го осуди „систематското мешање на Русија во демократските процеси во Грузија“.

Членовите на Европскиот парламент испратија строго предупредување до грузиските власти дека секој обид за забрана на легално формираните политички партии дополнително ќе ја отуѓи земјата од ЕУ и ќе ги спречи сите чекори кон пристапување во Унијата, се додава.

-Политиката што ја води Грузиски сон не е компатибилна со евроатлантските интеграции на Грузија, велат тие./МИА

Свет

Баба и дедо спасени од снежното невреме во Турција: Гушкаат јагниња за да не се смрзнат (ВИДЕО)

Турција ја зафати силен и обилен снег, кој ги зафати планинските и пониските, централни делови на земјата, вклучително и поширокото подрачје на Анкара. На некои локации измерени се и до два метри снег.

На социјалните мрежи беа објавени видеа од снежната бура која затрупа сѐ, а едно допре до срцата на милиони ширум светот. На него е прикажана постара двојка која се изгубила во снежна бура додека се враќале дома.

Одделот за вонредни ситуации известува дека Натија (70) и Мустафа Акин (70) се враќале во својот дом кога ја изгубиле ориентацијата поради „неповолни временски услови и снежни врнежи“, пренесува Фокс 8.

Спасувачите ги пронашле свиткани и покриени со снег под дрво, но живи. Брачната двојка се спаси гушкајќи ги јагнињата и чувајќи што повеќе топлина. Помогнало и ќебето што го имале со себе.

Надлежните откриваат дека Натија и Мустафа се предадени на лекарите, но не се соопштуваат детали за нивната здравствена состојба. Исто така, не е познато колку долго биле заробени во снежното невреме.

Македонија

Јаневска: Во ученичките и студентските домови има сериозни индиции за криминал

Катастрофална е состојбата која ја затекнавме во поголем дел од ученичките и студентските домови, а создадена во време на претходната Влада. 

Во некои од домовите има сериозни индиции за криминал и ќе поведеме соодветни постапки за да се побара одговорност од досегашните директори, рече министерката за образование и наука проф. д-р Весна Јаневска, одговарајќи на пратеничко прашање во Собранието.

„Ќе го посочам студентскиот дом „Пелагонија“ во Скопје, каде нема топла вода и храна, а вработените не земале плата, затоа што создаден е долг од 34 милиони денари. Но, спречивме целосен колапс, интервентно издвоивме 5 милиони денари, за да можат да се исплатат барем платите и да се обезбеди здравствено осигурување“, рече Јаневска, додавајќи дека и државниот ревизор констатирал доста забелешки за работењето на претходната Влада во делот на ученичкиот и студентскиот стандард.

„Откриен е и случај во кој директор на дом купувал пилешко месо на големо по цена од 570 денари за килограм, иако малопродажната цена во маркетите била 270 денари и децата повторно реагирале дека не добивале доволна количина на храна“, информираше министерката.

Потенцираше и дека се срами од условите кои ги видела во ученичкиот дом „Лазар Лазаревски“ во Велес, каде капацитетот од 300 легла е пополнет само со 100 студенти, затоа што најголем дел од собите се тотално руинирани, како и санитарните јазли.

„За 5 месеци направивме многу повеќе отколку претходната Влада за 7 години. Но, не може сé одеднаш. Продолжуваме да работиме во интерес на младите и за нив ќе обезбедуваме доволно средства“, рече Јаневска.

Министерство за образование и наука

Шоу биз

Фан на Дуа Липа бара отшета, откако бил повреден на нејзин концерт: Можеше да заврши трагично

Пејачката Дуа Липа неодамна одржа концерт во Куала Лумпур, Малезија, каде според зборовите на еден обожавател, дошло до инцидент со пиротехнички средства.

Како што објави Мирор, еден обожавател на Редит го сподели своето искуство тврдејќи дека се повредил на концертот. „Метална цевка од пиротехника ме удри во глава за време на настапот на Дуа Липа во Малезија“, напиша тој и ги праша другите корисници дали мислат дека има право на отштета за повредата.

Дополнителни детали за настанот открил во коментар. Тој изјавил дека по повредата добил седум конци и морал да направи скенирање на главата. Тој исто така рече дека двајца мажи ги платиле неговите медицински трошоци. „Двајца од нив ми пријдоа и ми понудија да платат хотел, билети за концерт и лет, но јас им реков дека сакам прво да разговарам со мојата амбасада, со адвокатот и можеби со полицијата. Им го покажав мојот пост. Тие ми платија болнички трошоци затоа што не можев сам да го направам тоа. Немам намера да го нарушам угледот на Дуа Липа, не е фер. Сакам само компензација за овој инцидент што можеше да заврши фатално“.

Тој додаде дека од него било побарано да ја избрише објавата, што тој одбил да го стори. Подоцна открил дека висок вработен на стадионот му кажал дека нема да биде обештетен освен медицинските трошоци, бидејќи не е јасно дали пиротехниката била дел од настапот или била поттикната од публиката.

Портпаролот на Live Nation, кој ја застапува пејачката, во изјава за Мирор рече: „Побаравме детални информации од добавувачот за тоа како се случи овој инцидент и секако му посакуваме на повредениот фан брзо закрепнување“.

Ова не е прв ваков инцидент на нејзините концерти. На изведбата во 2022 година, неовластен огномет во публиката повреди неколку луѓе. Пејачката тогаш рече: "Безбедноста на моите шоуа е мој приоритет. Мојот тим и јас сме шокирани и збунети од овој инцидент, како и вие. Во моментов е во тек истрага и сите инволвирани работат на откривање на причината. Настапот во пред моите обожаватели е неверојатно искуство за мене и навистина ми е жал за секој кој се чувствувал загрозен, исплашен или дека им бил расипан концертот“.

Дуа Липа моментално е на турнеја која започна на 5-ти ноември во Сингапур.

притисни ентер